Ubuzima

FIRDAUS: Agace ka 6

Naramwenyuye nuko ndamwiyaka buhoro. Na we yabonye ko byambangamiye kuba yari amfashe mu maboko, ahita we asa n’unyiyaka n’ingufu.
Naramwenyuye nuko nkomeza kwihanagura amazi yari yangiye ku myenda.
Ati: Ihangane sinabishakaga
Ndongera ndamwenyura
Ati: Ariko se nta nubwo uzi gusubiza?
Naramwitegereje nuko nkoresha ibimenyetso ngo ngerageze kumwereka ko ntavuga
Ati: Ibyo bimenyetso byose ni iby’iki? Urwaye mu muhogo? Ufite ibicurane se? Cyangwa ntushaka kumvugisha?
-Afite ubumuga bwo kutavuga wa muswa we.
Ryari ijwi ry’umukobwa, nuko wa musore araberereka ndebye mbona ni Ines, wa mukobwa wangonze bwa mbere.
Ines: Harya witwa Firdaus?
Narikirije nkoresheje umutwe
Ines: Ese uranyibuka?
Nabwo narikirije nkoresheje umutwe
Ines: Uyu ni musaza wanjye. Nakwibwire
Musaza we: Kumwibwira se bimaze iki niba atari bunsubize
Ines: Ni ikinyabupfura ariko. Ese wagiye wubaha abantu
Musaza we: Asyi we, ngaho mumbwire niba ubishaka. Ndanigendeye kandi
Yavuze ayo magambo ahita yigendera rwose
Ines: Nyihanganira musaza wanjye niko ateye, ibintu byo gusabana byaramwihishe. None se ko watose hose wabaye iki?
Nagerageje kumwereka uko byagenze, nuko ku bw’amahirwe abyumva vuba
Ines: Mana yanjye. Musaza wanjye ni umunyamafuti. Araguhirika ntanagusabe imbabazi. Ese urangiza akazi saa ngapi? Ndacyeka watose bakwiye kureka ugataha ntiwakomeza gukora umeze gutyo
Nazamuye intugu, byo kwerekana ko ntabizi
Ines: Reka njye kubwira boss wawe akureke utahe nubwo isaha zitaragera
Narikirije nkoresheje umutwe. Ariko se ubundi ndataha njye gukora iki? Ines yaragiye nuko nyuma y’iminota micye agarukana na Damien, boss wanjye. Yasanze namaze gukora isuku hose, nuko aranyemerera ngo nitahire nubwo isaha zari zitaragera.
Ines: Birangora kuvugana n’umuntu utabasha kuvuga. Ese ni uburwayi?
Nazunguje umutwe byo guhakana
Ines: None se ni iki? Nako ndabyumva ntubasha kubisobanura. Ngaho ngwino ngutahane dore bakwemereye gutaha
Narahakanye, ngerakaho gushimira nkoresheje ibimenyetso
Ines: Oya sha ngwino. Urumva koko wanyura mu muhanda umeze gutyo kandi byatewe na musaza wanjye?
Naremeye turagenda. Ninjiye mu modoka ye nuko mwereka inzira igana aho nari ncumbitse3
Mu nzira tugenda yarimo acuranga umuziki na we agenda yiririmbira. Numvaga nafatanya na we kuririmba ariko hashize imyaka myinshi ntakoresha ijwi ryanjye. Ubu se bwo niyo naba ndi jyenyine nabishobora? Mba meze nk’ufite ubwoba ariko se ubwoba bw’iki? Sinzi gusa mba numva mfite ubwoba.
Ines: Ntumbwire ko ucumbitse aha hantu ariko? Ahantu habi gutya uhaba gute
Naracecetse ahubwo nubika umutwe.
Ines: Ese ufite imyaka ingahe?
Nkoresheje intoki namweretse ko mfite 17
Ines: None se ko utarageza imyaka y’ubukure, ni gute ujya mu kazi, ukanaba wenyine?
Nakomeje guceceka
Ines: Ntacyo, nugira icyo ukenera uze kunyandikira
Yahise ampa nimero ye ya terefoni, aragenda.

******************
Ese kuki banyanga bigeze aha? Sinigeze mbabangamira nta n’ikibazo na kimwe nigeze nteza mu rugo. Nari umuhanga mu ishuri igihe cyose natahanaga amanota meza. Yego sindi umutagatifu ariko ndibaza ikintu cyatumye banyanga.
Ese niba batarashakaga umwana kuki bemeye ko mvuka? Basi iyo inda yanjye bayikuramo bikarangira? Niba se baratinye kwica, kuki batamfashe ngo bansige ku muhanda ko wenda nari kubona umugiraneza untoragura? Cyangwa bakanjyana mu kigo cy’imfubyi bakavuka ko bantoye?
Kuki bakomeje kundera mu myaka 17 yose, mama akaba ari bwo yerura akambwira ko batanshaka koko?
Gusa ibibazo byanjye byose nta gisubizo byabona. Ni ibintu nifuza kumenya ariko ntateze kuzamenya.
Ikindi kibazo cyanje mu mutwe. Ubundi kuki naretse kuvuga kubera bo? Niba bo ntarashakaga kubavugisha kuki nkomeza kutavuga, no mu gihe ntakiri hafi yabo?
Kuki nkomeza kwanga kwiyegereza abantu kandi ari bo bazaba inshuti, bakamfasha mu buzima buri imbere?

Mfashe umwanzuro. 

Ngomba guhindura byose ngatangirira kuri zeru. Ngomba kongera gutangira ubuzima bushya.Ibya kera bigomba kurangira, ngatangira bishya. 

Ngomba kongera kuvuga. Gusa ndumva ntizeye ko mbishobora kuko hashize igihe kinini
Narabyutse aho nari ndambaraye ku buriri, nuko nirebera mu ndorerwamo ndasama ngo mvuge.
Ese ari bushobore kuvuga cyangwa kumara igihe atavuga byatumye ijwi rigenda burundu?

Biracyaza…

1 comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s