Ubuzima

Birashoboka. Agace ka 17

Dusubire gato ku kabari
Ubwo Diane yabwiraga bagenzi be uko byagenze byose, Sandrine yahise amwihererana ku ruhande nuko baganiraho
Sandrine: Sha Diane kuki koko uba ushaka gushyirishamo umuntu? Buriya wabonaga koko utagiye kunteranya na Jacques na boss
Diane: Sha mbabarira rwose nawe ari wowe wabicyeka. Gusohoka ijipo ihindurije wagiye idahindurije urumva koko wabura kwibaza icyabiteye
Sandrine: None se ko nshimye ko mwabibonye nyine kuki wahise ujya kubibwira boss? Nawe nyamara nturi umwana mwiza.
Diane: Sha nanjye nigaye ariko nyine impamvu nayikubwiye. Wambabariye se basi wowe?
Sandrine: Sha jyewe nakubabariye ariko buriya sinzi niba Jacques yakubabariye cyangwa byari ukurenzaho. Burya habaho abantu bahisha uburakari akazakwihimuraho nyuma yitonze. Ushaka wamushaka ukamusaba imbabazi
Diane: None se mbwira basi. Jacques muraziranye neza?
Sandrine: Yego turaziranye mwana gusa nyine byararangiye aho menyeye ko afite girlfriend. Urumva nta byinshi bikiduhuza ubu ni akazi gusa
Diane: Atuye hehe se basi? Aba wenyine se
Sandrine: Aho atuye simpazi neza gusa ndabizi aba wenyine.
Diane: ayo makuru arahagije, ndaza gushaka uko musaba imbabazi nitonze.
Sandrine: Sawa uze kugira ibihe byiza. Gusa ndamugutuye arasobanutse mwana. Akubita imbeba igahunga rwose
Diane: Uravugisha ukuri? Noneho mwigeze kubyumva kimwe
Sandrine: Uhm. Winyibutsa sha…
Bakomeje akazi, nuko ubwo Jacques yatahaga, Diane yafashe urugendo na we aramukurikira bunyonyombe. Yabanje guhindura imyenda, anambara akagofero ku buryo niyo Jacques ahindukira atari bumenye uwo ari we dore ko bari bataranamara igihe bamenyanye.
Jacques ubwo yinjiraga mu nzu yumvise umuntu akomanze, nuko akinguye atungurwa no gusanga ari Diane
Jacques: Diane, bite ko uje hano?
Diane: Jacques ni byiza. Ese burya uba hano
Jacques: Yego niho mba. Nawe se utuye hafi hano?
Diane: Ntuye hano ruguru gato rwose ahubwo naje nkwihutira kuko nabonaga uri mu nzira yanjye ariko kubera nabonaga uri kuri phone nanga kugusahindira ndarindira.
Jacques: None se nguhe karibu cyangwa wari uje kunsuhuza gusa
Diane: Nyine byari ukugusuhuza ariko na karibu sinayanga da
Jacques: ngaho injira nta kibazo. Ariko umenye ko ingaragu nta ntebe tugira ubwo uricara ku buriri tu
Diane: Nta kibazo.
Barinjiye baricara nuko batangira kuganira ibya mva he na njya he, Diane abura aho ahera asaba imbabazi kuko uko yabonaga Jacques yabonaga ari umusore utuje, mwiza, uzi kuganira. Uko yamubonaga yabonaga nta nzika yagira. Gusa nanone akaba yari yaje yiyemeje gusaba imbabazi yeruye, nuko aramubwira
Diane: Rero Jacques, ntabwo nari nzanywe no kugusuhuza gusa ahubwo nari nje no kugusaba imbabazi by’umwihariko. Mu by’ukuri ndabizi nakubabaje, nakwangirije izina ndetse nanatumye boss akurakarira. Ayo makosa yose ndayemera kandi niteguye kuyasabira imbabazi no kutazayasubira ukundi. Sinzi icyo nakora ngo nkwereke ko nihannye mu by’ukuri ariko umbereye imfura ukambabarira ngusezeranyije kuzakubera intangarugero mu bakozi bose. Ikindi kandi niba unca n’amande ubimbwire ayo unsaba ndemera kuyatanga ariko ntibihungabanye umubano wacu mu kazi.
