Ubuzima

FIRDAUS: Agace ka 20



Narakebutse mbona ni Maurice uvuze

Maurice: umuherekeze mujye hehe
Firdaus: ushaka iki? Ubundi se ugeze ahaute
Maurice: wivuga uko kandi ntunzamurire uburakari.
Firdaus: ariko sinigeze nguhamagara ngo uze hano. Ahubwo byaba byiza umvuye imbere
Maurice: ceceka aho se. Rata (abwira Calema), ushaka kujya hehe
Calema: yari agiye kumperekeza ngo njye iwacu
Maurice: muze mbajyane rero
Firdaus: oya igendere turatega bisi
Maurice: ese ntukivumbure gutyo. Urumva se kugaruka utaza gukererwa

Nikije umwuka nuko mfata akaboko Calema twerekeza ku modoka ya Maurice turagenda

Calema yatweretse inzira ijya iwabo, twari twicaye inyuma jyewe na we nuko ubwo twari tumaze kuva iwabo, Maurice ansaba kwimuka nkajya kwicara imbere
Firdaus: oya si ngombwa
Maurice: ngwino se ntukanyiryeho

Naremeye ndimuka njya kwicara imbere ariko ngenda nirebera mu kirahure ntamuvugisha
Tugeze ku ishuri ubwo nashakaga gusohoka yamfashe akaboko ariko mpita nongera mureba ikijisho arandekura.

Maurice: ese iyi myitwarire wadukanye bite?
Firdaus: ese ubu ni jye cyangwa wowe?

Yishimye mu mutwe nuko

Maurice: umbabarire sinifuzaga kukubabaza kandi ndumva ntacyo bivuze hagati yacu, jye nawe
Firdaus: ariko nubundi wambwiye ko tubana kivandimwe sinzi impamvu uri kwiregura
Maurice: ese wagiye ureka gukomeza ibintu no kumva nabi
Firdaus: ahubwo wowe ntuzi gusobanura neza

Yikije umutima nuko aranyitegereza

Maurice: uko byamera kose ntakurusha agaciro imbere yanjye

Namurebye ntangaye nanatunguwe. Ashaka kuvuga se ko ankunda kurenza umukunzi we cyangwa afite ikindi ashaka kumvikanisha? Oya nako mufata nka musaza wanjye niko yansabye, ibindi reka mbyikuremo

Firdaus: eseee
Maurice: oya byihorere ntacyo
Firdaus: ariko…
Maurice: nimugoroba nze kukureba se?
Firdaus: oya. Nako sinzi
Maurice: sawa. Urabizi sinjya mpatiriza

Yahise agenda. Ndumva ntashaka kujya mu rukundo ariko nanone Maurice numva mukunda. Sinshaka kuzabyara ngo nanjye nzamwange njye mukubita nk’uko nakubitwaga. Kandi nta rukundo rwa kibyeyi nigeze mbona nanjye sinzi ko nzabasha kurutanga rwose pee. Sinzi nuko bigenda
Nkiri muri izo ntekerezo numvise umuntu ankomanze ku rutugu. Mpindukiye nabonye ari Aziz, aransekera nanjye ndamwenyura

Aziz: sha sindabona mubyara w’umuntu umuzana akamugeza ku ishuri pee. Warambeshye uriya musore harimo akandi kantu
Firdaus: ahubwo se mubyara wawe atagukoreye ibyo wabikorerwa na nde?

