Imibanire Imyororokere Indwara Ubuzima

Igitsina kigufi: Bivugwa ryari, biterwa n’iki? Ese birakosoka?

Ese ubu simfite igitsina gito?

Iki kibazo niba ujya ucyibaza nturi wenyine kuko ubushakashatsi bwerekana ko abagabo bagera kuri 45% mu buzima bwabo nubwo batabibaza inshuti zabo ariko babibaza abaganga. Ndetse bamwe baba atari byo byabajyanye ariko babona umwanya nabyo bakabibaza.

Nubwo ariko bimeze gutyo, benshi mu babyibaza baba bafite ibitsina bifite ibipimo nyabyo, ahubwo bo ubwabo bakumva batanyuzwe

 

Nyamara kandi ku rundi ruhande habaho abagira ibitsina bito ku buryo bugaragara, ndetse hakaba n’abafite ibimeze nk’utumenyetso gusa.

Muri iyi nkuru tugiye kubivugaho tunavuge ku bipimo ngenderwaho ngo bemeze ko igitsina ari gito, tunarebe niba hari ibikosorwa.

 

Ni gute bapima uburebure bw’igitsina?

 

Kugirango umenye uburebure bw’ikintu bisaba kugipima. Kugirango unamenye uburebure bw’igitsinanabwo usabwa kugipima.

 

Aha rero hari uburyo bunyuranye bipimwamo. Hari abapima igitsina cyafashe umurego, abandi bagapima kiri mu bihe bisanzwe. Ibi bipimo byose nubwo tutavuga ko atari byo ariko nanone si byo mu buvuzi bikoreshwa. Uramutse upimye uvuye koga cyangwa wanyagiwe ukongera ugapima uvuye muri sauna, wabona ibipimo bitandukanye.

 

Uburyo bwemewe ni ugupima igitsina kitafashe umurego ariko ugafata ku mutwe wacyo ugakurura kugeza kure ushobora. Ufatisha icyo upimisha aho igitsina gitereye hejuru ugatsindagira ku igufa rihari. Bamwe bapimira mu nsi aho amabya ahurira n’igitsina, aha si byo. Upimira hejuru. Kandi ubushakashatsi bwerekana ko uko igitsina cyoroha gukweduka ari nako kiba kirekire iyo ushyutswe

 

Uburebure ubonye ni bwo buzakubwira rero niba ufite igitsina kigufi cyangwa kirekire.

 

Igihe cyose ibipimo ubonye biri munsi ya 12cm, ubwo ufite igitsina kigufi naho niba birenze 17cm nawe ufite kirekire cyane.

 

 

Mu gihe kiri hagati ya 12cm na 9cm ni kigufi ariko bidakabije byo kuba kitakoreshwa mu mibonano

Naho munsi ya 9cm kiba kigufi bikabije ibi bikaba byafatwa nk’uburwayi

Micropenis,_testes
Igitsina kigufi cyane

Biterwa n’iki?

 

Ubusanzwe iyo umwana ari mu nda, ku cyumweru cya 8 amaze gusamwa niho igitsina gitangira gukorwa. Guhera mu cyumweru cya 12 gitangira gukura. Mu gihembwe cya kabiri n’icya gatatu, imisemburo gabo ni yo igira uruhare mu gukura kwacyo ku rugero rukwiriye. Ibibazo mu misemburo rero ni byo bishobora kugira uruhare mu kudakura kwacyo neza.

Iyo bimenyekanye umwana akivuka, ashobora kongererwa imisemburo ya testosterone igifasha gukura neza kugeza abaye ingimbi.

Gusa iyo amaze gukura nta kiba kigikozwe nubwo mu bihugu byateye imbere bashobora kugukorera prothese y’igitsina (inyunganirangingo)

 

Habaho n’abandi nubwo ari bacye cyane bo bagira umwenge gusa werekana aho igitsina giherereye ariko cyo ugipimye nyine wabona 0cm.

small penis front image.jpg

Ibi ahanini byo biterwa no kwiyongera kw’ibinure ku nda ahegereye igitsina bikamira igitsina kikagumamo imbere hakaboneka umutwe wacyo gusa. Aha hitabazwa kubaga no kugabanya ibiro dore ko akenshi ibi biba ku bafite ibiro birenze igipimo.

 

Dusoze twibutsa ko no ku muntu mukuru uburebure bw’igitsina bushobora kugabanyuka, iyo agize umubyibuho ukabije cyane cyane iyo afite BMI iri hejuru ya 30.

Kugira ibiro bikwiye ni ingenzi mu gusigasira uburebure bw’igitsina cyawe.

 

Ku babyeyi, niba umwana avutse ugacyemanga uburebure bw’igitsina cye ni byiza kubaza abaganga bakakumara impungenge

Twibutse ko biriya bipimo bikoreshwa ku basore n’abagabo bageze mu gihe cyo kuba babyara (batangiye kwiroteraho).

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s