Imirire Imiti Ubuzima

Akandi kamaro k’amashu katari ukuyarya

 

Amashu ari mu mboga ziribwa zitetse ariko zikanaribwa mbisi dore ko salade yayo iri muri salade ziryoha. Ni imboga zizwiho kuba zikungahaye kuri vitamini K ifasha mu kurinda kuva ntukame. Hanabonekamo izindi vitamini n’imyunyungugu binyuranye bituma aba amafunguro meza.
Gusa muri iyi nkuru ntabwo tugiye kuvuga ku kamaro kayo gasanzwe ahubwo tugiye kuvuga ahandi amashu akoreshwa akagirira umuntu akamaro.
  • Ibibabi byayo bizwiho gufasha abagore bonsaga bakabihagarika bitunguranye byaba ari ugucutsa umwana cyangwa se batari kumwonsa mu gihe runaka. Aha, ufata ikibabi cy’ishu gikonje (biba byiza cyane ugikuye muri firigo) ukagishyira ku ibere ubundi ukambara sutiye. Ibi bigabanya imisonga bikanabyimbura.
  • Amashu kandi kuyarya kenshi adahiye cyane bizwiho gufasha mu kurinda kanseri zinyuranye cyane cyane izifata mu rwungano ngogozi harimo kanseri y’amara, iy’igifu. Anafasha kandi mu kurinda kanseri y’uruhago ndetse na kanseri y’ibihaha kimwe n’ifata impindura
  • Ubushakashatsi buherutse gukorwa bwagaragaje ko kunywa umutobe w’amashu avanze n’izindi mboga n’imbuto mu byumweru hagati ya 3 na 9 bifasha abafite ikibazo cya cholesterol iri hejuru.
  • Ku bagabo bakunda gukoresha amashu kenshi bibagabanyiriza ibyago byo kurwara kanseri ya porositate kurenza bagenzi babo batayarya.
  • Umutobe w’amashu n’ibirayi ni ingenzi ukaba na mwiza mu kuvura uburwayi bunyuranye bw’igifu, byaba ibisebe mu gifu kimwe no kugira aside nyinshi mu gifu
  • Umutobe wayo kandi ni mwiza mu gihe umuntu afite ikibazo cyo gukanuka (kuva mu mazuru), ku bagira imihango itinda gukama kimwe n’abafite ikibazo cy’ibikomere.
  • Salade y’amashu kandi ni nziza ku barwayi ba asima ndetse inafasha abagira ikibazo cy’isesemi iyo batwite cyangwa bari mu modoka. Inaba nziza mu kurinda amagufa kwangirika no kurinda rubagimpande.

1 comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s