Ubuzima

Birashoboka. Agace ka 19



Jacques: Oya cherie wimera gutyo nawe. Banza umbwire impamvu numve niba yumvikana
Mugeni: Oya yewe ndeka nawe. Jyewe rwose uyu mukobwa yarambabaje bishoboka sinagera ahantu ari
Jacques: Ku buryo se wumva utamubabarira na gacye?
Mugeni: Wababarira umuntu atagusabye imbabazi se? Atanagaragaza ko azishaka kandi yiteguye guhinduka
Jacques yahise ahindukira asanga Diane yamaze gupfukama hasi
Jacques: Diane wambwira amakosa wakoreye Mugeni?
Diane: Ni ukuri ndabasaba imbabazi mwembi. Mugeni amaze kwanga gukundana na musaza wanjye, nahuye na we mubwira nabi mwita indaya y’imbwakazi ndetse ndamubwira ngo ntazapfa abonye umugabo. Namubwiye byinshi bibi, gusa kuva uwo munsi nari ntarongera kumubona. Rwose ndamwinginze ambabarire kandi nawe munsabire imbabazi
Jacques yitegereje Mugeni nuko amufata mu maboko
Jacques: Cherie, Imana itubwiriza kubabarira niyo uwakosheje yaba atasabye imbabazi. Noneho Diane we ageretseho gusaba imbabazi. Ku bwanjye ndumva waca inkoni izamba ukamubabarira. Si byo?
Mugeni na Diane bararebanye, bose baraturika bararira bahita bahoberana cyaneeeee. Nuko Diane ahita asohoka ajya kubazanira icyo kunywa maze basigara baganira
Jacques: Sha urakoze kuba utanze imbabazi rwose. Biranejeje nanjye
Mugeni: Cheri ntiwakumva ukuntu numva ndushijeho kukwishimira rwose.
Jacques: Gute se kandi ko numva uri kunjijisha?
Mugeni: Sinzi niba uri bubyumve neza ariko buriya hari byinshi wanyuzemo byashakaga kugusuzuma no kureba ko wahindutse bya nyabyo
Jacques: Kugeza n’ubu sindi kumva ibyo uvuga.
Mugeni: Reka mbanze nkubaze. Kuki mu bakozi bose wahisemo guhamagara Diane?
Jacques: Sha ni uko byanjemo gusa nta kindi. Gusa nanone nishimiye imikorere ye. Kuba ari we wazindutse agatanga abandi hano byanejeje bituma mwishimira
Mugeni: Gusa hari ibindi utazi ndi bukubwire Diane nagera hano.
Ntibyatinze Diane yazanye icyokunywa bari bamutumye, nuko amaze kubafungurira Mugeni amubaza isaha asoreza akazi, undi amubwira ko agasoza saa kumi n’ebyiri.
Mugeni: cheri wakemerera Diane akaza hano akanya gato ashoje akazi nkagira ibyo nkubwira na we ahari
Jacques: Simbona se zibura icumi n’ubundi. Najye gukora cloture y’akazi ubundi ahite agaruka nta kibazo. Ubwo na we arazana icyo anywa ariko
Mugeni: Si ngombwa cyane n’ubundi ntari butinde hano arahita agenda.
Yaragiye basigara baganira bisanzwe, gusa wabonaga Mugeni yishimye cyane naho Jacques we yari yaguye mu kantu ubona byamuyobeye.
Ntibyatinze Diane yaragarutse nuko yicara aho maze Mugeni afata ijambo
