Ubuzima

Birashoboka. Agace ka 14


Jacques: Ariko se ko uniform ari amashati n’imipira gusa kuki wakuramo n’ijipo koko
Sandrine: Nari nziko muduha n’amajipo.
Jacques: Oya. Ngaho ambara ijipo vuba nkingurire uwo ukomanze
Sandrine: Humura erega sinshaka kugushyirishamo niba ugize ubwoba. Mukingurire arinjira namaze kuyambara
Jacques yagiye gukingura nuko agikingura
Paul: Surprise!!!!!!!!
Jacques: Eeeeeeeh. Paul urantunguye cyakora. Wamenye ute se ko ndi hano mwana?
Paul: Amakuru ngenda nyatohoza buhoro buhoro mwana. Ubundi se kuki uhagaze mu muryango utampa karibu mu biro?
Jacques: Harimo umuntu uri kwigera uniform z’akazi tutamusagarira
Paul: Cyangwa sha warimo wisengerera akana dore ko nawe udakina
Yahise asa n’urunguruka mu biro, akubitana amaso na Sandrine ari kwambara ijipo
Sandrine: Boss nta kibazo mwakinjira ariko
Jacques: Wabonye igukwira wasohoka ukajya mu kazi kuko aya ni amasaha y’akazi
Sandrine: Sawa reka nsohoke.
Yarasohotse abona Paul
Sandrine: Uraho. Ubwo kandi boss yarimo akubeshya ngo nta kintu twakoze
Paul: Hhhh. Ntabwo nabimubajije da. Noneho mwese mwaboneye akazi rimwe hano
Sandrine: Narahamutanze ariko yaje ari kibamba da. Ubu nyine hano twinjira dukomanze. Ngiye mu kazi ubwo nugenda uze kunsigira agacupa ndakanywa nshoje akazi
Jacques: Ese ibyo si byo maze kubabuza mu nama? Urasaba uducupa uzi ute niba yaje yiteguye kugura?
Sandrine yamukubise agashyi ku rutugu aragenda nuko aragenda, maze Paul na Jacques binjira mu biro
Paul: Ariko se Jacques, koko urabona uriya mukobwa wikururiye atazakugezayo? Utangiye kumurongorera mu biro ugitangira akazi koko?
Jacques: Sha ni ukuri ntawe narongoye ahubwo iyo udakomanga sinzi niba nari kuhikura pee. Umbereye malayika murinzi
Paul: Byagenze bite se
Jacques yahise amutekerereza uko bimaze kugenda nuko Paul:
Paul: Rero shahu muvandimwe, niba wariyemeje guhinduka ugomba no kugerageza kugira igitsure utitaye ku muntu. Menya ko akazi ari akazi naho ibyo hanze ni hanze. Agitangira kwizamurisha ijipo wagombaga guhita umukangara naho kuba wakomeje kurabya indimi biragaragaza ko iyo muba mwiherereye utari kumwikuraho. Ntuherutse kumbwira uko wamwiciyeho umwita indaya? Nutitonda aka kazi uzakavaho ujya gereza uzira ubusa. Ubu se iyo aba undi muntu mutaziranye uba ubigenje ute?
Ibaze iyo aba boss wawe kuko we yari kwinjira atanakomanze. Wari kwiregura ute ubwo?
Jacques: Sha cyakora byo nagaragaje intege nkeya. Ariko nawe ntundenganye, uriya mukobw ateye neza. Kandi utujipo yambara rwose turashotorana pee. Ibyo byihorere unyibwirire amakuru
Paul: Oya iyi ngingo nyamara irakomeye nubwo uri kubyoroshya. Umenye ko umwanzi wa mbere ufite hano ari Sandrine. Nutamwitondera ntuzavuge ko ntakuburiye. Ni gute umukozi atinyuka gukubita shebuja agashyi ku rutugu? Ibyo akoze ubutaha azabikora imbere ya bagenzi be bahite babona ko mufitanye umubano udasanzwe. Ibyo nibigera kuri Mugeni sinzi uko uziregura