Jacques: Ariko nkuko nabivugiye mu kazi nakubabariye rwose kandi iyo mba ntakubabariye boss aba yakwirukanye kuko gushinja ibinyoma si byiza na gato. Uretse n’ibyo kandi burya niyo byaba ukuri, si ngombwa kwirirwa urega bagenzi bawe mu kazi mu gihe ibyo bakoze ntaho bihuriye n’akazi ndetse bitahungabanyije imikorerwe yako. None se bwo iyo Sandrine mba naryamanye na we, byari kuba ari ikihe kibazo mu kazi? Arakuze nanjye ndakuze. Ntureba ko dufite amacumbi hariya? Burya niyo nakubona usohotsemo, upfa kuba utishe akazi, wenda waruhutse cyangwa ukararamo ushoje akazi, ibyo birakureba. Gusa ntavuze menshi, reka dushyire imbere akazi ni byo bya ngombwa, ni nabwo umusaruro uzaboneka na boss akishima. Turebe icyakorwa abakiriya bakishima, ni byo byiza.
Diane: Ibyo uvuga ni byo rwose kandi birumvikana. Ese uba ino kuva ryari ko kuvuga ari ugutaruka
Jacques: Eheee. Mpamaze imyaka ine da. Maze kuba nka kavukire. Kandi sinjya mpindura quartier. N’iyi nzu nyimazemo imyaka ibiri. Sinkunda guhora nimuka
Diane: Kabisa ni byiza. Gusa ufite ghetto nziza cyane. Uwahagera yakifuza kuharara pee
Jacques: hahaha. Diane nawe rwose sinari nzi ko ukunda gutera urwenya. Harya ubu ejo uzakora nimugoroba cyangwa wowe buri gihe ukora mu gitondo
Diane: Oya nkora igitondo iminsi 3, nkaruhuka kuwa kane, guhera kuwa 5 ngakora amajoro. Buriya hariya baranyizera ku kwakira abakiriya vuba kandi neza, kandi muri weekend nibwo baba ari benshi
Jacques: Nshaka kuzazana akantu ko kujya duhemba umukozi witwaye neza buri kwezi. Ni akabanga nkwibiye ubwo nyine uzitware neza igihembo cya mbere kizabe icyawe.
Diane: Waouu. Biranshimishije (yahise amusoma ku itama byo kumushimira).
Jacques: None se wowe ubana na nde? Uba iwanyu cyangwa
Diane: Oya mbana n’undi mukobwa ariko we akorera ahandi si iwacu. Na we akora mu kabari. Ese ko nshaka kwihagarika toilette zanyu ziba hehe
Jacques: Kingura uwo muryango, niho hari toilette na douche.
Diane yahagurutse azamura amajipo nk’uwakubwe cyane, uko agenda ageze ku rugi arukingura nk’aho rwanze gukinguka. Ubwo niko Jacques nawe yakomezaga kumwitegereza. Diane yari umukobwa w’imibiri yombi utarisize amavuta ahindura uruhu. Ibibero bye byendaga kuba inzobe Jacques yabikubise amaso irari rirahaguruka, nuko Diane yinjira mu bwiherero ahita yicara atanakinze urugi, bikomeza kongerera Jacques ibibazo
Ubwo Diane yasohokaga yahise abona ko Jacques igitsina cyafashe umurego, na we (dore ko yari yabikoze abishaka) ahita yicara asa n’ukoraho by’impanuka nuko
Diane: Jacques ubaye iki?
Jacques: byihorere ni ibisanzwe. Amaso ajya ateshuka akaduteza ibibazo
Diane: Sha mbabarira sinari ngambiriye kugutera ibibazo. Ubu se ngufashe iki basi
Jacques: Nutaha ndaryama bishire ibi birasanzwe ku muntu wese muzima
Diane: Oya ariko ntukabe utyo. Niba ari jye mbiguteje ariko nanagufasha kubicyemura. Humura nta wundi muntu uzabimenya. Wenda byanaba icyiru cy’uko nakubeshyeye. Si byo muyobozi?
Jacques: Ese wiyibagije ko mfite cherie koko? Ikindi kandi sinigeze ngusaba icyiru. Wambabariye koko ukitahira
Diane: Jacques rwose nawe. Ndemera ko umbabariye ari uko wemeye impano nakugeneye.
Akiri kuvuga ibyo terefoni ya Jacques yahise isona, arebye abona ni nimero atazi imuhamagaye.
Iyi nimero se ni iya nde koko? Uyu mutego se Diane ashaka kumugushamo arawikuramo?

Biracyaza…

Ese ari wowe Jacques wabigenza ute? Wakakira impano cyangwa wahakana wivuye inyuma? Tubwire muri comment

3 comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s