Ubuzima

Birashoboka. Agace ka 18

Jacques: Allo
Utazwi: Uraho muyobozi. Mwaryamye se ko nabashakaga
Jacques: Ni nde se ko ntakumenye?
Utazwi: Ese nimero yanjye nubu nturayisevinga koko? Ni Sandrine
Jacques: Eeh. Sha sorry ndahita nyisevinga. Sindaryama wamvugisha nta kibazo
Sandrine: Uri wenyine se ko nshaka kukubwira ibintu by’ibanga
Jacques: Oya ariko nasohoka ntacyo
Sandrine: Ngaho sohoka nkubwire
Jacques yarasohotse nuko ageze hanze yegekaho urugi
Jacques: Ngaho mbwira
Sandrine: Diane ni we uri aho?
Jacques: Yego ni we. Wabimenye ute se
Sandrine: Umutima urandiye numva ngomba kukubwira. Twaganiriye arambwira ngo ari buze kugusaba imbabazi ariko numvaga imigambi afite atari myiza
Jacques: Atari myiza se gute kandi
Sandrine: Nakoze ikosa mubwira ko uzi kuryoshya imibonano, mpita mbona abyishimiye ubwo nyine bivuze ko yaje yiyemeje kukugusha mu mutego mukaryamana. Kandi rwose nkurikije ukuntu wambwiye, sinakishimira ko wongera kugwa mu bishuko by’abakobwa. Naragukoshereje ariko sinifuza ko wagwa kuri Diane. Niba bitaraba rwose ihangane ntibibe
Jacques: Sha nubundi ntibyabaye ntibiri bunabe nubwo namaze kubibona ko ari byo byamugenzaga
Sandrine: Ni ibyo nakubwiraga rero ubwo ahasigaye ni ahawe.
Amaze kumusezera Jacques yagumye gato hanze, igitsina cyari cyafashe umurego kirongera gisubira kuba neza arinjira asanga Diane aryamye agaramye, mbese nk’uwiteguye akazi
Jacques: Sinatinze kuri terefoni se ukarambirwa
Diane: Oya sinarambiwe nari ndi kuri chat. Ni nde se wari uguhamagaye
Jacques: Ntabwo umuzi ni umukobwa twahoze dukundana ariko twararangizanyije. Urataha ryari se ko numva nshaka kuryama. Ndumva naniwe
Diane: None se ndataha utansezereye. Unambwiye kurara nabyemera
Jacques: Rero Diane reka nkubwire ariko unyumve neza witonze
Diane: Nguteze amatwi
Jacques: Biragoye kuba umusore yafata umwanzuro wo kudakora imibonano mu gihe umukobwa agaragaza ubushake. Ariko jyewe ndi kubigerageza. Urabizi mfite umukobwa dukundana. Sinzi niba hari amakuru ahagije umfiteho ariko narasambanye bishoboka. Nta mukobwa nashakaga ngo mbure uko mugeraho, icyo nasabwaga cyose naragikoraga ariko bikaba. Gusa ubu ngubu narahindutse. Sinifuza gukomeza kuba imbata y’imibonano. Rwose nshaka kuba umusore w’intangarugero. Ku rundi ruhande kandi buriya kuryamana n’umuntu mukorana mu kazi, cyangwa ukuriye mu kazi byica imikorerwe yako. Ntabwo nazakubona mu ikosa ngo mbone imbaraga zihagije zo kuguhana kandi nzi ko twaryamanye. Ikindi sinzi ngo uryoshye ute cyangwa jyewe uko ndyoshya ntubizi. Dushobora kubikora tuzi ngo ni riwe gusa tukazashiduka ari byo twiberamo buri munsi, byazagera kuri cherie wanjye ugasanga mbuze intama n’ibyuma. Reka dushyire ingufu mu kazi, kandi ibi nkubwiye ntibitume wigaya cyangwa ngo wumve ko nkumviye ubusa, si uko ntakwishimiye cyangwa ntabishaka wanabibonye ko umubiri wantamaje ariko rwose umutimanama nturi kubinyemerera
