Imibanire Ubuzima

Ibizakwereka ko atakwizera

Urukundo (rwo hagati y’abashakanye cyangwa ababiteganya) ni ikintu kigoye gusobanura gusa tugerageje kurusobanura twavuga ko ari amarangamutima akuganisha ku muntu, mudafitanye isano y’amaraso ukabona afite ibyo arusha abandi kuri wowe, ukamuhitamo ukifuza kumwiharira na we akakwiharira.

Gusa muri kwa gukundana rimwe na rimwe bishobora kutagenda uko ubyifuza nuko uwo mukundana/mwashakanye agatangira kugaragaza ibimenyetso byo kutakwizera. Ushobora kuba waragize imyitwarire imutera kutakwizera cyangwa se we bikamuzamo adafite impamvu.

Ese umuntu utakwizera wamubwirwa n’iki? Wakora iki se ngo wongere icyizere wagirirwaga n’uwawe? Iyi nkuru igiye kubivugaho

    1. Ahora agenzura terefoni yawe

Niba umukunzi wawe/uwo mwashakanye acunga urambitse terefoni hasi agahita ayishoka, niba ahora agenzura umubare w’ibanga akawukwiba akawukoresha, niba ashobora gukoresha terefoni yawe mu izina ryawe ahari ngo aneke abo muvugana ibyo mwavuganaga, ni ikimenyetso cy’uko adashira amakenga ibyo uvugira, wandika kuri terefoni yawe. Nubwo havugwa ko abakundana cyangwa abashakanye ntacyo baba bakwiriye guhishanya ariko ntawe udakenera ibanga, na cyane ko ushobora gusanga hari ibyo umenye bikaba byagushyira mu kaga bitewe wenda n’akazi akora cyangwa izindi mpamvu

    1. Ahorana ibibazo bidashira

Ubusanzwe umwana ni we babaza ikibazo kuri buri kintu cyose. Niba uwo mukundana/mwashakanye ahora akubaza ibibazo byinshi muri ibi bikurikira, ni kimwe mu bimenyetso by’uko atagufitiye icyizere:

    • Ugiye hehe se?
    • Wavuganaga na nde?
    • Uri hehe?
    • Uri kumwe na nde?
    • Kuki wambaye gutyo?
    • Urataha ryari?
    • Uramarayo umwanya ungana ute?

N’ibindi bibazo byinshi bikwereka ko atari kugushira amakenga

    1. Ntaguha ubwisanzure

Uzasanga umuntu utakwizera akubuza ubwisanzure. Ubu bwisanzure buzatuma ashaka ko uhora iruhande rwe. Bamwe cyane cyane abagabo uzasanga anakubuza akazi runaka, akubuze kujya aho abandi bari, akubuze gutembera, nanabikwemerera akubwire ko mujyana. Mbese azaba ashaka kuguhozaho ijisho, kugucunga kuri buri kimwe kandi nuba uri kure ye, bya bibazo tubonye hejuru ni byo bizakurikiraho

    1. Ashaka ubeho uko ashaka

Kwa kukubuza ubwisanzure, bya bibazo bidashira, kwa gucunga terefoni yawe bizatuma ashaka kuguha umurongo ugenderaho. Uzasanga ashaka kuguhitiramo ibyo wambara, aho ujya, abo mugendana, umwanya umara aho ugiye, akubuze bamwe mu bo mwavuganaga, mbese umunsi ku wundi akugenere uko uri bwitware kuva bucyeye kugera bwije, nugira icyo uhinduraho induru zivuge

Wakora iki?

Ibi tuvuze si byo gusa byakwereka ko uwo mukundana/mwashakanye atakwizera, gusa biri ku isonga. Ubusanzwe urukundo kugirango rurambe bisaba ko rwubakira ku kwizerana. Iyo hatangiye kuzamo kutizerana biba ari ikibazo. Ashobora kwitwara gutya atari uko akubonamo inshuti mbi ahubwo ari amakenga ndetse no gufuha by’indengakamere. Niba ari uko biteye mukaba mukundana neza, wowe icyo usabwa ni uko mwicara mugacoca ikibazo, ukamwereka ko impungenge ze zidafite ishingiro. Niba afite ikibazo cy’abo muba muri kumwe, rimwe ujyane na we, abone aho uba uri n’ibyo uba urimo.

Niba afite ikibazo ku bo muvugana n’ibyo muvugana, musobanurire mbese ibyo afitiye amatsiko byose uyamumare

Gusa nanone niba ari imyitwarire yawe yamuteye kutakugirira icyizere, muri macye niba atari ko yahoze, aha ni wowe usabwa kongera guhindura imyitwarire akongera kukugarurira icyizere ariko ntiwizere ko bizasubira nka mbere ijana ku ijana ariko byibuze imyitwarire yawe hari icyo izakora.

Gusa niba ari ko ateye kuva mwamenyana kandi ukaba ubona adateze guhinduka, ni ahawe gufata umwanzuro wo kwihanganira iyo myitwarire ye cyangwa se kumureka ugashaka undi utaguhoza ku nkeke.

1 comment

  1. Urakoze cyane Jassuuu,gusa burya mu buzima ikizere kirahenda kd iyo cyangiritse ho gato ntigisanwa.Ntibazakubeshye

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s