Ubuzima

FIRDAUS: Agace ka 7

Nagerageje kwihamagara, ijwi ryanga gusohoka neza neza. Ndongera ngo mvuge Imana, na bwo numva ijwi riheze hagati. Nigiriye inama yo kubanza gukorora.
Nakoroye bwa mbere, numva mu muhogo harafatanye
Ndongera ndakorora, bimera nk’ibyemeye.
Narakomeje ndakorora, nkavangamo gukaya, kwikokomora, nabikoze akanya ku buryo nananiwe ngahita ndambarara ku buriri ndasinzira.
Nakangutse mu gitondo, numva mu muhogo hari kundya.
Nakoze icyayi kirimo tangawizi, nkamuriramo indimu nuko ndanywa, numva biri kugenda byoroha. Kuko wari umunsi wo kudakora, niyemeje kuza gutembera gato, nkamenya umugi.

Nari naraye mpembwe, nagombaga kugenda nkagira amafaranga macye nishyura Daniel, ni we nyiri guesthouse ncumbitsemo. Nari maze iminsi micye ntamwishyura, kandi rwose yaranyihanganiye bihagije.
Nkimugera imbere, nk’ibisanzwe yafashe ikaramu n’urupapuro arampereza ngo nandikeho. Nashatse kuvuga, nibuka ko byaraye binaniye kandi niyo mba nabishoboye sinari kumwereka ko mvuga, yari kunkekamo byinshi dore ko iyo utari mu gihugu cy’iwanyu banagukekaho kuba intasi. Nanditse mubaza ayo ngomba kumwishura, nuko afata akamashini arabara anyereka ayo murimo.
Yari menshi, bidakabije ariko. Nuko ambwira ko nta kibazo nzajya nishyura macye macye, mba muhaye ayo nari nateganyirije kwishyura aho ngaho, andi nagombaga kuyaguramo ibindi nkeneye.
Nuko ndangije yahise ambwira ko hari ubutumwa bwanjye buhari, ampereza ibahasha, ndayifata sinihutira kureba ibirimo ahubwo mpitamo kubanza gutembera. Numvaga nkeneye kujya ahantu hari ubusitani, nkaruhura mu mutwe.
Nuko ngana ku muhanda mfata bisi. Sinari nzi aho nerekeje, gusa nagendaga ndeba iminota, niyemeza kuza kuvamo igenze iminota 30. icyapa nari nahagurukiyeho nari nagifashe mu mutwe ngo ntaza kuyoba mu gutaha.
Mvuye muri bisi nerekeje mu busitani nuko mbona abantu benshi baje kuharuhukira.
Nicaye mbitaruye gusa banteye kwibaza byinshi. Wabonaga rwose bakeye ku maso, bishimye bamwenyura. Nubwo wenda hari abaseka babanje kubabara, ariko byibuze banyuzamo igihe cyo kwishima. Naho jyewe imyaka 17 yose nayimaze ntagira umunsi n’umwe wo kwishima. No ku ishuri sinabaga nishimye kuko nabaga nibaza nintaha uko biri bugende.
Ubundi kuki nakubitwaga kugeza nkomeretse, amaraso akava mu mitsi agatemba ku butaka, agakomeza akankubita koko? Kuki koko yakomeje kumbabaza bikabije? Kuki atandetse ngo nibereho ntuje koko?
Njya numva ngo ahahise ha muntu hagira uruhare ku hazaza he, ndabona nanjye ariyo maherezo.
Nifuzaga kugira ubuzima bw’isanga n’ingoyi hagati yanjye n’ababyeyi banjye ariko dore ndi gutorongera mu mahanga kubera ibyo bankoreye. Aho kumpa urukundo bahisemo kumpa inkoni, ibitutsi, kuncunaguza. Sinamenye igihe amarira yashokeye ku matama. Narihanaguye, ni bwo nibutse ko mfite ibahasha nahawe ntarafungura.1
Ngifungura ibahasha nahise numva ibyishimo binyuzuye. Icyo nibuka ni uko hari handitsemo ngo “icumbi washakaga ryabonetse, uraryemerewe”.
Imana ndabona itangiye kunsubiza rwose. 5

•••••

Iminsi irahise nimukiye mu yindi nzu. Ni hato ariko haruta kuba muri guesthouse. Kandi kuhishyura ntibihenze cyane nko muri guesthouse.
Nubwo ari kure y’akazi ugereranyije n’aho nabaga mbere ariko byibuze ho mbasha guteka, kuba nasurwa, mbese mbayeho uko nifuza.
Uyu munsi ngomba kujya kugura imyenda no guhaha. Hashize igihe ntahindura imyenda dore ko nigirira itatu gusa, nubwo ngera ku kazi ngahindura hejuru nkambara impuzankano, nakanashyiraho badge.
Uyu munsi ndatangira akazi 15h ngasoze 20h, none ubu turi 9h. ndacyafite igihe cyo guhaha. Narasohotse ngo ngane ku isoko, nuko ngeze mu nzira mbona abasore bahagaze ku muhanda niyemeza kubayoboza.
Ariko nanone nari ntarabasha kongera kuvuga. Nuko mbere yuko mbageraho ngo mbayoboze, nongera gukora umwitozo.

Firdaussssssssssssss


Eeeeeeeh. Kuvuga birakunze
Nahise mbegera ngo mbayoboze.

-Hamjambo?
-Hatujambo dada. Tukusaidie nini?
-Ninauliza njia ya kuelekea sokoni
-Njoo nikuonyeshe

Nahise mukurikira, ngo ajye kunyereka inzira
Ariko ngeze mu nzira numva ubwoba buranyishe.
Disi abashije kuvuga, azi n’igiswahili pee.

Ese amuyoboye ku isoko koko cyangwa hari ahandi amujyanye?


Biracyaza…..

1 comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s