Ubuzima

Birashoboka. Agace ka 23

Ubwo yinjiraga yatunguwe no gusanga ari umugore uri mu kigero nk’icya nyina wicaye mu ntebe, akenyeye ka essuie-main kagufi bishoboka dore ko yari muremure na munini, ku buryo ibibero byose byabonekaga, yicaye ageretse akaguru ku kandi.
Akimubona yarahagurutse aramuhobera cyaneeee, amuha agasomyo ku itama, ati ni karibu tuganire.
Guest house yabo uko yubatse, buri cyumba kiba gifite n’uruganiriro, harimo intebe n’ameza, naho uburiri buri ukwabwo. Ku buryo abahacumbitse biborohera kuba bakakira ababasura batabajyanye mu buriri bwabo.
Jacques yaricaye, nuko wawundi aratangira
Margo: Nitwa Margo, ndi umukiriya wanyu w’imena. Nkunda kurara hano iyo ndi bufate indege ndi bujye kurangura Dubai, simba nshaka ko nizindura cyane nturutse kure
Jacques: Eeeh. Ni byiza. Ubu se muturutse hehe
Margo: Ubusanzwe ncururiza Rubavu, ni naho ntuye. Ubu nguhamagaye maze akanya ngeze hano.
Jacques: Ni karibu iwacu. Serivise zacu se uzibona ute
Margo: Sha muzi gutanga care ku bakiriya rwose. Niyo mpamvu nanaguhamagaye ngo ngushimire uko mukora akazi kanyu. Kuko abakozi ntibakora neza umuyobozi atabayoboye neza.
Jacques: Ariko njyewe ndi umukozi n’ubundi ahubwo mwazashimira boss ni we dukesha byose
Margo: Oya wa musore we. Boss wawe se ugirango buriya abakiriya tuba tumuzi kukurusha? Oya rwose. Ahubwo reka nguhe ku kayoga ndi kunywa tube dusangira.
Jacques: Nta kibazo ndashimye
Margo yihinnye mu cyumba asohoka yambaye agakanzu gasa n’akabonerana, ku buryo kubona ikariso yambaye byari byoroshye. Yari afite ibirahure bibiri mu ntoki, Jacques abibonye agira amakenga, gusa nanone yanga kwereka Margo ko yamukemanze. Nuko ubwo yamuherezaga ikirahure undi yarakiriye atereka hasi atanyoye.
Margo: Ko utanywa se musore mwiza
Jacques: Dusangire iyo ufite nishira turanywa n’iyi. Ndumva nakwishimiye cyane ukuntu ufite urugwiro
Margo: Yo, igisore cyiza disi. Ngaho akira ngusomeshe.
Yaramusomeje, arangije na we aranywa. Nuko bakomeza kunywa baganira ari nako anyuzamo agashaka kumusoma ariko Jacques we agahita ahubwo amuhobera undi abura aho ahera maze ageze aho arerura
Margo: Jacques ngiye kugusaba servise kandi nuyinkorera nzakwitura bishimishije
Jacques: Mbwira ndakumva
Margo: Ubu uko umbona, maze amezi ane ntahura n’umugabo. Nkumbuye imibonano rwose. Kandi naragukunze kuva umunsi wa mbere ndara hano. Nakoze ibishoboka ngo ngushotore wibwirize ariko ndabona wabaye ibamba. Mbabarira winyicisha umushyukwe kuko n’iyi divayi yawongereye.
Ubwo yabivuze ari kumugerekaho amaguru, amubwira ururimi rumeze nk’urwagobwe.
Jacques: umbabarire kuba nkumviye ubusa, rwose ibyo bintu mbigendera kure. Icya mbere mfite umukunzi ntifuza guhemukira. Icya kabiri, uri umubyeyi nkwiye kubaha, sinatinyuka kureba ubwambure bwawe
Margo: Humura Jacques. Nushaka umbwire ngusinyire sheki y’amadolari ijana uzaguremo icyo ushaka. I Dubai untumeyo icyo ushaka nzakuzanira ariko umbabarire undwaneho ndumva merewe nabi rwose.
Jacques: mama ndabyumva rwose ariko sinshukwa nk’umwana muto. Mfite akazi kampemba kandi ayo mpembwa arampagije. Ahubwo wakoze ku butumire bwawe, sigara amahoro
Yahise ahaguruka arasohoka, agenda yihuta ajya aho arara, ajya mu buriri aragarama atangira kwibaza. Yibaza impamvu akunda guhura n’ibigeragezo biganisha ku kuryamana gusa. Kandi ari cyo kintu yumva yasezereye atazanongera gukora na rimwe kugera ashatse umugore. Akomeza kwibaza impamvu uwo Margo ari we yahisemo mu bakozi bose bakorana kandi hari abandi biramuyobera. Kugirango ibyo bitekerezo bimuvemo, yahise yigira kuri chat ku bw’amahirwe ye asanga Mugeni ari online
Jacques: Umugore mwiza bite
Mugeni: Ni byiza mugabo mwiza. Amakuru se
Jacques: Sha ni meza. Ndi kuruhuka. Wowe se bite
Mugeni: Na njye ni uko. Gusa ndagukumbuye cyane pee. Uku kwezi sinzi ko gushira
Jacques: None se gahunda yo kugaruka iri vuba aha
Mugeni: Harya sinabikubwiye? Ibizami twabishoje ejo. Ubu hasigaye kuduha amanota na certificates tugataha. Ndumva nizeye ko nabitsinze
Jacques: Sha sijye nzarota uje. Nizere ko uzambwira kare umunsi wo kuza nkazasaba uruhushya ku kazi nkaza kukwakira ku kibuga
Mugeni: Ubwo se sinzaba nkugoye koko? Kenshi indege ihagera nijoro. Urumva kuva iyo yose ukaza I Kigali koko
Jacques: Ku bwawe sha naza. Wowe uzambwire gusa ibindi ubindekere. Cyangwa sha wowe ntabwo unkumbuye?
Mugeni: Byihorere sha. Maze hari igihe numvaga ishuri narivamo ngataha. Ariko nakibuka ko ari ibyo niyemeje, ngakomeza ngahirimbana. Gusa nta mvura idahita, ibi na byo birarangiye. Amakuru y’abandi bana se?
Jacques: Sha na bo bameze neza ku kazi, boss abakunda kubi. Bitwara neza cyane na njye ndabibashimira. Nuhagera mbese uzatungurwa
Mugeni: Sha si jye nzarota nje pee. Nkumbuye byinshi rwose ninza ubanza ntazatuza.
Ako kanya bavugana Jacques yumvise iwe bakomanga, nuko asezera Mugeni amubwira ko agiye kureba abantu bari gukomanga
Agikingura yasanze ari abapolisi babiri
Polisi: Ni wowe Jacques?
Jacques: yego ni jyewe
Polisi: Ngwino tugende turagushaka
Jacques: Ariko ntimumbwiye icyo munshakira. Tugiye hehe se?
Jacques se kandi polisi iramushakira iki? Birabe ibyuya ntibibe amaraso

Biracyaza….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s