Ubuzima

Yoga n’akamaro kayo ku buzima

Yoga ni imwe muri siporo benshi bataramenyera nyamara ni siporo itarushya, ukora uri ahantu hamwe, ihuza meditation, siporo zo guhumeka n’inyicaro cyangwa imihagararire yihariye bigamije gutera umutuzo. Yoga ni ijambo rikomoka kuri “yuji” ijambo ryo mu Gihinde cya kera, bisobanura UBUMWE, ikaba siporo igaije guhuza umubiri na roho.
Nyamara kandi si ibyo gusa kuko ubushakashatsi bunyuranye bwerekanye ko gukora yoga bifitiye umubiri akandi kamaro kanyuranye nk’uko muri iyi nkuru tugiye kubirebera hamwe.


1. Kugabanya stress


Yoga izwiho kugabanya ikorwa rya cortisol, umusemburo wahawe akabyiniriro k’umusemburo wa stress. Iyo uyikoze stress iragabanyuka ikaba yanashira. Gukora yoga byibuze mu gihe cy’amezi 3 wari ufite stress yakurenze bisiga wumva umeze neza

2. Kurwanya agahinda gasaze


Benshi batangira yoga iyo bamaze kumenya ko ari umwe mu miti ibafasha kwikuramo agahinda gakabije. Byibuze gukora yoga kabiri mu cyumweru, mu gihe cy’amezi abiri bisiga agahinda kagiye nka nyomberi.

3. Kurwanya kubyimbirwa


Uretse gufasha ubuzima bwo mu mutwe, yoga kandi izwiho gufasha mu kurwanya kubyimbirwa.
Nubwo kenshi kubyimbirwa bituruka ku bwirinzi bw’umubiri ariko kubyimbirwa bihoraho bishobora gutera ibibazo ku mutima, kubyara kanseri cyangwa bigatera diyabete amaherezo.
Nubwo ubushakashatsi butaragaragaza neza uburyo yoga ifasha kubyimbura ariko bwerekana ko ari nziza ku bagira indwara zifata mu ngingo nka goute, rubagimpande n’izindi.

4. Ni nziza ku mutima


Yoga ituma umubiri ugororoka bityo amaraso akabasha gutembera neza. Ibi bituma umutima ubasha gukora neza akazi kawo ka buri munsi. Biwurinda kandi indwara zinyuranye zirimo kuba wahagarara, stroke n’umuvuduko ukabije.

5. Kurwanya depression


Birumvikana ntabwo yaba ihangana na stress, agahinda gakabije ngo isige depression indwara irangwa no kwiheba bigendana no kwigunga kuko zose ni indwara zifata imitekerereze ya muntu. Byose kuko izwiho kugabanya igipimo cya cortisol mu maraso

6. Kugabanya uburibwe buhoraho


Indwara z’imitsi, umugongo, rubagimpande, impanuka, kanseri ni zimwe mu ndwara zituma uhorana uburibwe. Gukora yoga byatanze umusaruro wo kugabanya uburibwe ku bafite indwara zituma babuhorana ndetse n’abagira imihango ibababaza iyo bakoze yoga uburibwe buragabanyuka.

7. Ituma usinzira neza


Kudasinzira neza ni isoko y’umubyibuho ukabije, umutwe n’umunaniro bihoraho, umutima udakora neza n’ibindi. Niba rero ugira ikibazo cyo kubura ibitotsi, umwe mu miti wakifashisha ni yoga. Ikindi kandi kuba irwanya depression na stress, abanzi ba mbere b’ibitotsi, bituma yoga irushaho kuba ingenzi

8. Gufasha mu guhumeka


Muri yoga hari aho usabwa kuyobora imihumekere yawe, dore ko ubusanzwe guhumeka ari igikorwa utagiramo uruhare. Rero uko umenyereza umubiri wawe mu guhumeka bifasha ibihaha mu mikorere yabyo aho bifasha abafite ibibazo binyuranye by’ubuhumekero nka asima.

9. Koroshya umutwe w’uruhande rumwe


Iyo havuzwe umutwe w’uruhande rumwe ni wa mutwe kenshi wumvira mu misaya, imbere se cyangwa inyuma, mbese ukaba udafashe umutwe wose. Mu gihe utaritabaza imiti, wakora yoga nka bumwe mu buryo bwo koroherwa kuko ubushakashatsi bugaragaza ko yoga ituma akarandaryi kazwi nka nerf vague gakora neza kandi kazwiho kuba ingenzi mu kurwanya migraine iyo gakora neza. Yoga iherekejwe n’amazi ni ingenzi

10. Ituma ukomera


Yoga ni siporo. Siporo rero ituma umubiri ukomera, amagufa, imikaya byose bikaba biri mu buzima bwiza. Si ibyo gusa kuko inafasha ku bifuza kugabanya ibiro kuko ituma urushaho kwiyobora mu mirire bityo ukarya amafunguro meza gusa. Ituma ugabanya ibinure kandi utinanije cyane.
Ese yoga ikorwa ite? Kanda kuri iyi link urebe video.


Wanareba iyi video nayo ni ingenzi mu gusobanukirwa neza ibyerekeye yoga.


7 comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s