Ubuzima

FIRDAUS: Agace ka 9



Nararebye nsanga ni Ines wanyandikiye, yansabaga ko bucyeye twaza guhura tugasangira.
Icyifuzo cye cyaranshimishije, mpita musubiza ko nta kibazo nzaboneka. Nshaka kumutungura akamenya ko burya no kuvuga byagarutse.
Nakoze gahunda zanjye zose, ndaryama kare ngo nduhuke nuko bucyeye njya ku kazi.
Ipantalo ya jeans ifite umutuku wijimye, agapira kirabura, agakoti gakoze mu ruhu, inkweto z’umukara, nuko mfata ibya mu gitondo njya ku kazi.

Uyu munsi ndakora ngeze 12h00 gusa ubundi njye gusangira na Ines
Kubera uko nkunda gusoma, mu modoka ngana ku kazi, nagiye nsoma ikinyamakuru, dore ko hari imodoka usanga iyo winjiyemo usangamo ibinyamakuru, wasohoka ukagisigamo.
Nabonyemo inkuru ivuga akamaro ko kurya inyanya ndetse n’ibyiza byazo.

Bimwe mu byo nasomye nkibuka ni ibi:

  1. Zituma ugira uruhu rwiza. Fata inyanya nka 6, uzihate, uzikatemo ibice bibiri bibiri. Zirambike mu maso (isura), zimareho nk’iminota byibuze 10. Zivaneho woge neza, ujye ubikora buri mugoroba. Zizasukura mu maso, hacye, nta minkanyari.
  2. Zifasha mu kurwanya uburemba no kongera umubare w’intangangabo. Jya uhekenya inyanya 2 mu gitondo na nimugoroba. Unazihekenye ho isaha mbere yo gukora imibonano mpuzabitsina.
  3. Zifasha mu kurinda kanseri zitandukanye. Bitewe nuko zikize kuri lycopene, irinda kanseri. Teka isosi yazo, ujye uyinywa buri munsi. Wirinde kuzikaranga ariko.
  4. Bitewe nuko zifite potasiyumu, zifasha mu kurinda umuvuduko w’amaraso.
  5. Zifasha mu gukomeza amagufa kuko zifite kalisiyumu na Vitamini K.
  6. Ku banywi b’itabi, inyanya zifasha mu gusana ibyangijwe n’umwotsi w’itabi.
  7. Nkuko zifitemo Vitamini A na C, zifasha mu gusohora imyanda mu mubiri, zikanafasha mu koza umuyobozi w’inkari. Kuko kuziteka byangiza Vitamini C, aha ni byiza kuzihekenya.
  8. Zifasha mu kuvura kwituma impatwe, aho bisaba kuzihekenya.
  9. Guhekenya inyanya bivura impyiko aho bifasha mu gusohora imyanda iba yaribumbabumbiye mu mpyiko.
  10. Abagore bonsa bagirwa inama yo kurya isosi yazo buri munsi, kuko bifasha mu kongera ibyitwa lycopene mu mashereka, byongerera umwana ubudahangarwa bw’umubiri.
  11. Iyo zikiri mbisi zivanzwe na avoka, n’amashu mabisi, ni umuti mwiza wo koza inyama zo mu nda (nk’igifu, amara, umwijima n’izindi) no gutuma ibyo wariye bisebwa neza.
  12. Kurya isosi yazo na soya bifasha abagabo kwirinda kanseri ya porositate.
  13. Kuzihekenyana na karoti buri gitondo birwanya ibicece

Narabisomye numva inyanya nzigarutseho, dore ko nari narazivuyeho nigurira sauce tomate gusa, simba nshaka ibindushya kubitegura. Gusa na kuriya zitunganya zigacyesha isura nahise nishyiramo kuzabigerageza icyumweru kimwe nkareba ko nagira baby face wa mugani w’abongereza.
Isaha zo gutaha zigeze, navuye ku kazi ndasohoka nsanga Ines antegereje nuko
Ines: Wiriwe
Yanshuhuje azi ko ngiye kwikiriza nkoresheje umutwe, nuko ndikiriza nti Mwiriwe.
Yari agiye kwinjira mu modoka nuko ahita ahagarara, atunguwe anatangaye 1
-None se uravuga burya?
-Yego
-Byagenze gute se mwana? Nsobanurira
-Ushaka mbikubwire se ubu?
-Amatsiko aranyishe ahubwo
-Reka mbanze njye gusoba nze nkubwire
-Ariko uziko wari ucecekanye urwenya. Ngaho genda utebuke
-Nako tugende, ndabikubwira tumaze kwicara. Sibyo sawa?
-nabyo nta kibazo. Kunyara se urabiretse
-Reka nagusetsaga gusa ntabyo nshaka.
Twaragiye nuko tugera aho turi busangirire.
Tumaze kwicara no gutanga commande, ahita ambaza
-None se waje kuvuga ute, kuki utabimbwiye ko usigaye uvuga, ubundi se kuvuga wari warabibujijwe n’iki?
-Urebye maze iminsi micye ntangiye kuvuga, gusa ibyanjye kubisobanura biragoye
-Dufite umwanya uhagije mbabarira unsobanurire rwose
-Ikibazo sinzi aho ndi buhere
-Hera ku itangiriro, mbese aho byahereye
Mu mutima nahise nibaza niba ndi bumubwire ibyanjye byose, cyangwa namubeshya.
Namubwire mu ncamake, ibyanjye byose n’icyatumye niyemeza guhunga igihugu nkajya kure y’ababyeyi.
-Sinshaka ko hari undi uzabimenya, uzabigumane mu mutima wawe
-Humura ntibizamva mu kanwa rwose. Kandi guhera uyu munsi nugira icyo ukenera cyose jya umpamagara umbwire, umfate nka mukuru wawe. Si byo?
-Yego ndabyemeye rwose.

Twarariye turanywa nuko musaba ko ku bucyeye yazaza kunsura iwanjye nanjye nkamwakira, abyemera atazuyaje.
Nuko bigeze hafi saa moya y’umugoroba, aranjyana angeza iwanjye, ambwira ko ubwo ku bucyeye azarya iwanjye.

••••

Nihuse, bucyeye mvuye ku kazi narihuse ngo ntegure ibyo kurya. Inkoko n’ifiriti, ntibagiwe salade n’isosi yo kubijyanisha. Ndangije gutegura ameza, nahise njya koga ubundi ndicara ntegereza umushyitsi wanjye. Na we ntiyatinze kuko mu minota 15 yari angezeho
-Bite se umeze neza?
-Yego ndaho. Wowe se bite
-Nanjye ndaho gusa ndananiwe buhoro.
-Birumvikana. Ese ubundi ko utambwiye aho ukorera
-Eeeeeeeeh. Nkora mu iduka ricuruza imyenda, ariko nkabifatanya no kwiga
-Ni byiza cyane. Nanjye ndashaka kuzasubukura amasomo yanjye
-Uzaze se shahu wiyandikishe iwacu
-Nzagerageza nimara kubona nabona ayo kwishyura.
Twahise dutangira kurya, nuko ubwo twarimo kurya terefoni ya Ines irasona.
Gusa nkurikije ikiganiro yagiranye n’uwo bavuganaga, narushijeho kumva mukunze cyane.
Ese icyo kiganiro cyari kimeze gute?

Biracyaza…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s