Mugeni: Jacques mukunzi, mbanje kugushimira intambwe wateye yo guhinduka no kureka imyitwarire wahoranye. Nubwo ntari nkuzi bihagije ariko aho tumenyaniye namenye byinshi byawe byahise kandi bitari byiza. Ubwo nabimenyaga nkabona wifuza ko twaba inshuti nibajije ibibazo bibiri. Icya mbere nibajije niba nanjye ushaka kunshyira mu mubare w’abo mwaryamanye, icya kabiri nibaza niba koko waba ufite urukundo nyarwo, kuko burya urukundo ntawe utarugira. Mu by’ukuri uri umusore buri mukobwa wese yakifuza, bityo ubwo twahuraga uribuka ko naguhaye umurongo ngenderwaho kandi nawe unyemerera guhinduka koko. Naratashye mbitekerezaho bihagije, bihuza nuko wahise uza gukorera hano, mpita nshaka uburyo bwose nasuzuma koko ko wahindutse.
Jacques: Ndumva amatsiko anyishe. None se ni iki kidasanzwe wakoze
Mugeni: Nahise numvikana na Sandrine uburyo azakugerageza, dore ko yari yaransabye imbabazi akananyemerera na we guhinduka. Bikubitana n’uko Diane akorera hano kandi buriya ni inshuti yanjye magara.
Jacques yahise yumva aguye mu kantu amera nk’uri kurota.
Jacques: None se ubwo…
Mugeni: Nyine ibyo utekereza niko byagenze. Sandrine kuza mu biro byawe akiyambura, Diane kuza iwawemu ijoro ryakeye byose byari ukukunyuza mu ruganda kandi igitego wagitsinze. Ndakunezerewe rwose kandi ndumva ndushijeho kugukunda cyane ku buryo utabyumva
Jacques: Ndumva mwaraguritse imbere yawe kuko ntakubeshye haburaga gato ngatsindwa
Mugeni: mu by’ukuri kuba wagirira umukobwa irari si igitangaza kuko niko abagabo muremye. Ahubwo uburyo rya rari ryawe uritwara ni bwo butuma ubasha kuba inyangamugayo, intakemwa, umwizerwa. Utanashyukwa ntiwaba uri muzima nacyo cyaba ari ikibazo. Rero kubera gutsinda ikizami, ubu umutima wanjye urawutsindiye bidasubirwaho. Ndi uwawe igihe cyose
Jacques: None se Diane na Sandrine bari bazi ibi byose?
Mugeni: Buri wese yari ku ruhande rwe nta n’umwe wari uzi gahunda undi arimo. Gusa Diane kukurega byo yabikoze ku bwende, yashakaga kureba uko ubyitwaramo, niba ugira impuhwe, kandi niba wabasha kurenganura umuntu no kumuburanira.
Jacques yahise ahaguruka anezerewe ahobera Mugeni bamara akanya, Diane na we ntiyari yicaye gusa ahubwo yarimo afotora mbese byari ibirori.
Bakomeje kuganira bishimye barebana akana ko mu jisho, mbese wagirango bari mu kwezi kwa buki.
Uko iminsi yahitaga niko bakomezaga umubano ndetse urukundo rwabo rukomeza gusugira no gusagamba.
Gusa Jacques yakomezaga kwibaza niba koko Mugeni amukunda ndetse anamwizera kuko igihe cyose yakomezaga kwishinja imyitwarire ye mibi.
Akazi yakarambyemo, iminsi irahita indi irataha.

*********************
NYUMA Y’AMEZI 4

Jacques: Cherie ndumva ngukumbuye byo gupfa pee.
Mugeni: Sha nanjye ni uko ariko nyine urabizi sinzi igihe nzabonekera. Uzakomeza kwihangana nanjye ndi kurwana n’urugamba rwo kwihangana. Si byo mutima?
Jacques: Yego ni byo ariko nyine birananira kuba aho ntakubona hafi yanjye.
Mugeni se na Jacques ibyabo byagenze bite ku buryo batabasha kubonana?

Biracyaza

Ese ari wowe bakoresheje ibi bizami wari kubitsinda? Ese ni ngombwa guha ibizami uwo ukunda ngo urebe ubudahemuka bwe cyangwa ushobora kwikururira icyishi? Tubwire muri comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s