Imirire Indwara Ubuzima

Ibyagufasha kwirinda kanseri ya porositate

Kanseri ya porositate ni imwe muri kanseri zifata abagabo gusa ikaba kanseri akenshi imenyekana yararenze aho kuba yavurwa nuko ikazahitana uyirwaye.

Iyo havuzwe kanseri usanga abantu bahita bibaza icyabafasha kuyirinda kuko kanseri ni uburwayi kugeza ubu twavuga ko buteye ubwoba kandi bugenda bwiyongera

Iyi kanseri ya porositate ikaba ikunze kugaragara ku bagabo bari hejuru y’imyaka 40, dore ko iyi mvubura ya porositate iyo ugeze kuri iyi myaka ihita yongera ubunini ari naho kuba warwara kanseri yayo byorohera.

Nubwo nta buryo buhamye bwo kuyirinda twavuga ariko hari ibinyuranye wakora bikakugabanyiriza ibyago byo kuba wayirwara. Iyi nkuru ni byo igiye kuvugaho.

 

    1. Kunda kurya inyanya n’izindi mbuto zitukura

Inyanya, watermelon n’izindi mbuto zitukura ririya bara ryazo rizanwa nuko zikungahaye kuri lycopene. Gusa inyanya nizo ziri ku isonga kandi zikaba inyanya zitetse kuko kuziteka byongerera umubiri kubasha gukamura iyo lycopene ituruka muri zo. Kandi zikaba inyanya zihiye neza kuko izitarashya neza lycopene iba ikiri nkeya

    1. Kunda imbuto n’imboga muri rusange

Intungamubiri ziboneka mu mbuto n’imboga bifatanyiriza hamwe kugufasha kutarwara iyi kanseri. Izisa n’icyatsi zibamo ibifasha umubiri kurwanya uturemangingo tubyara kanseri muri rusange. Utu turemangingo tukaba dutizwa umurindi no kurya kenshi ibikomoka mu nganda

    1. Gusohora

Ubushakashatsi bunyuranye harimo ubwakorewe muri Harvard University no muri Australia bwagaragaje ko abagabo basohora inshuro hagati ya 4.6 na 7 mu cyumweru, ni ukuvuga inshuro byibuze 21 mu kwezi bibagabanyiriza ku gipimo cya 30% ibyago byo kurwara iyi kanseri. Naho abasohoka inshuro ziri munsi ya 2.3 mu cyumweru baba bafite ibyago byinshi byo kuba bayirwara. Twibutse ko atari iminsi 21 mu kwezi ahubwo ni ugusohora inshuro 21 mu kwezi, bivuze ko ushobora no kubirenza dore ko hari n’abasohora inshuro 4 umunsi umwe

    1. Soya n’ibiyikomokaho

Muri soya dusangamo isoflavones. Tuyisanga mu bikomoka kuri soya nka tofu, amata yayo, kuyiteka mu gikoma, ariko siho honyine tuyisanga kuko isoflavones ziboneka mu mashaza, lentilles.

    1. The vert

Iki cyayi usanga kimaze kumenyerwa na benshi na cyo kiri mu bifasha abagabo kubarinda iyi kanseri. Gusa kuri yo ubushakashatsi buracyakomeje, ariko ubwakozwe mu 2008 bwerekanye ko abanywa iki cyayi bibagabanyiriza ibyago

    1. Ikawa

Nubwo benshi bayitinya kubera ngo ari inkabura ariko ubushakashatsi bugaragaza ko kunywa ikawa udutasi tutarenze dutatu ku munsi bigabanya ibyago byo kurwara kanseri ya porositate ku gipimo cya 11% dore ko habonekamo cafestol na kahweol. Ariko kugirango bibe bisaba ko wajya unywa iyi kawa buri munsi. Ibi ntawe ariko byatera ubwoba kuko ikawa iba mbi mu mubiri iyo urengeje 400mg ku munsi kandi ziboneka mu dutasi tune. Rero dutatu ntacyo dutwara gusa ukirinda kunywa ikawa mu masaha asatira kuryama kandi ukanirinda kunywa ikawa ikomeye.

    1. Hitamo neza ibinyamavuta urya

Ibinyamavuta twinjiza harimo ibice bibiri by’ingenzi. Habonekamo ibikomoka ku bimera n’ibikomoka ku matungo. Ibikomoka ku matungo iyo bibaye byinshi mu mubiri byongera ibyago naho ibikomoka ku bimera bigabanya ibyago. Muri byo twavuga: amavuta ya elayo, ubunyobwa, avoka, ibihwagari. Gusa nanone mu gihe amafi ashyirwa mu matungo ariko amavuta yayo ariyo bya binure bya omega-3 azwiho kurwanya iyi kanseri. Aboneka mu mafi yo mu nyanja nka sardine, tuna, mackerel, salmon.

    1. Siporo

Kanseri ya porositate yibasira abagabo babyibushye kuruta abatabyibushye. Siporo rero ni ingenzi mu gufasha umubiri wawe kwikuramo imyanda n’uburozi, kandi ifasha kuringaniza ibiro. Wakiruka, watwara igare, wakoga, wakina imikino inyuranye, ariko byibuze iminota 30 buri munsi ntuyibure.

4 comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s