Imibanire Ubuzima

Wari uzi ko: Uburyo muryamamo bufite icyo buvuze ku mubano wanyu

Ubikora utabizi, utabitekerejeho cyangwa se ukumva ni bwo buryo bubabangukiye kuryamamo. Ikizabikubwira ni uko uko muryama mwatonganye atari ko muryama mumaze gukora imibonano.
Abahanga rero mu mibanire, bashyize hamwe ubusobanuro bwa buri buryo abashakanye/abakundana baryamamo maze berekana icyo buri buryo buba busobanuye.
Ni byo iyi nkuru igiye kuvugaho.

1. Gukoranaho

Utitaye ku buryo mwaba muryamyemo bwose, kenshi ushobora gupfumbata cyangwa gushyira akaboko, akaguru se ku wo muri kumwe. Ibi biba bivuze ko umwitayeho 24/7 kandi umuzirikana.
  • Niba agupfumbatishije ukuboko, bivuze ko ayoboye kandi ashaka kubikomeza.
  • Iyo ikiganza cye kiri munsi y’ukuboko kwawe cyangwa se yagishyize hagati y’amaguru yawe biba bivuze ko akwishyize mu maboko, atabaho atagufite kandi agushaka hafi ye igihe cyose
  • Niba atakwegereye ahubwo ukumva ameze nk’ukubyigisha ikibuno, agukozaho agatsinsino cyangwa amano, burya aba afite isoni, kandi aba agushaka ahubwo yabuze aho ahera

2. Umuryango unezerewe

Aha ni igihe muryamye mureba hamwe, mukegerana mugapfumbatana neza neza. Ibi biba byerekana ko mwishimanye kandi buri wese ari kwiyumva mu wundi.
Iyo umugabo ari we upfumbase umugore (amuri inyuma), byerekana ko ari we uyoboye kandi yita ku mugore we. Iyo amupfumbase cyane biba bisobanuye ko adashaka kumuhomba kandi amuha agaciro nk’aho yamwibyariye.
Iyo ari umugore uri inyuma, apfumbase umugabo, bivuze ko ashaka kuba hafi umugabo we, ndetse akenshi umugabo aba afite ibyamuhangayikishije, umugore amwereka ko amuri hafi

3. Nkuri inyuma

Niba mwese muryamye muteranye imigongo ariko mwegeranye ku buryo ibibuno bikoranaho, byerekana ubwisanzure hagati yanyu kandi mwerekana ko mureshya ntawe uruta undi mu rugo. Kandi byerekana ko buri wese yubaha ibyifuzo by’undi, harimo ubwigenge.

4. Kuryama murebana

Niba muryamye murebana, mugapfumbatana nta kindi muvuze nta kindi mukoze, biba bivuze ko mukundana byahebuje. Niba musobekeranyije amaguru, ni uko buri wese yiteguye kwita kuri mugenzi we, naho niba umwe umutwe we uri gusumba uw’undi, bivuze ko ari we uyoboye mu mubano wanyu.

5. Kwishingikiriza

Umwe aryamye agaramye nuko undi akamuryamaho nk’uko umwana uri mu nda aba yikunjakunje, biba byerekana ko amukeneyeho ubufasha. Aha biba byiza iyo ugerageje kumuganiriza, ukumva ikimuhangayikishije. Naho iyo uryamye ugaramye akakuryama mu gituza bivuze ko yumva yisanzuyekandi akwishimiye, ibi akenshi bibaho nyuma yo gukora imibonano

6. Twashwanye

Niba mugiye kuryama buri wese agaheza inguni, ndetse byanarimba agashaka ibyo kwiyorosa bye wenyine, aha byerekana ko hagati yanyu harimo ikibazo, mwashwanye cyangwa mwavuganye nabi. Ibi iyo bikomeje bikamara igihe, bishobora kurangira umwe afashe icyumba cya wenyine cyangwa se mugafata gatanya. Ni byiza ko umwe atangiza uburyo bw’ibiganiro no kwiyunga, amazi atararenga inkombe.

7. Guheza inguni imwe

Aha uwahejeje inguni biba bivuze ko yabangamiwe cyangwa ashaka kwisanzura, kuba ari wenyina, ariko mugenzi we ari kumugendaho, ashaka gukemura ikibazo, undi agakomeza ahunga kugeza ageze aho uburiri burangirira akabura ahandi ajya akaguma hamwe. Aha biba byiza kuganira ku cyabangamiye uwahejeje inguni, mukiyunga

Ese iri joro cyangwa mu kanya mwari muryamye mute?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s