Ubuzima

Kwiyuhagira: Ese ni byiza mu gitondo cyangwa nijoro?

Benshi bakunze koga mu gitondo mbere yo gutangira akazi, gusa nanone ababikora gutya abenshi ni ababa bagiye mu kazi, mu ishuri se naho abirirwa mu rugo cyangwa abakora imirimo y’ingufu usanga akenshi boga nimugoroba, nkuko hari n’aboga ari uko hari aho bagiye kujya, tutanibagiwe aboga ari uko induru zavuze. Icyakora hari n’aboga kabiri ku munsi .

 

Ikibazo rero twakibaza tuti ari aboga mu gitondo n’aboga nimugoroba, ibyiza ni ibihe?

 

Muri iyi nkuru tugiye kurebera hamwe icyaba cyiza kurenza ikindi muri byombi

 

 

Koga mu gitondo

 

Koga mu gitondo bifite ibyiza binyuranye. Bwa mbere, bituma ubasha gutuza muri wowe kandi umubiri ugasa n’uwishyize hamwe bikagufasha gutangira akazi umeze neza

Ibi bituma umusemburo wa cortisol umanuka, bityo bigatera akanyamuneza muri wowe uwo munsi.

Ikindi ni byiza niba wifuza kogosha insya, incakwaha cyangwa ubwanwa kubikora mu gitondo kuko uramutse wikomerekeje amaraso akama vuba kuko nibwo ibituma amaraso avura (platelets) biba ari byinshi muri yo

 

Ikindi ku bagira uruhu rw’amavuta, abarwara ibiheri mu maso, ni byiza kuri bo koga mu gitondo kuko bifungura utwengehu.

 

Amazi meza yo koga mu gitondo ni akonje cyangwa akazuyazi

 

 

Koga nijoro

 

Amanywa yose umubiri wacu binyuze mu ruhu uba wagiyeho imyanda inyuranye n’uburozi bunyuranye buba bwagiye bukorwa kubera ibisigazwa byo mu mubiri. Ibyo twisiga, ivumbi, amavuta twisize mu gitondo, n’ibindi. Koga nijoro bizakuraho ibi byose bityo uryame uruhu rwawe rucyeye

 

Ikindi ku manywa uruhu rwacu rukora nka bariyeri iturinda ibyatwangiza naho nijoro rugakenera kuruhuka no gusohora ya myanda n’uburozi. Ni byiza rero koga ugiye kuryama kuko bituma utwengehu dufunguka, ya myanda ikaza kubona uko isohoka kandi uruhu rwawe rugacya dore ko nijoro ariho rwisana

Aha ukibukako niba ugiye kuryama umaze koga udakwiye kwisiga amavuta, keretse mu gihe uyakoresheje mu buryo bwa massage, kandi nabwo ukaza kongera kuyoga cyangwa kuyihanagura nyuma

Kuryama woze kandi ni isuku ku mashuka yawe kuko bizayarinda kwandura bya buri kanya dore ko iyo uryamye ubira ibyuya, rero iyo utoze uba ufite amahirwe menshi yo kwanduza amashuka.

 

Koga nijoro ni byiza gukoresha amazi ashyushye ariko adatwikana, niyo atuma utwengehu dufunguka neza kandi bituma ubasha gusinzira neza

 

Dusoza

 

Nkuko ubibonye, igihe cyose wakoga gifitiye umubiri akamaro, ariko koga nijoro nibyo byiza cyane ku mubiri kuruta koga mu gitondo

Kugirango ibyiza byose bikugereho, kuki utakoga mu gitondo ugiye kugenda, wanagaruka ugiye kuryama ukongera ukoga?

2 comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s