Imyororokere Indwara Ubuzima

Kuzana amashereka kandi utonsa

Ubusanzwe bimenyerewe ko umugore utwite inda nkuru cyangwa uwonsa kimwe n’ucukije ari bo bashobora kuzana amashereka. Ariko bijya bibaho ugasanga n’umukobwa azanye amashereka, umugabo se, umugore wacuze cyangwa umwana muto na bo bashobora kuzana amashereka mu mabere. Ubusanzwe amashereka akorwa na prolactin, imisemburo ikorerwa muri hypophyse ikaba yiyongera iyo wonsa. Gusa hari igihe iyi misemburo yiyongera utonsa.
Ibi ubwabyo si ikibazo ariko biba byerekana impinduka zitandukanye mu mubiri nk’uko muri iyi nkuru tugiye kubirebera hamwe.

Ni iki kibitera

Kuzana amashereka mu mabere, biterwa n’imwe cyangwa nyinshi mu mpamvu zikurikira:
Akenshi bituruka
1. Imiti cyane cyane ivura depression, iy’uburwayi bwo mu mutwe ndetse n’igabanya umuvuduko w’amaraso
2. Ibiyobyabwenge kimwe n’imiti ikorwa hagendewe kuri byo
3. Ibinini byo kuboneza urubyaro
4. Uburwayi kuri hypophyse aho hashobora kuzaho ikibyimba
5. Thyroid ikora buhoro
6. Uburwayi buhoraho bw’impyiko
7. Gukorakora amabere cyane cyane nko mu gihe cyo gutegurana cyangwa kuba hari ikiyakubaho igihe kirekire
8. Kwangirika k’uturandaryi two mu gatuza bitewe no kubagwa, ubushye cyangwa ukundi gukomereka
9. Stress
Gusa nanone ntitwabura kuvuga ko habaho n’igihe amashereka aza ariko wareba muri ibi bivuzwe ruguru ukaburamo impamvu n’imwe.
 

Ku bagabo, ahanini biterwa no kuba afite umusemburo mucye wa testosterone ndetse bigendana no kubyimba amabere akumva amuremereye. Ibindi bigendana na byo harimo kudashyukwa neza no kubura ubushake.

Ku bana bato ho, bakivuka, biterwa ahanini nuko estrogen iba yarinjiye mu maraso yabo bityo bakavukana amabere arimo amashereka. Uko akura birakira ariko ubonye bikomeje wamujyana kwa muganga

Ibimenyetso

Uretse kuzana amashereka cyangwa ibimeze nka yo, ibindi bigendana na byo harimo:
  • Kubura imihango cyangwa ikaza ihindagurika bikabije
  • Kuribwa umutwe no kureba ibicyezicyezi
  • Kubabara ibere

Uzihutire kujya kwa muganga mu gihe

  1. Amashereka akomeza kuza niyo waba udakanze ibere kandi akaza ari menshi nyamara ukaba udatwite, utonsa ndetse nta n’uwo ucukije vuba
  2. Aho kuza amashereka haza amatembabuzi yenda kuba umuhondo, amaraso cyangwa se ameze nk’amazi. Aha bishobora kuba ikimenyetso cya kanseri

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s