Ubuzima

Amwe mu mavuta twisiga ashobora gutera kanseri y’ibere


Iyo ugiye kugura amavuta yo kwisiga uhitamo ushingiye kuki? Benshi bagendera ku giciro (ajyanye n’ubushobozi bwabo), abandi bakagendera ku mpumuro yayo. Ababa bita ku kureba ibiyagize nibo mbarwa. Icyakora hari abandi bayagura babanje kumenya niba adashobora cyangwa ashobora guhindura uruhu, gusa nabwo uretse kureba niba harimo cyangwa hatarimo hydroquinone si benshi babyitaho.
Nyamara kandi burya amwe mu mavuta twisiga ubushakashatsi bwa vuba bwerekanye ko ashobora kugira uruhare mu gutera kanseri y’amabere bitewe n’ibinyabutabire biyabonekamo.
Ubushakashatsi bwa vuba bwagaragaje ko ibinyabutabire bibiri ari byo benzophenone-3 na propylparaben, niyo byaba birimo ku gipimo cyo hasi cyane bishobora kwangiza DNA yo mu turemangingo tuboneka mu mabere bityo bikaba byakongerera ibyago byo kurwara kanseri y’amabere.

Benzophenone-3 inazwi ku izina rya oxybenzone ikoreshwa ahanini mu byisigwa bigamije kuturinda imirasire mibi y’izuba (sunscreen). Ni byo koko ibyo irabikora kuko iyo wisize amavuta irimo ntabwo uruhu rwawe rutwikwa n’izuba (imirasire ya UV) ikaba ikunze gukoreshwa mu gihe abantu batembereye ku mazi, cyangwa bari bumare igihe kinini ku zuba. Naho propylparaben yo akenshi ishyirwa mu mavuta ngo iyarinde kwangirika anabikike igihe kirekire cyane cyane amavuta y’amazi (preservative). 

Ubushakashatsi buherutse gukorwa bwerekanye ko ibi binyabutabire byangiza uturemangingo dushobora kwakira imisemburo ya estrogen kurenza utundi turemangingo. Kandi utu turemangingo kwangirika kwatwo bikaba intandaro yo kurwara kanseri. Amabere akaba ari mu hantu haboneka utwo turemangingo kandi horoshye kugerwa n’amavuta (ahandi tuboneka ni mu magufa, urwungano rw’imyakura, amaraso, urwungano ngogozi, umwijima, imyanya myibarukiro.
Nk’uko bitangazwa na Joseph Jerry umwarimu muri University of Massachusetts Amherst akaba n’umushakashatsi kuri kanseri; “nibyo koko benzohenone-3 izwiho kurwanya ingaruka ziterwa n’imirasire y’izuba ariko se ko ishobora gutera ibibazo birenze ibyazanwa n’izuba? Ese tureke twicwe n’izuba turengera amabere? Ku bwanjye abafite ibyago byo kurwara kanseri y’ibere bakoresha ubundi buryo bubakingira imirasire mibi y’izuba”

None?

Mbere yo kugura amavuta byaba byiza ubanje kureba ibiyagize, wasanga habonekamo biriya binyabutabire bibiri, propylparaben na oxybenzone ukayareka kuko uzaba wirinze kwiyongerera ibyago byo kurwara kanseri y’amabere.
P40, urugero rw’amavuta atabonekamo ibi binyabutabire, akarinda imirasire y’izuba

Ibyo twifashishije

1 comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s