Diane: Nukuri amagambo umbwiye atumye ndushaho kukubaha no kugukunda. Iyaba abasore bandi batekerezaga nkawe abakobwa benshi twakitonda natwe. Ubu se koko ndabigira nte?
Jacques: Kubera iki se kandi?
Diane: Buriya nakubeshye ntabwo ntuye hafi hano, naje nzi yuko ndi burare hano uko byamera kose. Ubu se izi saha ndataha koko
Jacques: Nta kibazo tugende ngutegere moto ntabwo burira cyane. Ni kure cyane se ku buryo moto yarenza 2000?
Diane: Oya baduciye menshi yaba igihumbi.
Jacques: Ngaho tugende ngutegere.
Barasohotse aramutegera nuko aragaruka araryama. Diane na we ageze aho aba atekerereza umukobwa babana, dore ko yasanze atararyama ari kureba film, amubwira ibimaze kumubaho. Babanje kubiseka bavuga ko Jacques ari kadage ariko nyuma barigarura ahubwo baramushima bidasanzwe bavuga ko ari imfura idatwarwa n’irari ry’umubiri.
Bucyeye Jacques yagiye ku kazi uko bisanzwe abanza kunyura kuri reception kureba abasinye mu gitabo cyo kuza ku kazi asanga Diane na Sandrine basinye mbere y’abandi. Yahise abona koko ko bashaka na bo kugaragaza impinduka, nuko ahita abanza kugenzura uko akazi kari gukorwa, areba ibindi bimureba byose nuko ajya mu biro bye aricara aba atunganya ibindi asabwa mu kazi ke ka buri munsi.
Yakomeje kunyuzamo akandikirana na Mugeni amwibutsa ko ari buze kumureba ku mugoroba.
Ubwo amasaha y’umugoroba yageraga Mugeni yavuye ku kazi afata moto agana aho Jacques akorera.
Ahageze ntiyamuhamagaye ahubwo yabajije kuri reception aho ibiro bye biherereye nuko araza arakomanga, Jacques na we ati ni karibu
Yari yiteguye kubona umwe mu bakozi be ari we winjiye ariko atangazwa no kubona ari cherie we winjiye
Jacques: Eeeeh. Mbega surprise wee. Cherie amakuru?
Yahise ahaguruka amugwa mu byano bavunya ihobe biratinda. Bari bameze nk’abamaze igihe kinini batabonana, dore ko kuva yamubwira yego ari bwo bari bongeye kubonana amaso ku maso
Mugeni: Cheri, ndagukunda. Umeze neza se?
Jacques: Sha urabibona ko ibintu ari neza rwose. Nanjye ndagukunda kandi urabizi. Icara tube tuganira rero
Mugeni: Ufite amakuru menshi rero uri bunampe. Ahubwo se nturi bwice akazi?
Jacques: Oya aka ngombwa nagashoje, ibindi biza bitunguranye mbikora iyo bije nyine. Ahubwo mbwira icyo uri bufate ngutangire commande.
Mugeni: Bampaye se amazi ntahagije?
Jacques: Oya sha fata agasembuye. Ko akazi wagashoje se hari ikibazo? Ntabwo uri nka njye ukikarimo ubu ni amazi na za soda gusa
Mugeni: Sinanywa ku nzoga utari kuyinywa.
Jacques: Oya nta kibazo mama. Inywere rwose. Ahubwo reka mpamagare umwe mu baseriveri aze tumutume. Nturi bunafate icyo kurya se? Ka brochette niyo kaba kamwe
Mugeni: Nta kibazo rwose.
Jacques yahise ahamagara umwe mu bakozi nuko acyinjira Mugeni ahita ahindukirira Jacques
Mugeni: Cheri ndagiye. Uyu ntiyanyakira rwose.
Jacques: Kubera iki se kandi?
Mugeni: Niko nkubwiye kandi igihe cyose azaba agikora hano sinzahagaruka na rimwe.
Uyu se kandi ni nde? Afitanye ikihe kibazo na Mugeni ubwo?

Biracyaza…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s