Imibanire Imyororokere Ubuzima

Akandi kamaro k’imibonano ku mugore

Imibonano mpuzabitsina ni igikorwa gihuza umugabo n’umugore kandi buri wese ku ruhande rwe afite ibyiza abikuramo. Uretse kuba wabikora kuko ubishaka, kuko ubikumbuye se, kuko se ubisabwe (bamwe mu bagore babikorera ko abagabo babo babibasabye niyo bo baba batabishaka), imibonano ikozwe neza kandi ubishaka ifite akamaro igirira buri ruhande.

Nkuko ari gahunda yacu hano uyu munsi reka turebere hamwe akamaro k’imibonano mpuzabitsina ku mugore. Mu nkuru zizaza tuzareba no ku ruhande rw’umugabo, Nubwo bwose byenda guhura.

1. Bigabanya stress

Zimwe mu ndwara abagore bajya barwara ziba zifite imizi kuri stress yaba iyo baterwa n’abagabo babo, abana, akazi cyangwa ibindi bibazo binyuranye. Muri izo ndwara twavugamo Indwara zinyuranye z’umutima.
Nyamara abahanga berekana yuko gukora imibonano bifasha mu kugabanya stress aho bizamura igipimo cya dopamine cyongera ibyishimo nuko cortisol ariwo musemburo wa stress ikagabanyuka. Bizamura kandi oxytocin ariwo musemburo w’urukundo. Uru ruvange rero rufatanya mu kukuzamurira ibyishimo no kugabanya stress

2. Byongerera ingufu ubudahangarwa

Ubwo bapimaga abantu bakoze imibonano byibuze rimwe mu cyumweru, basanze bafite immunoglobulin A nyinshi muri bo, iyi ikaba izwiho kurinda umubiri kuba wakinjirwa na mikorobi zinyuranye zitera Indwara.
Si ibyo gusa kuko binazamura igipimo cya serotonin igufasha kurwanya kwiheba no kwigunga dore ko ari bimwe mu bitera kurwaragurika.

3. Biringaniza umuvuduko w’amaraso

Umuvuduko ukabije w’amaraso ugira ingaruka mbi nyinshi mu buzima aho ushobora no gutera urupfu. Ubushakashatsi bukaba bwerekana yuko gukora imibonano bifasha amaraso gutembera neza aho bituma imiyoboro y’amaraso yaguka nuko ntibisabe ingufu z’umurengera mu gusunika amaraso.

4. Bifasha gusinzira neza

Aha ho ntawe ubishidikanyaho kuko iyo umaze gukora imibonano ukarangiza neza uhita wumva uruhutse kandi ukeneye gusinzira. Ibi bitotsi biba biryoshye kandi ukanguka wumva waruhutse rwose

5. Byongera amashereka

Ubushakashatsi bugaragaza ko gukora imibonano ku mugore wonsa bizamura umusemburo wa prolactin uyu ukaba umusemburo ushinzwe ikorwa ry’amashereka. Aha rero bikaba bituma ubasha kongera amashereka dore ko n’umubiri uba wirekuye imiyoboro myinshi yafungutse

6. Bifasha kurangiza

Nibyo kuko uko ukora imibonano kenshi niko bikongerera ibyishimo nuko kurangiza bikakorohera. Abagore benshi bavuga yuko kurangiza bwa mbere bitinda ariko uko bongeye bikarushaho gutebuka aho ashobora no kurangiza 5 umugabo atararangiza. Byose biva ku kuba akora imibonano kenshi kandi akayikora abishaka

7. Byongera ubusabane

Ubushakashatsi bugaragaza ko abakora imibonano kenshi bibafasha kurushaho gusabana no kumva ko muri umwe. Ibi biterwa nuko bizamura igipimo cya oxytocin ariwo musemburo w’urukundo kandi nanone uko mukubana imibiri bibongerera kwiyumvanamo

8. Bifasha imikaya iri ahazengurutse igitsina n’ikibuno

Iyi mikaya iyo ikora neza bituma ubasha gufunga inkari igihe runaka ntizigucike, ubasha kwegeranya igitsina ntikirangare cyane cyane ku babyaye kenshi. Nabyo bigira akamaro nka sport ya Kegel

9. Birinda ubwonko

Ubushakashatsi bwerekanako abagore bakomeza gukora imibonano no mu gihe bashaje bifasha ubwonko bwabo gukomeza gukora neza ndetse bakabasha kwibuka no kutagira ibibazo byo gususumira cyane ugereranyije na bagenzi babo babyihoreye.
Ndetse no mu myitozo isaba gukoresha ubwenge usanga bayibasha kurenza abatagikora imibonano

10. Bitwika ibinure

Ari abagabo n’abagore twese mu gihe cy’imibonano dukoresha ingufu bityo bigatwika ibinure. Ubushakashatsi bwerekana ko buri munota hagenda calories zigera kuri 5 gusa nanone bikaba imwe muri siporo zikomeza umubiri.

Byibuze imibonano ikozwe inshuro imwe mu cyumweru kuzamura niyo igirira umugore aka kamaro ku buryo bugaragara, Nubwo kuyikora gacye ntacyo bitwaye nabyo cyane cyane ku batabona umwanya uhagije wo kuyikora.

Gusa kenshi kabi karutwa na keza gacye, niyo mpamvu aho kuyikora kenshi ariko utarangiza cyangwa utaryoherwa birutwa no kuyikora gacye ariko igihe uyikoze ukanezerwa kandi ukarangiza neza.

2 comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s