Jacques: Sha Paul urakoze cyane. Rero nari mfite udufaranga ducye, tujye mu kabari nkugurire agacupa tunaganiraho.
Barasohotse bajya mu kabari nuko umwe mu bakozi aza kubakira
Cynthia: Boss tubahe iki se?
Jacques: Ubaz abantu ibyo ubaha utanabashuhuje koko? Harya ni wowe witwa nde?
Cynthia: Jyewe nitwa Cynthia.
Jacques: Ni wowe manager yavugaga cya gihe?
Cynthia: Yego (yabivuze acuritse umutwe byo kwirya)
Ngaho baza uwo mugabo icyo umuzanira jyewe unzanire amazi akonje
Paul: Jye nzanira inzoga mufite hano igura macye. Sinywa ubwoko njyewe
Jacques: Ubwo se wavuze iyo ushaka utamugoye wowe
Paul: None se inzoga igura macye hano ubwo ntayizi
Cynthia: Nta kibazo ndayizi ndayizana. Ikonje cyangwa ishyushye?
Paul: Ikonje.
Yaragiye nuko basigara baganira
Paul: None se mwana ko wabonye akazi ntumpe amakuru wowe?
Jacques: Ahubwo se wabibwiwe n’iki wowe?
Paul: Inkuru ziragenda mwana. Rata ni cherie wawe ubimbwiye mu kanya. Nagiye aho akorera ntanabizi mbona muguyeho, ni we umpaye ayo makuru rero.
Jacques: Eeeeeh. Sha nagatangiye uyu munsi rwose. Ubwo na we mbimubwiye mu kanya. Naje nje kuvugana na boss ahita ambwira kugatangira. Ubwo rero nahise mpakubitanira na Sandrine, na we yagatangiye mu minsi ibiri ishize. Ngayo nguko. None se Mugeni akorera hehe? Uzi ko ariko ntaranamenya aho akorera buriya
Paul: Bizakuzindure sha. Nako uzamwibarize sinzanywe no kuguha amakuru. None se kuva ryari uvuye ku nzoga?
Jacques: Si ukuzivaho ahubwo ni amategeko y’akazi. Nta kunywa inzoga mu masaha y’akazi. Kandi ngomba kuba intangarugero mu kuyubahiriza.
Paul: Icyakora hano mukoresha abakobwa bacyeye pee. Uziko nanjye mbona Cynthia namurobye. Gusa wasanga na we ateye nka Sandrine burya abakozi bo mu tubari ndabatinya
Jacques: Buriya si byiza gushyira abantu bose mu gatebo kamwe. Umuntu arivukira. None se nta bo uzi bashaka abakobwa bakora mu tubari kandi bagakomeza kuhakora? Cyangwa uramutse ukoze business y’akabari umugore wawe ntiyakoramo? Imyitwarire n’imico ntaho bihurira n’akazi umuntu akora. Gusa sindamara hano igihe kinini  ngo mbamenye bose urumva ko rero ntamenya niba yihariye cyangwa na we ari nka Sandrine wandiye 30000
Paul: Eheee. Ese yagutwaye ayo yose? Ko utari warampaye amakuru mwana
Jacques: Sha akabi gasekwa nk’akeza nanjye nsigaye niseka rwose. Ukuntu yayankuyemo birashekeje.
Bakomeje kuganira, basangira, nuko hashize akanya gato terefoni ya Jacques irasona arebye asanga ni boss umuhamagaye
Boss: Jacques bite se ku kazi
Jacques: Bimeze neza boss. Ndabona nta kibazo
Boss: Ngo nta kibazo kandi gihari mbizi
Jacques: Keretse niba ntakimenye ariko kugeza ubu nta gihari
Boss: Ngwino hano ku macumbi niho ndi unsobanurire neza ahubwo. Tebuka
Jacques se kandi na boss bigenze bite? Ni ikihe kibazo kivutse?

Biracyaza….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s