Ubuzima

Ibyo ukwiye kuzirikana mbere yo gukundana n’uwatandukanye n’uwo babanaga (divorced)

Mu buzima bwacu bwa buri munsi, hari igihe wisanga uri gukundana n’umuntu watandukanye n’uwo bari barashakanye ndetse ukaba ushaka kuba washakana na we. Ni byo koko urukundo uwo rushatse ruramusanga wa mugani wa wa mucuranzi, gusa nanone dusabwa kumenya icyo gukora, ibyo kwirinda, ibyo kuzirikana bitewe n’uwo turi mu rukundo na we.
Muri iyi nkuru twagukusanyirije ibyo ukwiye kuzirikana mbere yo gufata umwanzuro wa nyuma wo gukundana n’umuntu watse gatanya n’uwo bari barashakanye.

1. Menya amateka ye

Hari imvugo yo mu gifaransa igira iti: “On n’epouse pas une personne, on epouse son histoire”. mu kinyarwanda tugenekereje ni ukuvuga ngo ntabwo ushaka umuntu ahubwo ushaka amateka ye. Nubwo ari rusange ku bantu bose ariko ku muntu watse gatanya, ho usabwa kubyitaho cyane. Ukanamenya niba gutandukana ari we byaturutseho cyangwa byaraturutse kuri mugenzi we, ukanamenya isomo byamusigiye. Aha usabwa kuhitaho cyane

2. Bitware buhoro

Ibuka ko uwo muntu hari uwo yari yarakunze akamuha umutima we wose, nyamara byarangiye batandukanye. Ese urumva nushaka kubyihutisha ari bwo azagukunda cyane cyangwa ahubwo byatuma abona ko na we ntaho utandukaniye n’uwo bari kumwe? Muhe igihe, ubitware buhoro abanze arebe koko ko hari aho utandukaniye n’uwo babanaga mbere yawe. Ikirenze kuri ibi, wibigira intambara ahubwo fatanya na we mubanze mubeho ubuzima busanzwe, mube inshuti zisanzwe, zisangira byose, ziganira byinshi, mubanze mumenyane mubone gufata umwanzuro

3. Uwo batandukanye

Uwo batandukanye ntacyo umushakaho, kuko baratandukanye koko. Ariko se nta kikibahuza? Niba gihari se uzabasha kucyihanganira? Wenda abana, umutungo runaka batagabanye bagihurijeho. Ikindi usabwa kwitaho ni ukwita ku nshuro akunda kumuvugaho mu biganiro hagati yanyu. Ese amuvuga buri gihe akwereka ububi bwe? Aha uhitondere kuko ashobora no kuba ashaka ahubwo guhisha we amafuti ye, ngo ubone ko wawundi ari we munyamafuti. Ese amuvuga avuga ko hari ibyiza amwibukira? Aha na ho uhitondere kuko ashobora kuba yaratandukanye na we mu mategeko cg mu nzu ariko umubano wabo ukaba ugihari. Nabyo hari igihe byazahungabanya umubano wawe na we

4. Ibyo ugomba kwitondera

Mu gihe wamaze gufata umwanzuro ariko nanone zirikana ibi:
  • Ashobora kuba adashaka ko mubana akaramata ahubwo ari urukundo rw’igihe gito rwo kwinezeza gusa no kumwibagiza ibihe bibi yanyuranyemo n’uwo babanaga. Banza urebe neza niba afite gahunda yo kubana cyangwa yo kuryoshya gusa
  • Ashobora kuba ashaka kugufata nk’umufasha mu bibazo by’ubukungu, kwita ku bana, isuku yo mu rugo, n’ibindi binyuranye byakorwaga n’uwo batakiri kumwe

5. Ibyerekeye abana

Ashobora kuba yarabyaye kandi abana bakaba babana na we. Ese urumva witeguye se kurera abana utabyaye? Ntabwo kuri wowe umwana w’undi azabishya inkonda? Ese niba batabana, witeguye ko uzabafata nk’abawe igihe baje kumusura? Ese we nakenera kubasura, kabone niyo baba babana n’uwo batandukanye uzamwemerera, usigare wumva nta kibazo ufite ku mutima? Byibazeho.
Mu by’ukuri kenshi dufata umwanzuro tutabanje kwibaza ku bizawukurikira ariko ni ngombwa kuzirikana byinshi kuko ubuzima uba ugiye kwinjiramo uba uzabumaramo iminsi ushigaje kubaho ku isi. Bigusaba kwitonda, ugafata umwanzuro wabitekerejeho neza. Niba hari uwo muri mu rukundo akaba yaratandukanye n’uwo babanaga, izi nama uzikurikije zakugirira umumaro

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s