Ubuzima

FIRDAUS: Agace ka 10

DUSUBIRE INYUMA GATO

Ubwo twakomeje kurya, ari na ko tuganira  twishimye, tumaze kurya amfasha kwandurura. Nari ngiye guhita mbika ibyombo ariko Ines arambwira tubanze tubyoze

-None se ni ngombwa sinabyoza mu gitondo?
-Ubwo ni ubunebwe hoshi. Mu gitondo se kuki utabyuka ukora ibindi? Ni bimwe usanga woza ibyombo ugahita ubikoresha bitarumuka cyangwa ukabihanaguza agatambaro nako kameswa rimwe mu cyumweru. Buriya ibyiza woza ibyombo, ukabyubika ahantu hagera urumuri ni bwo nta mikorobi ijyaho. Ahubwo mu gitondo ubisohore hanze ubishyire ku kazuba wongere ubisubize mu nzu naho kubyoza mu gitondo rwose simbishyigikiye. Keretse utari bugire ibyo ukoreshaho.
-Sha urakoze ku nama zawe. Ngaho reka tubyoze

Tumaze kubyoza ni bwo namubwiye ko hari film nshaka kureba, musaba ko twayirebana.

-Oya sha reka ntahe. Musaza wanjye atanyiyicira ntashye igicuku
-None se waraye hano?
-Koko se urabishaka?
-Cyane rwose.

Yahise afata terefoni ye ahamagara nyina, na we aramwemerera nuko dukomeza kwirebera film tunayiganiraho

-Ese urabona uriya mukobwa ari bupfe
-Sha arapfa rwose ntabwo azi kwiruka
-Ese buriya kuki kariya kajiji katihishe mu kabati
-Ahubwo se kuki koko yasohotse iwe buriya yajyaga he? Inkoko gusa
-Ntiwabonye se ko yari agiye kureba icyo umukunzi we abaye? Yapfuye none  nao kagiye gupfa disi. Iriya ni ingaruka y’icyaha. Ntibari bari gusambana se
-Uraje rero. Ubwo rero ngo uri isugi wowe
-Mvaho se. Uzaze usuzume urebe

Terefoni ya Ines yahise isona.

Inès: Allo?
….
Inès: Oya sintaha ndarara kwa Firdaus.
….
Inès: Ni mushuti wanjye, umwe wahiritse akora muri supermarket
….
Inès: Yego mama arabizi namubwiye.
….
Inès: Ese wandetse ubwo ngutwaye iki?
….
Inès: Yego ndabyibuka. Sawa 2

Yarakupye nuko acura ingoni, mbese nk’urakaye

-Ni musaza wawe?
-Yego. Aba ancunga wagira ngo ni we uzandongora

Twarabisetse dukomeza kwirebera film. Nuko irangiye turaryama, kuko twagombaga kubyuka tujya mu kazi no kwiga.

Bucyeye twabyutse hafi saa moya, nagombaga gutangira akazi saa tatu na Ines yari kujya mu ishuri izo saha. Twabanje gutegura no gufata ibya mu gitondo, Ines arantwara angeza ku kazi abona kugenda.

Inès: Uyu mugoroba uze kuza mu rugo rero nanjye dusangirire iwacu
Jyewe: Oya weeee. Ndumva naba mfite isoni pee
Ines: Isoni z’iki se? Humura ndaba ndi kumwe na mama gusa, musaza wanjye araba atarataha.
Jyewe: Naho se papa?
Ines: Papa ntawe yarapfuye sha. Hashize imyaka myinshi.
Jyewe: Nta kibazo ndi buze
Ines: Ndava kwiga njye ku kazi, ndasoza saa kumi n’ebyiri mpite nza kukureba
Jyewe: Ndasoza akazi jyewe saa kumi, ubwo uraza kundeba iwanjye rero
Ines: Nta kibazo rwose. Wirirwe ni aho mu kanya rero

Nahise ninjira mu kazi, mbanza gusuhuza boss. Kuko nsigaye mvuga nahinduriwe akazi ubu nsigaye nkora kuri caisse. Ndanabikunda cyane, byibuze uhura n’abantu, ukaba wanahakura inshuti erega.
Muri iyi supermarket hakunze guhahira abakiri bato. Mbere ngkora amasuku sinakundaga kubabona ariko ubu bose banyura imbere binjra banasohoka. Abambaye ibirebire, abambaye ibigufi, abasutse n’abadefirije, abambaye baregeje n’abatebeje, abasore n’inkumi…53

…: Mabuja
naregutse mbona abasore babiri imbere yanjye
Jyewe: Karame

…: Umugati dushaka uri hejuru ntituwushyikira.
Jyewe: Muwunyereke nywubamanurire
Narabakurikiye barawunyereka ndawubamanurira.
Jyewe: Nta kindi mushaka se
…: Reka dufate icupa turaje utubarire.

Naramwenyuye nsubira kuri caisse mpasanga umugabo, nubuye umutwe mbona ni wa musaza wa Ines.

Jyewe: Ihangane nagutindiye
We: Nta kibazo. Si wowe nshuti ya mushiki wanjye se?
Jyewe: Yego ni jye
We: Ko mperuka utavuga se?
Jyewe: Nari ndwaye
We: Ahaaa. Nyibwirira ayo nishyura.
Naramubariye nuko arishyura arigendera.
Ubwo nasozaga akazi nahise njya mu rugo, nitegura kujya iwabo wa Ines. Naroze, mpindura imyenda. Nambaye ikanzu nziza ndende, imisatsi nyifunga neza nuko nicara ntegereje Ines.
Mu kanya gato yahise ampamagara ambwira ko ari hanze antegereje nanjye mpita nsohoka
Ines: Mbega ubwiza wee. None se Firdaus umusize hehe
Jyewe: Gabanya ibikabyo muko.
Ines: Sha nukuri abasore bari hanze aha sinzi ko hari aho uzabacikira.
Nahise musuhuza, nuko njya mu modoka ye turagenda.


Ese bageze iwabo wa Ines byagenze bite?


Biracyaza…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s