Ubuzima

Akamaro kanyuranye ka za vitamini

Mu nkuru yatambutse twari twavuze ku kamaro ka vitamin ariko ntitwazivugaho zose. Twashoje tubizeza ko tuzagarukana igice cya kabiri tukavuga ku zisigaye, nizo tugiye kuvugaho kano kanya.

 

  1. VITAMINI B9

 

Benshi bayizi nka Acide Folique cyangwa Folate, iyi ikaba vitamin y’ingenzi cyane ku bagore batwite kuko irinda umwana uri mu nda kuba yazavukana ubumuga n’ubusembwa kandi ikanamufasha mu ikorwa n’ikura ry’ubwonko n’urwungano rw’imyakura. Abandi ibarinda kubura amaraso, irinda kugugara ndetse inarwanya Indwara ya goute ifata mu ngingo hakabyimba hakanababaza bitewe nuko acide urique yabayemo nyinshi. Si ibi gusa kuko inafasha mu ikorwa ry’insoro zitukura.

 

  1. VITAMINI B12

 

Iyi vitamin, izwi ku izina rya Cyanocobalamin ni vitamin igira uruhare mu kurwanya kubura amaraso, kurwanya ingaruka zizanwa n’itabi, ni nziza ku bagore batwite ndetse inafasha mu kurwanya ibisebe byo ku munwa. Irwanya kandi Indwara zifata umwijima n’impyiko. Iyo ifatanyije na B6 birwanya Indwara ya stroke n’izindi zinyuranye z’umutima.

 

  1. VITAMINI C

 

Iyi kandi banayita Ascorbic Acid ikaba vitamin y’ingenzi mu kuvura Indwara zinyuranye z’amaso, kurwanya no kurinda kanseri, kongerera ingufu ubudahangarwa, kuvura ibicurane n’inkorora, kurwanya Indwara ziterwa na mikorobi. Izwiho kandi kurwanya Indwara z’umutima, diyabete, stress, cholesterol ikabije, umuvuduko ukabije w’amaraso, Indwara z’impyiko, kuvira imbere, kubyimbirwa ikanarinda uburozi buterwa na plomb. Ikaba kandi ifasha mu gusohora uburozi n’imyanda mu mubiri ikanarinda Indwara zifata ubwonko.

 

  1. VITAMINI D

 

Iyi vitamin ni ingenzi mu gukomeza amagufa, amenyo bityo ikaba ingenzi mu kurwanya Indwara z’amenyo, rubagimpande n’izindi ndwara zifata amagufa. Irwanya kandi diyabete, yongerera ingufu ubudahangarwa kandi iringaniza umuvuduko w’amaraso. Inarinda kanseri zinyuranye.

 

  1. VITAMINI E

 

Iyi banayita Tocopherol ikaba ahanini ikoreshwa mu kwita ku ruhu dore ko irurinda gusaza. Ifasha kandi mu itembera ry’amaraso, ikarinda Indwara zinyuranye z’umutima. Irinda ubugumba no kudakora neza k’ubwonko. Ku bari mu gihe cyo gucura iyi vitamin irwanya ibimenyetso bigendana na byo, ikarinda kubabara uri mu mihango kandi inarwanya Indwara zifata amaso.

 

  1. VITAMINI K

 

Iyi benshi bayiziho ko ifasha amaraso kuvura nyuma yo gukomereka nyamara sibyo ikora gusa. Irinda Indwara z’amagufa, ibuza kuva cyane uri mu mihango kandi ikanarinda kuribwa uri mu mihango. Irinda ko agasabo k’indurwe kakangirika kandi ikarinda kuvira imbere. Irwanya utubuye two mu mpyiko ikanafasha amagufa mu mikorere yayo.

Soma hano Igice cya mbere

Aha niho dusoreje incamake mu kamaro ka za vitamin. Ubutaha tuzagenda tuvuga buri yose aho iboneka, ntuzacikwe.

1 comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s