Imibanire Imyororokere Indwara Ubuzima

Byinshi wamenya ku kutarangiza ku bagore

Havugwa kutarangiza igihe cyose ukora imibonano mpuzabitsina ariko ntugere ku byishimo bya nyuma. Ku bagabo ntibikunze kubaho niyo bibaye biba igihe gito, ahubwo usanga iki kibazo gikunze gufata abagore dore ko ubushakashatsi bwagaragaje ko abagore hagati ya 11% na 41% bagira iki kibazo mu buzima bwabo.
Gusa habaho n’abagore barangiza ariko bakarangiza batinze. Aba nabo bari muri iki cyiciro. Muri macye hano turavuga ku batarangiza na gacye, abatinda cyane kurangiza ndetse n’abarangiza ibice (kumva usa n’uwarangije ariko ukumva si neza)

1. Ibyiciro byo kutarangiza

Kutarangiza nkuko tumaze kubivuga, biri mu byiciro bitandukanye, bikaba bigera ku byiciro bine by’ingenzi.
  • Mu cyiciro cya mbere harimo abagore batajya barangiza na rimwe, mbese akaba abyumva bivugwa gusa ariko we nta na rimwe biramubaho
  • Mu cyiciro cya kabiri haza abagore baba barigeze kurangiza nka rimwe cyangwa kabiri ubundi bigahagarara ntibongere kurangiza, baba bakiri kumwe na ba bagabo cyangwa se barahinduye
  • Mu cyiciro cya gatatu tuhasanga abagore batarangiza bitewe n’igihe runaka. Aba bagore uba usanga basanzwe barangiza ariko yabikora atabishaka, abikoranye n’uwo adashaka se, cyangwa indi mpamvu, ntarangize
  • Mu cyiciro cya kane tuhasanga abagore badashobora kurangiza, uko wamutegura kose, uburyo bwose wakoresha, igihe cyose wamara ukora imibonano ariko ntabe ashobora kurangiza. Aba batandukanye na bariya bo mu byiciro bibiri bya mbere kuko bariya ahanini biba bishobora gukosorwa byoroshye ariko aha ho biba bigoye.

2. Biterwa n’iki?

Kutarangiza ntabwo bituruka ku mpamvu zimwe ku bagore bose. Buri umwe ku ruhande rwe aba afite impamvu imwe cyangwa nyinshi zimutera kutarangiza ku ruhande rwe. Gusa muri rusange impamvu zitera abagore kutarangiza twavuga izikurikira:
  • Izabukuru
  • Uburwayi runaka nka diyabete
  • Kuba warigeze kubagwa bimwe mu bice nka nyababyeyi, imirerantanga…
  • Kuba hari imiti runaka ukoresha ku buryo buhoraho cyane cyane iya depression
  • Imyumvire, imyizerere cyangwa umuco cyane cyane ku babikorana n’abo batashakanye
  • Isoni n’ubwoba
  • Kumva uri gukora ikosa cyangwa icyaha
  • Uburwayi bufata intekerezo nka stress na depression
  • Kuba warafashwe ku ngufu
  • Kuba utifitiye icyizere
  • Ubuzima ubayemo, umubyibuho ukabije, cyangwa izindi mpinduka mu mikorere y’imisemburo
  • Kuba no gushyukwa biba ari ikibazo
  • Imibanire mu rugo nko kuba mwashwanye cyangwa hari amakosa atarababariwe

Uruhurirane rwa bimwe muri ibi ni rwo rutuma kurangiza bishobora kukubera ikibazo, ndetse ugasanga uko iminsi yisunika uri kurushaho kunanirwa kurangiza.

Ese byakosorwa bite?

Icya mbere ni ugushaka ikibigutera kigakurwaho. Icya kabiri ni ugusanga abaganga n’inzobere bakagufasha.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s