Ubuzima

FIRDAUS: Agace ka 22



Camelia: ikigoryi gusa
Ines: muve ku mbwa sha. Azicuza ariko kandi muzabibona

Twamaze kurya no kunywa tugana muri pariki hafi aho tujya ku bicundo ari nako tuganira bisanzwe.

Birangiye baramperekeje bangeza iwanjye nabo barataha. Nahise nshyushya ibyaraye, nuko maze kubirya mbura icyo nkora. Ubusanzwe natindanaga na Maurice kuri terefoni none twashwanye. Abakobwa twakavuganye nabo tumaze akanya turi kumwe, sinabahamagara byaba ari ugukabya.

Nahisemo kuba ndeba filimi ngo nsunike amasaha.

Bukeye bwaho nabyutse hafi saa sita za kumanywa, kandi nari naniwe cyane. Ndumva nkeneye kuruhuka bihagije rwose pee.

Gusa inzara nayo igira nabi, numvise nshonje nuko mpitamo guteka. Mbirangije narariye ndongera nirebera filimi.
Nayirebaga ndi no guhekenya ubunyobwa, dore ko rwose nikundira kurya nubwo ntabyibushye.

Nkiri kureba filimi terefoni yanjye yarasonnye, ndebye mbona ni Maurice. Nanze kuyifata, arongera arahamagara kugeza bibaye inshuro icumi. Nabonye nintamwitaba ari bukomeze guhamagara nuko ndamwitaba

Firdaus: urashaka iki
Maurice: ko utitaba terefoni
Firdaus: waretse kunsakuriza se
Maurice: niba nsakuza ntacyo, sinsakuriza ubusa nari nje ngo tuvugane
Firdaus: uza hehe
Maurice: ndi iwawe ahubwo manuka undebe
Firdaus: nigeze se nkubwira ko nkeneye kuvugana nawe
Maurice: oya sha manuka
Firdaus: wimena umutwe simanuka igendere rwose

Nahise mukupa. Gusa nibutse ko ashobora guhita azamuka, nuko mpita nihuta negama ku rugi ngo naza ashaka kurukingura bimunanire.

Uko nabitekereje niko byagenze koko, yahise aza ku rugi arakomanga

Maurice: kingura nkubwire mwana
Firdaus: ngaho ruhonde cyane nk’aho ari urugi rw’iwanyu
Maurice: kingura se cyangwa ndumene
Firdaus: nakubwiye ko ntakeneye kuvugana nawe. Sanga Keila wawe ari we muganira nabonye anafite amabuno kundusha

Numvise yimyoza, aramanuka aragenda.
Nahise mva ku rugi, ndagenda ngarama ku mukeka uri muri salon ntangira kwibaza byinshi.

Ariko sinatinze mu kwibaza kuko nahise numva umuntu akubise urugi, kumbe Maurice ntiyari yagiye ahubwo yari hafi aho. Ubundi kuki koko nibagiwe gufungisha urufunguzo.

Maurice: noneho tugiye kuvugana
Firdaus: maurice unteye ubwoba. Sohoka iwanjye bitaraba bibi. Urarenga ku byabaye byose none uje no kumbuza amahoro.
Maurice: mbabarira basi nkubwire
Firdaus: umbwira iki se? Ubwo uheruka kumbwira warantutse none ndebera? Nta jambo riguturutseho nshaka kuzongera kumva mu buzima bwanjye rwose.

Nta kindi yakoze, nta kindi avuze yaranyitegereje. Mu maso he hagaragazaga kwicuza, kwigaya, agahinda no kwiheba. Gusa naboneyeho akanya ko kumwitegereza. Maurice ni mwiza rwose. Amaso ye, indoro ye byose biteye impuhwe kandi biranejeje. Nabonye nshobora gutsindwa nkamubabarira, mpita nigira inyuma ndamwitaza.

Yubitse umutwe, yarambwiye ati “ntakundi” nuko arasohoka aragenda.

Ese umubano wabo urarangiye koko cyangwa baziyunga?

Biracyaza….

3 comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s