Ubuzima

FIRDAUS: Agace ka 16

HASHIZE AMEZI ABIRI
Mu mezi abiri nafashe igihe cyo kumenyerana na Ines na Camelia ndetse barushijeho kuba inshuti z’akadasohoka. Camelia namubwiye ibyanjye byose, muri macye azi icyanzanye muri Kenya. Si ibyo gusa nanabashije kwiyandikisha ku ishuri ndetse natangiye kwiga. Njya ku kazi btewe n’amasaha mfite amasomo, umukoresha wanjye ibyo yarabinyemereye.

Maurice twarushijeho gusabana ndetse ubu mufata nka musaza wanjye. Gusa sindagira imbaraga zo kumubwira byose byanjye. Si uko ntamwizera, ariko njya kumubwira nkabura imbaraga nkanabura aho mbitangirira na cyane ko atajya abimbazaho.

Nubwo kwiga nanakora bimvuna ariko nanone nta yandi mahitamo mfite. Nta mwanya uhagije wo kuryama nkigira. Niba ntari gusubiramo amasomo, mba ndi mu kazi cyangwa ku ishuri.

Kugirango ntakererwa nashyize inzogera muri terefoni ku buryo iyo bigeze 06h00 ihita isona ngakanguka.

Uyu munsi nabyutse nambara bisanzwe. Ipantalo niwo mwambaro wanjye w’imena ibindi mbyambara iyo bibaye ngombwa. Gusa njya nyuzamo nkambara ikanzu ariko kenshi ni mu gihe nsohotse n’inshuti.

Maze kwambara nafashe ibya mu gitondo nitera ka parfum gacye, mfata echarpe dore ko hakonje ubundi njya ku ishuri.

Gusa mu nzira nanyuze kuri supermarket mbanza gufata ka shokola. Nzikunda kubi.

Mu gihe ntegereje bus nabaye nandikirana na Ines na Camelia. Sinibagiwe no kwandikira Maurice34

Ku ishuri twarimo twiga isomo ry’imibare. Mwarimu dukunze kwita makaroni yari ari kwigisha. Kuri we ngombwa ni uko ukwezi gushira agahembwa naho wakurikira cyangwa ntukurikire ntacyo bimubwiye. Gusa kubera nikundira maths nari nakurikiye ariko abari banyicaye imbere bambuzaga gukurikira neza kuko barasakuzaga bikabije. Uwo yari Aziz na Calema.

Aziz: Kwanza ndanakwiyamye ntukomeze kumvugisha we
Calema: Nawe ntukomeze kumvugisha uko wishakiye umenye ko ntacyo mpanga nawe
Aziz: ubundi se ni nde wakubwiye ko wowe nakwiteza? Ntabwo twakundana wowe. Ahubwo shaka ahandi wicara
Calema: nyamara ejo ubwo twabikoraga wambwiraga ko unyemera. None nyumvira. Ntabwo nimuka ndaguma hano
Aziz: sawa. Nzongera kuvugana nawe kera. Reka njyewe nimuke

Yahise ahindukira arandeba

Aziz: rata nze twiyicaranire?

Narikirije nkoresheje umutwe nuko araza turicarana
Yateruye ibye nuko aza kwicara iruhande rwanjye

Aziz: ni wowe uje vuba harya?
Firdaus: yego ni jyewe
Aziz: ariko ntuboneka kenshi wowe
Firdaus: mba mpari nyamara ahubwo sinkunda kuvuga
Aziz: gusa ndabona uri umwana mwiza
Firdaus: hhh. Nta ribi ryanjye byo

Yari agiye gukomeza kuvuga nuko Calema amuca mu ijambo

Calema: Aziz nizere ko ntakubangamiye. Umenye ko tukiri kumwe. Rero garuka wicare hano ureke kuganira n’uwo mukobwa.

Aziz yarandebye

Aziz: harya nakubwiye ko nkiri ingaragu? Uriya mukobwa sinzi ikibazo afite. Uyu mukobwa yampaye rimwe gusa none ashaka kunyizirikaho
Calema: umenye ko ndi kukumva wa muswa we
Aziz: ubundi se ko katanatinze wamvuyeho

Bakomeje guterana amagambo jyewe nkomeza kwisekera. Gusa nubwo Aziz akoresha amagambo akakaye anakomeretsa ariko umurebye ubona ari umwana mwiza.

Nyuma y’isomo Calema yasohotse yihuta naho Aziz arantegereza ngo dusohokane.
Twagombaga kuruhuka iminota 15 nuko mpitamo gusohoka gacye. Nasabye Aziz kumperekeza. Ubwo twasohokaga twahuye n’umwe mu bo twigana atubwira ko mwarimu w’isomo rikurikira adahari, ubwo twari dufite isaha yose irengaho ya minota 15.

Aziz: ubu se mu isaha yose turaba dukora iki
Firdaus: sinzi. Urumva hakorwa iki
Aziz: mperekeza mu mugi njye gushaka inkweto
Firdaus: mu isaha imwe se?
Aziz: yego. Iminota itarenga 5 koko urumva atari hafi
Firdaus: tugende noneho nta kibazo

Twaragiye tuzenguruka amaduka yose acuruza inkweto ariko akabura iyo ashima. Twari dushigaje iduka rimwe gusa nuko na ryo turyinjiramo.

Firdaus: ubundi se ukeneye inkweto zimeze gute?
Aziz: nshaka izitukura cyangwa zirabura nta kindi. Gusa sinshaka izijyamo imishumi. Birangora kuzambara no kuzikuramo.

Namweretse izo nkweto yashakaga mu iduka twari tugezemo nuko arazishima.
Yarishyuye nuko turasohoka.

Firdaus: tunyure kuri boulangerie se
Aziz: yego nta kibazo. Genda utebuke jye ndaguma mu modoka

Nafashe ibyo nashakaga kurya ariko sinibagirwa no kugurira Aziz twari twagendanye

Aziz: ibyo byose urabimara?
Firdaus: oya nawe ndakuzaniye
Aziz: urakoze cyane. Urye neza ntunyandurize imodoka ariko ubivunguriramo

Aziz se kandi we aje ate ko mbona umubano ukomeje? Ese Maurice azakomeza kuba koko nka musaza we cyangwa hari ukundi bizagenda?

Biracyaza….

1 comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s