Imibanire Imyororokere Indwara Ubuzima

Zimwe mu mpamvu zitera umugore kubabara nyuma yo gukora imibonano

Bishobora kubaho nyuma yo gukora imibonano wowe mugore ukumva uri kokerwa cyangwa se wajya gusoba ukumva urababara. Benshi bahita bumva ko bagize ubwandu runaka ariko si ihame ngo biterwe n’ubwandu ahubwo kuba watonekara, wababara, wabyimbirwa nyuma yo gukora imibonano mpuzabitsina bifite impamvu zinyuranye zishobora kubitera.

Muri iyi  nkuru tugiye kuvuga ku zikunze kubitera kugirango nibikubaho uzabashe kuba wamenya icyaba kibyihishe inyuma ube wagikosora.

 

    1. Ububobere bucye

Impamvu ahanini ikunze gutera kuba wakokerwa nyuma yo gukora imibonano ni igihe ubikoze udafite ububobere buhagije. Ubusanzwe umubiri w’umugore ufite imvubura ziherereye muri buri ruhande rw’igitsina zizwi ku izina ry’imvubura za Bartholin zishinzwe gukora amatembabuzi atuma mu gitsina hahora ububobere.

Kuba rero wabikora utabufite cyangwa ufite bucye bituruka ku mpamvu zinyuranye harimo kuba izi mvubura zidakora neza cyangwa se zifite ikibazo, kuba uri mu myaka yo gucura, kuba hari imiti yo kuboneza urubyaro ukoresha, indi miti isanzwe imwe n’imwe, kuba ukoze imibonano ku ngufu, stress, umunaniro, kutanywa amazi, n’izindi mpamvu.

2. Uko igitsina cy’umugabo kingana

Hari abagabo bagira ibitsina birebire ku buryo ashobora gukora imibonano akageza ku nkondo y’umura cyangwa hafi yayo neza. Aha ububabare wumva ni nka bwa bundi wumva iyo uri mu mihango. Gusa ashobora no kuba adafite kirekire ariko ukaba utamenyeranye na we, wabikorana na we ugasanga urababaye nkuko ushobora no kuba ubikoze utabiheruka cyangwa ari ubwa mbere, na byo byaba impamvu.

 

    1. Uko imibonano yakozwe

Uburyo bwo gukora imibonano buratandukanye. Ubutuma habaho kwikuba cyane kw’igitsina cy’umugabo umwanya muremure buri mu bushobora gutuma wokerwa nyuma yo gukora imibonano. Muri bwo twavuga kunyaza aho bituma uruhu rw’inyuma rwikubwaho cyane cyangwa kuba umugore ari hejuru cyangwa ahennye (doggy style) aho igitsina cy’umugabo cyinjira imbere cyane bikaba byagera ku nkondo y’umura. Aha byumvikane ko iyo igitsina cy’umugabo gisanzwe ari kirekire birushaho kongera kubabara

4. Ubwivumbure

Aha hari uburyo bubiri. Hari abagira ubwivumbure ku masohoro runaka, bityo aho ya masohoro yakuguye hose ukumva hakokera ndetse hari n’igihe wumva bimeze nk’urusenda. Hari n’abagira ubwivumbure ku mavuta aba mu gakingirizo bityo mwarangiza ukumva uruhu rumeze nk’urwagize ubushye.

 

    1. Ufite uburwayi

Niba mu mpamvu tuvuze haruguru nta n’imwe irimo ubwo rero ufite indwara imwe cyangwa nyinshi mu zandurira mu mibonano mpuzabitsina cyangwa izindi zifata imyanya ndangagitsina.

Ushobora no kuba ufite ubundi burwayi kandi bunyuranye bufata inyuma cyangwa imbere mu gitsina

 

Wakora iki?

Buri buribwe buvurwa hagendewe ku cyabuzanye. Akenshi kuribwa inyuma ushobora gukoresha balafu ukayirambika ku ikariso inyuma ikamaraho iminota 15 cyangwa ukagura umuti uvura kubyimbirwa no kuribwa. Naho biri imbere ahari bitewe n’uko wakoze imibonano cyangwa igitsina cy’umugabo kirekire hano ho ufata imiti igabanya kuribwa kandi ukaba uretse gukora imibonano kugeza wumvise utakibabara.

Ku burwayi bundi bwaba bubitera ho ugana kwa muganga bakagusuzuma bakaguha imiti bagendeye ku burwayi bagusanganye.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s