Ubuzima

Ni ayahe mata meza naha umwana?



Usanga umubyeyi wese ukeneye guha umwana amata abanza kwibaza no kubaza bagenzi be amata meza yo guha umwana. Buri wese agira igisubizo amuha, ariko umwanzuro wa nyuma ni we bwite uwifatira. Gusa nubwo wenda benshi bagendera ku izina cyangwa igiciro, nyamara buriya si cyo nyamukuru bakagendeyeho ahubwo buriya amata ahabwa abana (aha turavuga amata y’ifu aza mu bikombe) atandukanira ku kintu kimwe nyamukuru. Amwe abamo probiotics andi akabamo prebiotics.
Muri iyi nkuru tugiye kurebera hamwe itandukaniro hagati y’aya magambo abiri, tunakubwire amata meza wagahaye umwana wawe bitewe n’ubuzima bwe, igihe agezemo, n’izindi mpamvu zinyuranye

1. Probiotics


Ubusanzwe mu mubiri wacu, mu rwungano ngogozi habamo amoko atandukanye ya za bagiteri nziza zifasha mu igogorwa. Izo bagiteri twavugamo bifidobacteria na lactobacilli ndetse na saccharomyces. Amata arimo probiotics biba bivuze ko ari amata yongewemo izo bagiteri, nzima, noneho mu kuyaha umwana ukaba umwongerereye izo bagiteri nzima.
Izi bagiteri ku mwana muto (ni ukuvuga amata zirimo) zikenerwa cyane mu kurinda no kurwanya impiswi yatewe no gukoresha cyane imiti ya antibiyotike, kuba umwana afite ikibazo cy’imirire mibi, kuba yaba afite impiswi yatewe n’ibyo kurya byanduye. Bimurinda kandi kuribwa mu nda ndetse no kuba yatumba akazana ibyuka mu nda.
Kuko rero imibiri yacu itandukanye, ni byiza kumenya probiotic nyayo umwana wawe akeneye kurenza iyindi. Ikindi kandi kuko izi probiotics ziba ari bagiteri nzima, zishobora gupfa cyangwa kwangirika bitewe n’igihe amata amaze abitse, ubushyuhe cyangwa zagera mu nda y’umwana ya aside ibamo ikazitwika.

2. Prebiotics

Mu gihe probiotics ari bagiteri, prebiotics zo noneho twavuga ko ari amafunguro atunga za bagiteri nziza ziba mu mubiri wacu, mu rwungano ngogozi. Prebiotics mu yandi magambo zituma bagiteri zo mu gifu n’amara zibasha kororoka. Ahantu ha mbere umwana akura prebiotics ni mu mashereka, kuko akungahaye kuri zo cyane kurenza ikindi cyose wamuha. Naho probiotics aba yarazivukanye, uko yonka zikagenda zororoka. Izi prebiotics rero zongerera umwana ubudahangarwa, zirinda zikanavura impiswi, zivura zikanagabanya ibibazo byo mu mara n’igifu nko kuribwa, kugugara, kandi umwana uhabwa amata zirimo akenshi ntakunze kugira ibibazo byo kwituma. Nk’uko urubuga mayoclinic.com rubivuga kandi, ku munsi umwana akenera hagati ya 3g na 8g za prebiotics.

 

None umwana wamuha ayahe?

Buri mata yose ni meza ku rwego rwayo n’icyiciro cyayo.
Niba umwana afite ikibazo cy’imirire mibi, akunda kurwaragurika se, cyangwa ari gufata imiti yo mu bwoko bwa antibiyotike yahabwa amata akungahaye kuri probiotics amwongerera za bagiteri.
Gusa nk’uko urugaga rw’abaganga bavura abana rwo muri USA rubitangaza (American Academy of Pediatrics), byakabaye byiza niba umwana atangiye guhabwa amata ahawe arimo prebiotics. Kuko yo aho kubamo za bagiteri ahubwo yo yongerera ingufu izisanzwe mu mubiri akazigaburira akongera ubudahangarwa kandi aba yenda kumera nk’amashereka
Nubwo arimo probiotics ntacyo atwara abana muri rusange ariko ntagomba guhabwa abana bazahaye cyane cyangwa bafite ibibazo by’ubudahangarwa bucye.

Ushaka kumenya icyiciro amata ukoresha cyangwa uzi arimo, wakandika ahagenewe comments twagusubiza.

7 comments

  1. Ariko se buriya abantu bose cyangwa benshi barwara indwara zituruka kuri bacteria buri gihe? Hari n'abana burya batarwaragurika nyamara cyane cyane abonka bihagije

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s