Ubuzima

FIRDAUS: Agace ka 15

Nakomeje kwitekerezaho kugeza ubwo mu masaha y’ikigoroba Ines na Camelia baje kundeba kugirango dusohoke. Narambaye nuko twinjira mu modoka ya Ines

Firdaus: None se tugiye hehe
Camelia: tugiye ku mazi
Firdaus: hafi hano ariko nta plage ihari
Ines: Ni nde se wakubwiye ko tujya hafi hano?
Firdaus: ubwo se niba ari kure koko turataha ryari
Ines: Dufite imodoka humura. Kandi turataha nka saa saba nijoro, iwacu twabasabye uruhushya nawe nta kazi ufite ejo. Hari ikibazo se?
Firdaus: niba nta kindi kibyihishe inyuma nta kibazo
Ines: Humura sinakujyana mu bintu bibi.
Firdaus: None se ko mutari mwanteguje kare koko
Camelia: agatekerezo kazanywe na Zahara, ubwo rero tubona nubundi dufite umwanya twese, nuko turabyemera. Humura twitwaje impamba, ntugire ikibazo na kimwe

Twakoze urugendo rw’amasaha hafi abiri mu modoka. Ubwo twageraga aho bavuze hari plage naratunguwe. Ni amazi menshi yego ariko kimeze nk’ikiyaga cyangwa ikidendezi cy’amazi n’umucanga mucye.
Hari abantu benshi ku buryo wagirango umujyi wose ni ho wimukiye

Firdaus: bano bantu bose se ubu bari mu biki
Camelia: Baje kurya isi nkuko natwe tuhaje. Ahubwo reka tujye kureba Miryam na Amel aho baherereye
Firdaus: ubu se muri aba bantu bose turababona koko

Twakomeje kugenda tubashaka, kugeza ubwo tubagezeho

Camélia: Ese ni umunsi mukuru mwakoze mwa?
Miryam: ariko naraguhamagaye
Camelia: Iminsi 3 ishize niba nibuka neza
Amel: urebye ariko gahunda yari ukujya muri pariki none twisanze hano
Miryam: Byose ni Zahara wabihinduye ku munota wa nyuma
Firdaus: mureke guterana amagambo ndisonzeye jyewe
Amel na Miryam bahise bafata ibyabo nuko turagenda
Camelia: kugenda amasaha 2 uje ahantu utamara n’isaha. Twigire muri pariki dore ni hafi

Twahise tujya mu modoka, nuko dukora urundi rugendo rw’isaha. Byari bigeze hafi saa kumi n’imwe kandi sindarya

Firdaus: Ese turarya ryari koko
Camelia: Ihangane turahagarara mu kanywa dufate twa pizza ahantu
Firdaus: Ines, nibyo koko? Uyu mukobwa sinjya mwizera
Camelia: umva uyu muswa ra
Ines: Yego mu minota nka 20 turaba tugeze aho tugura pizza

Koko ya minota ishize twageze aho twabona icyo kurya. Twaguze pizza nuko dukomeza urugendo. Nari nisonzeye ngenda ndya pizza yanjye mu modoka. Barambujije ariko nari nisonzeye sinari kurindira kuva mu modoka dore ko ntari ntanazi urugendo rusigaye uko rungana
Tugeze muri pariki twicaye ahitaruye abandi bantu. Bahise batangira kurya pizza zabo, ariko jye nari nsigaranye agace kamwe kandi numvaga ngifite inzara

Firdaus: Camelia wampaye agace kamwe kuri pizza mwana
Camelia: ese wowe uri iki? Urya nk’ikirura wallah
Amel: Akira rata nkwihere jyewe yanananiye nari mvuye mu rugo ndiye
Firdaus: urakoze rata
Camelia: rya ibyo urya se uceceke. Nako horobya
Firdaus: wa gasambo we gusa
Ines: Bimubwiye iki ko uwo twamumenyereye
Firdaus: Nanjye ndaza kumumenyera nta kundi

Nyuma yo kurya twatembereye pariki. Iyi si pariki ibamo inyamaswa ahubwo ni nk’ubusitani aho usanga abantu baruhukira, harimo ibiti, uduhanda twiza, ahantu ho kwicara, ndetse rimwe na rimwe haba harimo n’ibiyaga bikorano.

Twaje kwiyemeza gutaha nuko Amel na Miryam bataha iwabo, Ines na Camelia babanza gusaba ba nyina babemerera kuza kurara iwanjye. Zahara wari wasabye ko duhindura tukajya kuri plage ntiyigeze ahakandagira, ibye byaranyobeye.
Ubwo twageraga mu rugo twakoze ka speciale kuko bwari bwije nuko tumaze kurya dutangira kuganira

Camelia: Ese mwana ibyawe na Maurice bigeze hehe
Firdaus: ibiki se kandi?
Camelia: Mba mbona mwemerana cyane nyamara
Firdaus: sha ni ubushuti busanzwe nta kindi pee. Ahubwo mumbwire mwebye ibyanyu
Camelia: jyewe mfite umusore turi gukundana ubu tumaranye amezi 6
Firdaus: sha mbifurije amahirwe rwose muzakomezanye ntimuzatandukane. Angana ate se
Camelia: afite 22 jywe kandi mfite 20 ubu
Firdaus: waouu. Byiza cyane. Ines wowe se bimeze bite?
Ines: sha ibyanjye ni agatogo rwose
Firdaus: gute se? Sobanura
Ines: urumva umusore untereta ni inshuti ya musaza wanjye. Ntiturasohokana na rimwe ariko ngo ashaka kuzaza gufata irembo ariko agatinya uko musaza wanjye azabyakira
Camelia: Ariko uramukunda?
Ines: sha ndamukunda pee
Firdaus: ubwo umukunda Imana izabikora humura.
Ines: amina. Hagati aho burya Maurice yansabye nimero zawe kandi narazimuhaye
Firdaus: Ngo?
Ubanza agahu kagiye guhura n’umunyutsi.

Biracyaza…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s