Bahise basona twinjira mu ishuri. Amasomo arangiye nagiye ku kazi nuko saa mbiri nk’uko bisanzwe nagombaga gutaha. Nagiye ku cyapa gutegereza bisi kuko nari nabwiye Maurice ko ataza kuntwara
Nicaye aho bategerereza bisi gusa ubwo yari itarahagera nabonye imodoka nsanzwe nzi iza insanga, ndebye neza mbona ni iya Maurice.
Disi Maurice ni umwana mwiza. Ese kuki murakaza kandi yambwiye ko anyitaho? Narahagurutse ngenda negera imodoka gusa uko nayegeraga niko ibirahure byagendaga bizamurwa, ku buryo nayigezeho byamaze kwifunga byose neza. Ni ibirahure byijimye ku buryo ntashoboraga kurebamo imbere.
Nakomanze ku kirahure ngo afungure ariko aranyihorere

Firdaus: Maurice!!!
…..
Firdaus: reka iyo mikino ufungure nshaka kukubwira
..….
Firdaus: sha kingura ndakwinginze. Nukuri umbabarire uko nakwitwayeho mu kanya. Ni uko ibyo wambwiye byantunguye. Kuba wambwiye ko umpa agaciro kanini kurenza umukunzi wawe byantunguye gusa ntibyambabaje nanone. Muri macye nashimye ko unyitayeho, kandi nzabigushimira iteka
…..
Firdaus: ntacyo niba udashaka kuvuga, ufite nimero yanjye uze kumpamagara

Naragiye nsanga bisi ihageze ndayurira ndataha. Nagiye mfashe terefoni mu ntoki ngo byibuze ari bunyandikire ariko ndaheba.
Nageze mu rugo, nkuramo imyenda njya guteka. Terefoni narayigumanye ariko narinze njya kurya nta butumwa nta guhamagara.
Nayishyize ku meza nirebera filimi.
Nyuma y’iminota mike terefoni yarasonnye nitaba ntanarebye uhamagaye uwo ari we
Firdaus: Maurice!!
…: oya si we ni Camelia.
Firdaus: Camelia bite se
Camelia: ni sawa mwana. Wowe se bite
Camelia: ni byiza. Nari nguhamagaye ngo ejo niba ufite akanya tuzasohoke na Ines
Firdaus: ejo se ni kuwa kangahe
Camelia: si kuwa gatandatu se. Kandi ntabwo ukora, nta nubwo wiga
Firdaus: nta kibazo noneho
Camelia: hari umuntu wari utegereje ko aguhamagara ariko
Firdaus: yego sha. Kuva kare
Camelia: byagenze bite se?

Namusobanuriye byose ntaciye ku ruhande

Camellia: kuba ataguhamagaye ndumva nanjye bintangaje
Firdaus: byantunguye ariko buriya hari impamvu nta wamenya
Camelia: muguhamagarire se basi?
Firdaus: oya mwihorere

Twakomeje kuvugana akanya gato nuko arakupa.
Nakomeje kureba filimi nuko mu ma saa saba y’ijoro mbona Maurice arampamagaye

Firdaus: allo
Maurice: wagiye kubwira iki Keila?
Firdaus: Keila ni nde? Eeeh wa mushuti wawe se?
Maurice: oya noneho ubwo ni mama. Gusa ninongera kukuvugisha data azaba yarabyaye imbwa. Ubwo se kujya kunteranya na Keila wabikoreye iki?
Firdaus: Maurice wintonganya untukira ubusa. Uwo mugore wawe nahuriye hehe na we jyewe?
Maurice: none se urumva mbihimbye? Ntiwagiye ukamubwira ko ngukunda kumurusha se? Indaya gusa
Firdaus: noneho urumva ari we ukubwiza ukuri, ukumva ko jye ndi kukubeshya? Ubona ndi indaya jyewe itiha agaciro ko ari zo ziteranya abantu?
Maurice: nagatangaye impamvu umwana w’imyaka 17 asiga iwabo akajya kuba wenyine. Niba atari uburaya se n’ubwomanzi ni iki?
Firdaus: Mu buzima urambabaje ari wowe wakampojeje. Icyakora numara kumenya ukuri ntuzibeshye ngo ugaruke kundeba. Iyo ndaya yawe wita umukunzi yaje kumbeshyera gusa.

Nahise mukupa nirebera film.

None se koko ibi byose Maurice yabiuye hehe? Cyangwa mu kanya mu modoka si we wari urimo yari Keila?

Biracyaza….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s