Ubuzima

Ibinyuranye wakora bigatuma amabere asubira guhagarara akanakomera

Amabere kugwa kwayo bituruka ku mpamvu zinyuranye. Hari agwa kubera konsa, kubera se ari manini cyangwa se nyirayo ari we munini. Ndetse iyo unanutse wari ubyibushye amabere nayo aragwa. Gusa burya niyo ibyo bitabaho, uko byamera kose iyo ugeze mu myaka ya za 40 kuzamura amabere agenda agwa. Kuryama wubitse inda buri gihe na byo ni indi mpamvu ishobora gutera amabere kugwa, gukunda kwicara umeze nk’uwunamye cyangwa guhagarara nabi na byo bishobora kuyatera kugwa.

Ese urifuza ko amabere yawe yongera guhagarara? Yego ntitwakwizeza ko rizongera guhagarara ngo ribe nk’umutemeri, ariko hano tugiye kurebera hamwe bimwe mu byo wakora amabere yawe akongera kugira ireme, agakomera kandi agahagarara.

Gusa uburyo bwose turi burebere hano ntibwemerewe umugore utwite ndetse n’uwonsa.

    1. Concombre n’umuhondo w’igi

Concombre ubwayo yifitemo ubushobozi bwo guha uruhu ubukomere bwarwo naho umuhondo w’igi ukungahaye kuri za poroteyine na vitamini. Uruvange rwabyo ni rwiza mu gutuma amabere akomera

Uko bikorwa: Sya concombre nimara kunoga uvangemo umuhondo w’igi rimwe hanyuma ushyiremo akayiko gato ka margarine cyangwa cocoa butter, utabibonye wakoresha amavuta y’inka. Bisige ku mabere uva hasi ugana hejuru, mbese umeze nk’uri kuryegura.

Birekereho iminota 30 ubundi woge n’amazi akonje, nabwo unyura mu nzira wanyuzemo usiga.

Ubikore gusa rimwe mu cyumweru.

    1. Umweru w’igi

Mu mweru w’igi habonekamo ibinure bivanze mu mazi bikaba ari byo bifasha ibere kongera kweguka rigakomera.

Uko bikorwa: Kubita umweru w’igi kugeza ubonye urufuro. Siga ku mabere uva hasi ugana hejuru umeze nk’uryegura ubirekereho iminota 30. ku ruhande ube wateguye umutobe wa concombre cyangwa w’ibitunguru noneho uwukoreshe uhanaguraho ibyo wasizeho hanyuma ukarabe n’amazi akonje.

    1. Igi, ubuki na yawurute

Ubu na bwo ni ubundi buryo wakoresha ushaka kongera gusubiza amabere ireme ryayo.

Uko bikorwa: vanga umweru w’igi n’ikiyiko cy’ubuki n’ikiyiko cya yawurute. Siga nk’uko wasize ibindi uva hasi ugana hejuru ubirekereho iminota 20. nyuma ubyoge n’amazi akonje.

    1. Amavuta ya elayo (olive oil)

Aya mavuta kimwe n’andi mavuta y’umwimerere akomoka ku bimera nka almond oil (huile d’amande douce), jojoba oil, avocado oil na yo ni ingenzi. Aya kandi uretse kuba yakongera gusubiza amabere umwimerere wayo, anayarinda kuba yagwa mu gihe bitarabaho.

Uko bikorwa: shyira ayo mavuta mu ntoki uvugute kugeza mu ntoki hashyushye noneho ugende usiga ku mabere uva hasi ugana hejuru. Ubikore mu gihe cy’iminota byibuze 15. ibi bituma amaraso arushaho gutembera neza kandi bigasana uturemangingo twangiritse.

Bikore rimwe mu minsi ibiri.

    1. Balafu

Ubukonje bwo muri balafu butuma amabere asubirana ireme ryayo. Biterwa n’uko ubukonje butuma imikaya yiyegeranya bityo amabere akongera gukomera

Uko bikorwa: fata balafu ugende uyisigiriza ku mabere ukora umuzenguruko, ubikore ugaramye umare igihe kingana n’umunota. Nyuma uhanagure amabere ukoresheje agatambaro koroshye kumutse. Komeza uryame gutyo umare iminota 30. ibi bikorwa inshuro ushaka ariko zitarenze 6 ku munsi, hagati y’inshuro n’indi ushyiramo amasaha 4.

Icyitonderwa: ukoresha uburyo bumwe bibuze mu gihe cy’ukwezi wabona budatanga umusaruro ugahindura. Ukirinda kongera kuryama wubitse inda, kandi waba uri bukore urugendo ukambara isutiye. Gusa hari n’amafunguro yagufasha, ubutaha tuzayavugaho

1 comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s