Imirire Indwara Ubuzima

Byinshi wamenya mbere yo gukoresha soy sauce

Nubwo yitwa soy sauce ariko si isupu ya soya ahubwo ni ikirungo gikorwa bahereye kuri soya n’ingano, bakongeramo umusemburo, bagatara bashyizemo n’isukari n’ibindi binyabutabire binyuranye. Gishobora gukorwa mu buryo gakondo aho kimara amezi gitegurwa, nyamara kandi mu buryo bugezweho gitegurwa mu byumweru gusa kikaba cyabonetse. Gifite inkomoko mu Bushinwa mu myaka 3000 ishize, kikaba kandi kimaze kuba gikwira mu bihugu binyuranye.
Ese iki kirungo haba hari icyo kimariye ubuzima? Cyaba se hari ingorane giteje? Nibyo tugiye kuvugaho muri iyi nkuru.
Iyo urebye usanga iki kirungo kirimo calories, ibinyasukari, poroteyine na sodiyumu aho usanga akayiko kamwe kacyo karimo hafi 1g ya sodiyumu, ingana na 38% by’ikenewe ku munsi.
Uretse ibyo tunasangamo kandi alukolo, amasukari, amino acids ndetse na za acide, dore ko mu gutegurwa hashyirwamo HCl (acide chlorhydrique).
Ibi ni byo bitera ibyiza cyangwa ibibi bikomoka kuri iyi sauce.

Ingaruka ku buzima

1. Harimo sodiyumu nyinshi

Sodiyumu ushaka wayita umunyu kuko ubusanzwe mu munyu, akayiko kawo gato karimo 96% bya sodiyumu dukeneye ku munsi. Umunyu mwinshi mu mubiri ukaba isoko y’indwara zinyuranye z’umutima kandi aho iyi soy sauce ibera akaga ni uko utanamenya ko irimo umunyu mwinshi bikaba byatuma wongera umunyu mu byo wayishyizemo. Uretse indwara z’umutima nk’umuvuduko w’amaraso inatera ikibazo cyo kuba warwara kanseri y’igifu. Akayiko kamwe ka soy sauce kakaba karimo 38% za sodiyumu ukeneye ku munsi. Ubashije gukora ibipimo neza, waba wirinze akaga kazanwa n’umunyu mwinshi

2. Harimo MSG nyinshi

Iki kinyabutabire na cyo ni indyoshyandyo, tukaba twarakivuzeho aho twavugaga kuri Maggi (wabisoma hano nanone). iyi, Monosodium glutamate iyo ibaye nyinshi mu mubiri itera ibibazo birimo umutwe, ibinya, gutentebuka no kuba umutima wasimbagurika.

3. Harimo ibishobora gutera kanseri

Mu ikorwa rya soy sauce hashobora kubonekamo chloropropanols ubu bukaba uburozi burimo ubwoko bumwe bwa 3-MCPD buzwiho kwangiza impyiko, kugabanya ubushobozi bwo kubyara no gutera ibibyimba byavamo kanseri. Niyo mpamvu amabwiriza asaba ko mu kiro kimwe cya soy sauce hatagomba kurengamo 0.02mg za 3-MCPD. Nujya kugura uzabanze urebe ko ibyo bipimo bitarenga

4. Harimo amines

Ubusanzwe izi amines ziboneka mu mafunguro yose akomoka ku bimera no ku matungo. Gusa ziboneka ku bwinshi mu bintu bibikwa igihe kirekire nk’amafi yumishijwe, ibyokurya byo mu makopo…
Muri soy sauce habonekamo igipimo kiri hejuru cyazo cyane cyane histamines na tyramines. iyo histamine ibaye nyinshi ku mubiri iba uburozi. Birangwa n’umutwe, kubira ibyuya, isereri, kwishimagura, impinduka mu muvuduko w’amaraso n’ibibazo mu gifu. Niyo mpamvu kugira ubwivumbure kuri iyi soy sauce bituruka ahanini kuri izi histamines
Gusa nubwo bimeze gutyo, ntihabura n’ibyiza byo gukoresha iyi soy sauce
Ubushakashatsi bunyuranye bwakozwe bwerekanye ko gukoresha iyi soy sauce bizanira umubiri ibyiza bikurikira:
  1. Gufasha mu igogorwa aho uwayikoresheje mu byo kurya bitamuheramo
  2. Kurwanya bumwe mu bwivumbure cyane cyane ubuterwa n’ihinduka ry’ikirere
  3. Bishobora gufasha mu kongerera ingufu ubudahangarwa.
Icyitonderwa: Ubushakashatsi bw’ibyiza bya soy sauce ntibwakorewe ku bantu ahubwo bwakorewe ku matungo yo muri labo. Haracyakenewe ko bukorerwa no ku bantu ngo hagaragazwe koko niba ibi byiza ari ukuri.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s