Ubuzima

Kuki hari abagore bahorana ubushake bwo gukora imibonano? Ese byakosoka?

Mu gihe usanga abagore benshi bashaka imibonano iyo bakorakowe ku bice bibatera ubushake cyangwa se bari gutegurirwa icyo gikorwa, hari abandi bagore ahari bacye ariko tutakirengagiza bagira ubushake twavuga ko buhoraho, yewe niyo yaba yakoze imibonano akarangiza hashira akanya gato akongera akagira ubushake. Birushaho kuba ikibazo iyo nta mugabo afite cyangwa se yaba amufite akaba we atabikunda cyane cyangwa atabona umwanya uhagije wo guhaza irari rye.

Ariko kandi nta kwiheba kuko hari ibyo uwo mugore ashobora gukora bikamufasha gucubya irari rye atagombeye gukora imibonano cyangwa kwikinisha nk’uko muri iyi nkuru tugiye kubirebera hamwe.

 

Ni ryari havugwa ko ufite ubushake bukabije?

 

Aha twibutse ko hari itandukaniro hagati yo guhorana ubushake no kuba imbata y’imibonano. Aba ni abantu babiri batandukanye. Uwabaye imbata y’imibonano ni wa wundi usanga ahora ashaka ikintu cyose kimuganisha mu mibonano, ku bagore, kuko iyi nkuru ari iyabo ugasanga akunze kureba filimi z’imibonano, kubiganiraho cyane, kugaragaza ko abikunda haba mu mvugo no mu ngiro. Naho kugira ubushake byo biba muri we imbere, si ngombwa ngo n’abantu babe babimenya. Uhorana ubushake n’iyo abonye umugabo yishimiye ahita yumva ubushake buje akaba yanatota mu ikariso, iyo umukozeho gacye ahita abishaka, iyo ubimuganirije ahita ajya muri iyo si. Mbese kuri we ikiganisha ku mibonano cyose gituma ubwenge bwe buhita ariho bugana ubushake bukiyongera.

 

Namenya nte ko mporana ubushake?

 

Niba ushaka kumenya ko uri mu bantu bahorana ubushake, wakibaza ibi bibazo bikurikira:

 

  • Ese kuri jyewe ni kangahe mba nifuza imibonano mu cyumweru? Ese iyo nganiriye na bagenzi banjye nsanga bo ari kangahe?
  • Ese ubundi namenye nte ko nshobora kuba mporana ubushake? Ese nabibwiwe n’umugabo wanjye cyangwa inshuti yanjye cyangwa niko nabyishyizemo gusa?
  • Ese kureba filimi z’abakora imibonano bintwara umwanya? Ese ibiganiro biganisha ku mibonano ndabikunda cyane? Ese mpoza ku nkeke uwo tubana/dukundana mubwira ko nshaka imibonano kugeza aho anyinuba?
  • Ese haba hari ikintu cyahindutse muri jye cyatumye mera gutya cyangwa kuva nkuze niko nteye?
  • Ese mbere yo gukora imibonano naba mbanza kunywa inzoga cyangwa gufata ibiyobyabwenge?
  • Ese unsabye imibonano ndamwemerera ntitaye ku ngaruka zavamo ntanarebye uwo ari we
  • Ese nyuma y’imibonano niyumva nte? Ese iyo nyishatse sinyikore ndikinisha?

 

Niba ibisubizo kuri ibi bibazo ibyinshi wasubije YEGO, uri mu bagore bahorana ubushake bwo gukora imibonano

 

Ese guhorana ubushake biterwa n’iki?

 

Kuri bamwe guhorana ubushake bituruka ku bibazo bindi mu buzima cyane cyane impinduka mu mikorere y’imisemburo, nk’imikorere idasanzwe ya adrenaline, kuba ufite testosterone nyinshi, kuba uri munini bikabije, amwe mu mafunguro cyane cyane ibinyamavuta n’ibinyasukari (kuba ubirya kenshi cyane). niba ubushake bwawe bugendana n’ibindi bibazo binyuranye mu buzima bwawe ni byiza kujya kwivuza.

 

 

Nyamara ku rundi ruhande hari igihe bituruka ku zindi mpamvu zihariye. Kuba warakoreshejwe imibonano ukiri muto cyane, kuba utwite, kuba uri gusatira imyaka yo gucura (hano estrogen iba yagabanyutse bigatuma testosterone yigaragaza cyane).

Ikindi nanone harimo kuba uhora mu biganiro biganisha ku mibonano kenshi cyane cyane ku mbuga nkoranyambaga, kureba filimi z’abakora imibonano, kwikinisha no kuba utarongorwa ngo urangize, bituma umushyukwe udashira.

 

 

Nabikemura gute?

 

Ubusanzwe guhorana ubushake bwo gukora imibonano ubwabyo si ikibazo kinini iyo bitabangamiye uwo mubana akaba na we yishimira ko muhora mwikorera imibonano. Icyakora niba guhorana ubushake bibangamiye umugabo wawe cyangwa ukaba ukiri inkumi utabasha kubikora igihe cyose ubishatse hari ibyo wakora

 

 

  • Biganirize muganga agusuzume amaraso arebe niba byaba bituruka ku misemburo. Icyo gihe azaguha imiti igufasha gushyira imisemburo ku murongo
  • Niba usanga bituruka mu bwana, kuba warafashwe ku ngufu ukiri muto, kuba ufite ibindi bibazo mu mitekerereze ni byiza gushaka umuntu wizeye mubiganiraho, uko ubiganira kenshi ugera aho ukabifata nk’ibisanzwe ndetse bikagabanyuka. Abaye ari umuntu uzi ubuzima bwo mu mutwe byarushaho kuba byiza
  • Gerageza gushaka ibyo gukora biruhura umutwe bikaguhuza. Harimo meditation, yoga, tantra (twagereranya na rozari muri Kiliziya gatolika), mbese ube uhuze mu ntekerezo
  • Siporo na yo ni umuti mwiza cyane cyane kwiruka, kurira imisozi, kubyina cyangwa ikindi cyose kiri bugutware umwanya kandi kigatuma unanirwa ku buryo urangiza siporo ugakaraba ukaruhuka
  • Irinde ibintu byose bigukururira mu mibonano utari buyikore. Harimo kureba filimi zibiganishaho (si ngombwa porno gusa hanabaho filimi ziri romantic ku buryo uhita wibaza ibigiye gukurikiraho…), harimo ibiganiro biganisha mu mibonano cyane, kwikinisha cyangwa kureba amafoto y’abambaye ubusa
  • Irinde ibiribwa byongera iruba harimo tangawizi, urusenda, umwenya, ahubwo wibande ku birigabanya nka soya na icecream.
  • Niba biterwa n’umubyibuho ukabije gerageza kugabanya ibiro, nibigabanyuka na bwa bushake buzagenda bugabanyuka.

 

2 comments

  1. Murakoze.Nonese umuntu utari washaka nawe uhorana irari yabigenza ate (kuruhande rw'abahungu)

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s