Inkuru ndende

Ese urankunda? Agace ka 6

DO YOU LOVE ME?

 

Uyu ni umutego rwose anteze. Ubu se ndasubiza iki koko? Ese ubundi ubu abandi na bo iki kibazo bakibajijwe cyangwa ni jye gusa nabajijwe iki kibazo?

 

Gusubiza YES biri mu byongera amahirwe yo kubona akazi

Gusubiza NO birahita binkura mu bandi bagomba gukora aka kazi.

 

Mu masogonda macye cyane nisanze imbere y’urukuta rukomeye kandi nagombaga guhitamo igisubizo cyihuse ariko nanone ngasubiza ntahubutse.

Ni byo koko nkeneye aka kazi. Ariko se koko uyu mugabo cyangwa uyu musore, ndamukunda? Igisubizo nyacyo ni NO.

None se ko maze imyaka mu bushomeri, ko nifuza kugira icyo nkora ngafasha mama gutunga bene mama, nanjye nkiteza imbere sinkomeze gutega amaboko nk’aho namugaye, ubu koko memere mvuge YES itavuye ku mutima?

 

Abanyarwanda baravuze ngo kwikiriza ntibibuza uwanga kwanga, ariko se nimvuga YES nkazananirwa kwigarura nyuma?

 

Ntazuyaje nahise mfunga umwuka nuko ndasubiza nti “NO”

 

Nahagaze aho ntegereje igikurikiraho, mbona uwandika amanota aramwenyuye, ahita asohoka guhamagara undi ukurikiraho, nuko ndasohoka ndataha.

 

Nagiye nibaza byinshi, nibaza niba ntisibiye amayira, nibaza niba ntibujije akazi ku ijambo rimwe gusa, mbese nubwo nashubije NO ariko numvaga nari nkwiye kuba nasubije YES.

 

Ariko nanone nkurikije inama za mama, singomba kugira icyo ntanga cyose ngo nkunde mbone akazi. Gusubiza YES byari kuba ari nk’aho ngurishije amarangamutima yanjye, kandi rwose ntabwo ariko nteye.

Ubundi se kuki ibyo kugira umugore atigeze abivugaho yeruye yakomeje kubica ku ruhande.

 

Nageze mu rugo ndaryama ariko nibaza byinshi

Nashubije amaso inyuma nibaza imyaka nize yose, nongera kwibuka uko mama yarushye andihira ngo nanjye nziteze imbere, none mbuze amahirwe kubera igisubizo kimwe gusa.

Ariko nanone sinicuzaga kuko igisubizo natanze ni cyo nagombaga gutanga. Ntabwo nteze kuzagambanira amarangamutima yanjye hejuru y’akazi cyangwa ikindi kintu cyose cyera cyangwa cyirabura.

 

Uko nirambitse n’umunaniro nahise nsinzira, nakanguwe na mama avuye gucuruza, nibuka ko ntanatetse.

 

-Faina bite ko mbona unaniwe

-Ni byiza mama mvuye muri interview ndirambika agatotsi karantwara

-None se byagenze neza?

 

Nahise mutekerereza byose uko byagenze, nta na kimwe nsimbutse

 

-Ndushijeho kukunezererwa mwana wanjye. Imana iri kunsubiza ku masengesho nayisenze pee. Mwana wa, ntuzigere ukora icyo umutimanama wawe wakubujije na rimwe kuko uzaba uri kwirwanya kandi amaherezo uricuza. Akazi kawe nihagera uzakabona kandi rwose ihangane ushikame.

-Mama ndibaza niba abantu bose banyura mu bigeragezo nka biriya kugirango babone akazi. Uzi ko burya imitima ihishe byinshi

-Byihorere mwana wa, uganiriye na benshi nibwo wakumva byinshi. Ubu se urabasha guteka cyangwa ngure umugati twinywere icyayi?

-Ndumva ntashaka kurya reka njye kuzana umugati ntacyo ubwo nawe ba ukora icyayi

-Oya ndumva nshaka kunywa ikawa mwana wa. Agakawa ndagakumbuye rwose

-Ariko mama ntuzi ko ikawa atari nziza koko nijoro? Buriya ikawa ibamo caffeine kandi iyo caffeine ni umwanzi w’ibitotsi. Nubwo itera imbaraga ku bayinywa mbere yo gutangira akazi, ariko burya kunywa udukombe turenze tubiri ku munsi si byiza. Unywe mukaru kandi nabwo ntushyiremo amajyani menshi kuko burya nayo abamo caffeine nubwo ibamo yo atari nyinshi nk’iyo mu ikawa. Ubundi se uwagura amata ukaza kuvangamo ubuki si byo byiza?

-Ahaaa. Ese kuki utize imbonezamirire ra? Ko numva ari byo uzi cyane kurenza ibindi. Iyo nshyushyu se kuki ntashyiramo isukari ngashyiramo ubuki?

-Buriya ubuki mu nshyushyu ni bwiza kuko bituma ubasha gusinzira neza cyane cyane nk’uku uba wiriwe muri stress n’akazi kenshi. Iyo ubinyoye ubundi ukoga amazi ashyushyemo buhoro ukiryamira uhita usinzira nezaaa. Indi mpamvu yo sinayikubwira wahita unkubita

-Mbwira wa cyana we ntacyo ngutwara

-Nyine barambwiye ngo ituma ushaka ibintu kandi hakanoroha

 

Nabivuze nsohoka niruka kugira mama atantuka cyangwa akankubita.

