Ubuzima

FIRDAUS: Agace ka 11



Mu modoka twagiye tuganira ibya mva he na njya he nuko ubwo twageraga iwabo twavuye mu modoka.

Ines: Si ubwambere ugeze mu mugi se?
Jyewe: Yego sha. Kubera iki se
Ines: Mfite ubwoba ko uri bubangamirwe sha
Jyewe: Mbangamirwa se kubera iki?
Ines: abasore ba hano bameze nk’inyamaswa bafungiranye imyaka 20 zitarya. Iyo babonye umukobwa mwiza nkawe bamwirukaho.
Jyewe: Sha humura jyewe si uko. Umenye ko nkiri n’umwana.

Twarasetse nuko tuva mu modoka

Yagiye imbere ndamukurikira. Imbere y’inzu hari abasore bagera kuri bane. Si benshi yego, ariko nanone ukuntu abasore bareba umuntu abanyuzeho byanteye ikibazo ntangira kugenda nitegatega kubera isoni
Tubatambutseho bahise bahamagara Ines

…: Ese munyura ku bantu mutanabashuhuje?
Inès: Reka nawe. Bite se
…: Sawa mwana. None se uwo mutoto ko utamupresenta abajama
Inès: Hoshi genda nawe aracyari umwana kuri wowe
…: Ni nde se ukubwiye ko hari icyo ndi burenzeho kindi
Inès: Ahubwo se namenya gute ko ntacyo uri burenzeho ko nkuzi
…: Apuu. Rata jyewe nitwa Maurice. Uraho
Jyewe: Uraho neza. Jyewe nitwa Firdaus
Ines: Tugende mwa. Usuhuze nyoko na bashiki bawe, Maurice we. Wirirwe ahubwo
Maurice: Yego mwana.

Tuzamuka tugana mu nzu Ines yagiye anserereza ngo narobye Maurice. Yego koko nabonye ari umusore mwiza, utuje, uganira ariko nanone kuri jye ibyo ntibihagije da.

Ines yakuye urufunguzo mu isakoshi nuko arakingura
Ines: Mama najeeeee
Mama: Ese ntugasakuze wa mukobwa we. Jya umenya kuvuga buhoro nk’abandi bari
Ines: Ni karibu Firdaus, isange nko mu rugo rwose
Jyewe: Murakoze.
Narinjiye nuko nsuhuza nyina. Umubyeyi mwiza, utuje, nahise numva mwikundiye
Twaganiriyeho nuko ahita aduha karibu ku meza. Mbega ibiryo bihumura neza! Mbega ibiryo biryoshye. Nariye nk’aho nabwiriwe pee.

Ubwo twaryaga nibwo twibwiranye. Mama wa Ines yitwa Khadidja.

Khadija: Firdaus mwana wanjye nagukunze nanakwishimiye. Uri mwiza ku buryo numva wazambera umukazana, nuko igihungu cyanjye utagikwiriye cyo ni igisazi
Jyewe: Mama ndacyari muto ubu sinashaka umugabo
Khadija: Yego niganiriraga mwana wanjye. Ahubwo ubutaha uzazane n’iwanyu sha mudusure mwese
Jyewe: Ahaa
Ines: Mamaaaaa
Khadija: nkoze iki se kandi?
Jyewe: ntacyo. Ababyeyi banjye baba mu Rwanda ntabwo turi kumwe
Khadija: Noneho uba ino wenyine? Mana yanjye!
Jyewe: Nta kibazo mama, humura naramenyereye
Khadija: None se waje kwiga?
Ines: Ariko mama waretse ibyo bibazo?
Khadija: Nyibwirira rata mwana wa. Ureke Ines wataye umutwe

Namubwiye ibyanjye byose. Yarabyumvise arababara cyane, atangira gutukagura iwacu abita amadayimoni, abagome, abicanyi, sekibi, amashitani, mbese amazina mabi yose abaho. Amaze kwitotomba ahita ampobera arampumuriza.

Khadija: Mwana wanjye humura uzabaho kandi neza. Kuba utarapfuye ni Imana igufiteho umugambi. Yaguhuje na twe kubera impamvu ntazi nawe utazi ariko buriya ifite impamvu. Ababyeyi bakubereye gito ntuzabibiture, ubareke isi ubwayo izabiyigshiriza kandi bazakugarukira amaherezo.

numvise nduhutse umutima ndetse nishimira uwo mubyeyi kurutaho. Bwari ubwa mbere umubyeyi ampobeye ako kageni, numvise ibinezaneza binyuzuye, sinamenye aho amarira y’ibyishimo bivanze n’ishavu yaturutse atangira gushoka ku matama, maze ayahanaguza intoki ze nziza, ari nako arushaho kumpfumbata.

Nyuma bigeze mu ma saa yine y’ijoro ndasezera ngo ntahe. Nari natangiye konji y’ibyumweru bibiri, ntabwo byari ikibazo kuba bwije. Nuko abwira Ines kuntwara akangeza iwanjye.

Ubwo twamanukaga (kuko inzu yabo iragerekeranye, twaganiriraga hejuru) twasanze Maurice na musaza wa Ines bahagaze ku muryango.
Musaza wa Ines yahise amuhagarika

Musaza we: Iki gicuku ugiye hehe?
Ines: Mperekeje Ines
Musaza we: n’amaguru se?
Ines: Oya turagenda n’imodoka
Musaza we: Warasaze ariko. Sinakubujije gutwara imodoka bwije. Subira mu nzu vuba
Ines: Ariko mama yabyemeye ngo muherekeze.
Musaza we: Ndavuze ngo subira mu nzu
Jyewe: Nta kibazo nubundi si kure ndagerayo reka nijyane
Ines: ahantu imodoka igenda iminota 20 niho wita hafi? Izi saha noneho? Navuze ko nguherekeza reka nguherekeze
Maurice: Ntacyo mwipfa ubusa reka muherekeze nubundi nari ngiye kwerekeza mu bice atuyemo
Musaza wa Ines: Nibyo rata. Muherekeze. Ines ngaho subira mu nzu
Ines: Shahu Maurice ugire icyo wibeshya ugakora. Ubwanjye nazakwiyicira
Jyewe: Humura ntacyo mba da
Ines: Nugerayo unyoherereze SMS ndahita nguhamagara
Jyewe: yego ndabikora.

Naramusezeye nuko ngana mu modoka na maurice. Ubanza musaza wa Ines adashaka ko nkundana na mushiki we rwose. Wagirango mfite ubushita ngiye kumutera. Mbega umusore w’umwaga

Mu nzira tugenda

Maurice: Ariko ntabwo uri kavukire
Jyewe: Biraboneka se?
Maurice: imivugire yawe irabyerekana
Jyewe: Yego jyewe ndi umunyarwandakazi
Maurice: Ese burya. Nayobewe ukuntu umukobwa mwiza nka we yaba avuka ino pee. Abanyarwandakazi muri ibitangaza rwose ku isi yose no muri Kenya
Jyewe: gabanya ibikabyo tugende se
Maurice: ahubwo se uwakwisabira akantu gato?

Ngaho re. Akantu se agiye kumusaba ni agaki? Ese ubundi kuki musaza wa Ines yanze ko ari Ines uherekeza Firdaus? Birabe ibyuya

Biracyaza…


20

3 comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s