Inkuru ndende

Ese urankunda? Agace ka 5

Namubajije icyo kibazo mbona arahindutse, asa n’urakaye nuko ahita ambwira ati:

-Ese urashaka akazi cyangwa ntugashaka?

-Ariko nyakubahwa rwose ubanza mwanyumvise nabi. Hari akazi hari no gukundana. Muri gushaka ko mvanga urukundo no gukora akazi nako niba numvise neza murashaka ko dukundana kugirango mbone akazi.

-None se kuba naba mfite umugore cyangwa ntamufite bigutwaye iki

-None se urashaka dukundane mu buhe buryo? Dukundane bifite intego cyangwa byo gukundana gusaaaa, amaherezo uzanjugunye

-Yewe ubanza no mu ishuri kwiga byari ikibazo kuko utinda kumva. Gusa sinakurenganya bibaho.

 

Muri ako kanya ya nkoko yokesheje yarahageze nuko turayirya tuganira bisanzwe. Muri jye nibazaga impamvu namwitabye bikanyobera kuko rwose numvaga ntari guhuza na we imyumvire pee. Ubwo twari dushoje kurya yatumije icyo kunywa cyo gusozaho, nuko bigeze nka saa mbiri mubwira ko bwije nkeneye gutaha

 

-None se ubu ko utashye dufashe uwuhe mwanzuro?

-Ku bwanjye akazi ndagashaka rwose ariko kuba nakwemerera kugukunda bitandimo ngo nkunde mbone akazi, sinzi ko nabishobora rwose. Gusa ngiye kubitekerezaho, vuba nzaguha igisubizo

-Ni byiza noneho. Umushoferi nagutware akugezeyo, njyewe hari abandi ntegereje tugiye kuganira

 

Naragiye nuko shoferi atangira kunganiriza mu nzira tugenda

 

-Ese boss mupfana iki ko yambwiye ngo nze kugutwara none nkaba nanagushubijeyo

-Ni umuvandimwe tu

-Cyangwa sha nawe hari gahunda muri gupanga

-Gahunda zimera gute se

-Njya mbona agira abantu benshi arangira akazi ariko akabanza kubanyuza hano sinzi icyo baba bahakora

-Abakobwa gusa se cyangwa n’abagabo

-yewe ni bose. Ariko buriya boss ni umukire. Uzi ko iriya hoteli yubatse ku murenge ari iye?

-Uravugisha ukuri se?

-None se wagirango ntanafite uruganda rutunganya imbaho

-Sinari mbizi da

 

Twakomeje kuganira ngera hafi yo mu rugo, mva mu modoka ndataha. Gusa nagiye nibaza ku byo shoferi ambwiye. Ese burya uruganda ni urwe cyangwa ni umuyobozi warwo ni uko shoferi atabizi? Iriya hoteli se yo bite byayo?

Ese nemere urukundo rutandimo ngo nkunde mbone akazi cyangwa nihagarareho bice aho byagaciye?

Ibyo bibazo byose nabiburiye ibisubizo, ariko niyemeza gusenga Imana ikampa igisubizo nyacyo.

 

Narasenze ndaryama, nuko mu gitondo mama mbere yo kujya gucuruza abanza kuza mu cyumba cyanjye ambaza uko urugendo rwagenze

 

Namutekerereje byose uko bihagaze nuko arambaza

 

-None se mwana wa wafashe uwuhe mwanzuro?

-Mama sinzi umwanzuro nafata ariko muri jye nta rukundo mfitemo rwo gukunda umuntu ngo akunde ampe akazi. Ese urumva adafite ibyo yankinze koko

-Nanjye ndabicyeka. Gusa nanone ashobora kuba yagukunze koko, akaba ashaka kukwiyegereza nyine. Sigara ubitekerezaho, uze kumuha igisubizo nyacyo

 

Mama yaragiye nanjye nsigara nibaza byinshi ariko mbura umwanzuro. Nahisemo guceceka, ndamwihorera nanjye ntegereza ko azambaza umwanzuro na we aratuza.

 

Hashize icyumweru nagiye kubona mbona ubutumwa bugufi buvuga butya

 

Uwase Faina

Results for written exam: 34/50

You are invited for an interview on June 15 at 03:00PM, ULK Gisozi

 

Nasomye iyo SMS amarira y’ibyishimo ashoka ku matama, numva mbuze aho nkwirwa, maze ndiruhutsa. Nashimiye Imana nuko ntangira gushaka uko nakitegura ikizamini cya interview ngo ndebe ko ako kazi nagatsindira.

 

Ariko nanone nkibaza ukuntu nabonye ayo manota yose kandi mu by’ukuri ntari nizeye no kubona icya kabiri. Ariko sinabitindaho kuko burya abakosora ni bo baba bazi ibisubizo bashakaga.

 

Umunsi wo gukora interview ugeze nariteguye nambara neza, agakanzu kagarukiye mu mavi n’inkweto zegutse buhoro, nari naraye nsokoresheje umusatsi, nsiga ibirungo bidakabije rwose kugirango batanyibazaho, nuko njya mu kizami

 

Mbere yo kwinjira nagiye kubona mbona SMS ivuye kwa CEO igira iti

 

Nubwo utigeze unsubiza ariko ndacyakuzirikana kandi akazi wizere ko ari akawe ntugire ubwoba, gusa igisubizo uri butange ni cyo kiri bukaguheshe cyangwa kikakakwimisha.

 

Narayisomye ndangije njya aho abandi bicaye bategereje kujya mu kizami.

 

Naje guhamagarwa, gusa ubwo ninjiraga mu cyumba cyo kubarizwamo natunguwe no gusanga CEO ari we uri gukoresha interview, iruhande rwe hari undi musore wandika akanasinyisha abakoze ikizami.

 

Narinjiye banyereka aho nshyira isakoshi nari nitwaje, banyereka intebe ndicara nuko atangira kumbaza.

Ibibazo byose nabajijwe byari ibinyerekeye gusa, muri macye byari ukuvuga CV yanjye mu magambo.

Ibyo mbirangije yambwiye gufata urupapuro ruri ku meza, ngasoma ikibazo kiriho, ngasubiza nkoresheje ijambo rimwe gusa YES cyangwa NO.

 

Ubwo nuburaga urwo rupapuro, natunguwe no gusanga handitseho ngo:

 

Do you love me?

 

 

Biracyaza…

 

 

 

Ese asubize ate? Ari wowe wari gusubiza gute koko?

8 comments

  1. Faina yahuye n'ikigeragezo gikomeye kuko ikigaragara Boss arashaka kumwigarurira akurikije ububasha afite gusa nakurikize umutima nama we maze asubize ikibazo abajijwe

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s