 

Ngarutse nasanze ari guseka yakwenkwenutse nuko ndamubaza

-Ese uri guseka iki mama

-Fai, uzi ko ntari nzi ko wasaze byarangiye? Ongera umbwire ngo inshyushyu n’ubuki bikora iki

-Mama mbabarira reka nikorere icyayi wowe ukomeze useke

-Erega mwana wanjye mbwira urabizi ntacyo nguhisha nawe ntukampishe

-Nyine ni ahantu nabisomye

-Wasomye ngo iki nyine

-Ngo inshyushyu irimo ubuki itera gusinzira, ikongerera ububobere abagore kandi ikabafasha gushaka ibintu

-Gushaka ibihe bintu

-Gushyukwa yewe. Ariko mama uzatuma mvuga ibitavugwa wowe

 

Noneho yarahagurutse araseka yikorera amaboko arimyoza azunguza umutwe arandebaaaaa

-Yewe nijye nabyaye koko

-mama ndakosheje?

-Oya mwana wanjye mba nguserereza. Ko wangize murumuna wawe se jya wivugira mwana wanjye. Uba unyibukije so ntiyigeze atuma ngira irungu cyangwa ngo mpishe amenyo. Yaribyaye neza neza

-ese ubundi mama ko udashaka undi mugabo ubona tutarakuze noneho

-Umugabo wo kugira ate Fai?

-mama turekere inzenya utaza kurakara. None se ubwo nta wundi mwana uzabyara koko

-Imana imfashe ibakuze, naho umugabo we ntawe nshaka so yatabarutse ntacyo ndamuburana singiye kuzikururira icyishi.

 

Twakomeje ikiganiro na mama, mukundira ko tuganira byose nisanzuye, kandi rwose ntabwo ampisha nanjye simuhisha.

 

Twakoze inshyushyu dushyiramo ubuki nuko tumaze kunywa

-Niko se mwana wa, ko nshimye turi businzire neza, noneho nidukanguka tugasanga byakomeye wo gacwa we

-Ariko mama nawe. Si wowe wanze kuzashaka undi mugabo. Jyewe ndahita njya muri douche nogemo birahita bishira

-Uri agashwi shahu. Uti amazi

-None se nabigenza nte mama

-nari ngize ngo ugiye kumbwira ko washyiramo intoki.

-Oya mama sinakikinisha ni bibi. Byangiza umugongo, ubwonko kandi ngo iyo ubyimenyereje ntabwo iyo ushatse umugabo akunyura

-Ongeraho ahubwo ko binatuma wumva wihagije ukumva ntacyo umugabo avuze imbere yawe.

 

Twaraganiriye nuko tujya kuryama.

 

Nabanje gusenga nshimira Imana ko yandinze nanayisaba kumbabarira aho naba nakosheje umunsi wose.

 

Nasinziriye neza, nuko mu gitondo mbyukira mu turimo two mu rugo nk’uko bisanzwe.

Akenshi iyo ndi mu kazi ko mu rugo sinikoza terefoni, nuko ubwo nari nshoje akazi ko mu rugo nshigaje guteka nagiye kureba niba nta wambuze.

 

Nahise mbona ahubwo nohererejwe ubutumwa bugufi, nkibusoma narashakuje cyane nitera hejuru. Nabanje kwibaza niba ndi kurota, nuko nirya ikinyunguti ngo numve ko mbabara. Nibwo namenye ko atari inzozi ahubwo koko ari ukuri. Ubwo butumwa bwagiraga buti:

Uwase Faina, usabwe kuza kuwa mbere saa mbiri gutangira akazi wasabye kuko ni wowe watsinze. Uzaze witwaje kopi ya dipolome iriho umukono wa noteri, kopi y’indangamuntu n’amafoto abiri magufi ya vuba. Uzaze witeguye guhita utangira akazi.

 

Nahise mpfukama nshimira Imana, mpita mpamagara mama ngo mubwire iyo nkuru nziza ariko nimero ye ntiyacamo nuko mpita mwoherereza iyo SMS nari maze kubona.

 

Ubwo nari maze kwakira iyo SMS nahise mbona CEO ampamagaye, nuko ndamwitaba

-Felicitation Faina

-Murakoze cyane pee

-Hari byinshi nshaka kukubwira mbere yuko utangira akazi kuwa mbere. Uyu munsi waboneka?

-Uyu munsi byaba bingoye ariko ejo bwo naboneka

-Noneho ejo saa yine mu gitondo tuzahurire Classic Hotel. Urahazi aho iherereye?

-Yego ndahazi. Nzaza izo saha. Ariko se koko natsinze cyangwa ndi kurota?

-Oya watsinze rwose kandi igisubizo watanze bwa nyuma burya cyari ku manota 30

 

-None se nagitsinze?

-Uzaze ejo ibindi byose nibwo uzabimenya.

 

Ese koko yatsinze cyangwa ni ugushaka kumwihera akazi?

 

Biracyaza…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s