Ubuzima

Menya byinshi kuri Coronavirus n’uko wayirinda

Muri iyi minsi amakuru yerekeye ubuzima ari kuvugwaho cyane ni ayerekeye virusi yo mu bwoko bwa Corona (coronaviruses/CoV), ikaba iri guhitana abantu mu gihugu cy’Ubushinwa. Nubwo bamwe ari ubwa mbere bumvise iyi virusi ariko si icyaduka, ahubwo ni uko ari bwo iri kuba gikwira no guhitana abantu benshi. Muri iyi nkuru ngufi, reka tugire bimwe tukubwira kuri iyi virusi.
Ubusanzwe virusi zo muri ubu bwoko zibasira inyamaswa, kurenza uko zafata abantu. Amoko agera muri arindwi ni yo ashobora gufata abantu, ariko si ko abatera uburwayi bukabije. Mu myaka ya vuba nibwo hadutse ubwoko buteje akaga cyane ari bwo bwa Middle East Respiratory Syndrome (MERS-CoV) bwadutse mu 2012 muri Arabie Saoudite, bukaba bwaraje gukwira bukagera mu bihugu 25. ubundi bwoko ni Severe Acute Respiratory Syndrome (SARS-CoV) ndetse na Novel Coronavirus (nCoV) yadutse vuba aha mu 2019 ari na yo iri kuba gikwira mu Bushinwa.

Iyi virusi yandura ite?


Iyi virusi nkuko hejuru tubibonye ituruka ku nyamaswa na zo zikaba zayikwirakwiza mu bantu. Ubushakashatsi bwerekanye ko SARS-CoV igera ku bantu binyuze mu njangwen’uducurama naho MERS-CoV ikagera ku bantu binyuze ku ngamiya. Gusa amoko menshi aba akiri mu nyamaswa atarafata abantu, bivuze ko ubu bwoko atari bwo gusa bwafata abantu, ahubwo ni bwo bumaze kumenyekana.

Ibimenyetso

Ibimenyetso rusange by’uwafashwe na virusi yo mu bwoko bwa Corona harimo:
  • Ibibazo mu myanya y’ubuhumekero
  • Umuriro mwinshi
  • Inkorora
  • Guhumeka insigane
  • Kunanirwa guhumeka

Iyo birenze hazamo umusonga, kunanirwa kw’impyiko, ibibazo bikomeye byo guhumeka, hakaba hakurikiraho urupfu

Ivurwa ite?


Uwanduye iyi virusi kugeza ubu nta miti izwi yakoresha ngo ayikire yo ubwayo irikiza, bigendanye n’ubudahangarwa bwe. Imiti yo mu bwoko bwa antibiyotike ntiyivura kuko ni virusi kandi iyi miti ivura bagiteri. Ni yo mpamvu havurwa ibimenyetso hakanongerwaho gufata ibyongerera ingufu ubudahangarwa nk’ibirimo vitamini C.

Twakirinda gute?


Kugeza ubu urukingo rwayo ntiruraboneka. Mu kuyirinda dusabwa:
  1. Gukaraba intoki n’amazi meza n’isabune
  2. Zirikana kurya amafunguro azwiho kongerera ingufu ubudahangarwa harimo akungahaye kuri vitamini C. Nka poivron, imbuto n’imboga muri rusange
  3. Mu gihe ukoroye cyangwa witsamuye ibuka gupfuka ku munwa
  4. Inyama n’amagi usabwa kubiteka neza bigashya
  5. Irinde kwegerana n’umuntu ugaragaza ibimenyetso byayo twavuze haruguru harimo inkorora, ibicurane n’ibindi bibazo by’ubuhumekero bigendana no kugira umuriro.
  6. Irinde, mu gihe bigushobokera kujya mu duce tumaze kugaragaramo iyo virusi

Twifashishije urubuga rwa www.who.int ndetse na www.cdc.gov mu gutegura iyi nkuru.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s