Ubuzima

Hawa: Agace ka 28

-Ni ukuri Assia sinkubeshya

-None se ahubwo ubwo urumva wuzuye mu mutwe?

 

Akimbwira atyo Charles yahise yinjira

-Mwaramutse abakobwa beza. Assia ko uri kureba nabi

-Hawa yataye umutwe

-Oya Assia ndi muzima. Charles nari ndi kumubwira ko ari Fatuma wandoze none yanze kubyemera

-Ngo? Mbwira neza nanjye

-Nyuma ya cya gihe mvugana nawe, nagiye kumureba ngo mubwire ko amabanga ngiye kuyamena

 

Nuko mbatekerereza uko byagenze uwo munsi

Assia ati, Simbyumva neza

 

Charles yahise amfata mu biganza arambwira ati: Hawa, ndacyeka igihe kigeze ngo Assia na mama ubabwire ukuri. Mama wawe ari hariya hanze mu kibuga. Assia, hamagara Paul. Mbere yuko Hawa ababwira byose agomba kubanza kuganira na Paul biherereye

 

Charles ari mu kuri. Nanjye ndumva ko igihe kigeze ngo mvuge ukuri. Kuba ntaraguye mu maboko ya Fatuma ni andi mahirwe Imana impaye. Ngomba kwihana rwose

 

-Assia, mbere yuko Paul aza mbwira niba Fatuma abizi ko nkiri muzima cyangwa niba yaransuye

-Yego waraye ubuze yaraduhamagaye atubaza amakuru yawe. Twarabimubwiye ko uri muri koma nuko araza arambwira jye na mama ngo nidushaka dutahe turuhuke gato arasigara akuriho. Ariko narabyanze nashakaga kukuguma iruhande kuko nari mbabaye cyane. Amaze kugenda yaraduterefonnye atubwira ko afite urugendo we n’umugabo we ruzamara iminsi icumi. Kuva uwo munsi ntiturongera kumuca iryera.

-Warakoze kutamusigana nanjye. Aba yarahise andangiza. Ngaho hamagara Paul

 

Assia na Charles barasohotse nuko Paul arinjira

 

-Mushiki wanjye mwiza ngo urankeneye

-Yego Paul. Icara hano. Ese mu rugo ubanye ute na Housna?

-Ntumuzi se koko. Iwacu ni umunezero usesuye

-Wari uzi ko ari Fatuma wari unyishe?

-Aguhora iki se

 

Mutekerereza byose

 

-Paul, nafashe umwanzuro wo kubibwira mama, Assia, Housna na John. Ndabizi bizahungabanya urugo rwawe ariko ndumva ngomba kubivuga

-Hawa, ubu bugambanyi bwose urabizi twabunyuranyemo, rero no kwihana turabifatanya humura. Nanjye ntibima amahwemo kuba nubakiye kuri icyo kintu gusa ubu Housna tubanye bitari ukumukurikiraho ubutunzi ahubwo nsigaye mukunda. Nanasaba gatanya ntabwo nzamugora ariko nzamwinginga

-Umbabarire Paul. Gusa umwana atwite azababera ikiraro kizahora kibahuza. Noneho bwira mama na Assia binjire tubabwire ukuri

 

Assia na mama barinjiye na Charles araza ahita avuga:

-Mumbabarire nubwo ntari umunyamuryango ariko nasezeranyije Hawa ko nzamuba hafi nkamukomeza kuko ibyo mugiye kumva ntibyoroshye

 

Yanyicaye iruhande amfata mu biganza. Nababwiye byose kuva umunsi wa mbere kugera umunsi Fatuma andoga. Mama na Assia bararize byabarenze. Nuko Assia ati

-Oya Hawa. Koko wabikoreye iki? Nawe Paul? Munkojeje isoni pee

 

Mama we yarariraga gusa yabuze ijambo yavuga. Byari byamurenze. Nyuma bamaze guceceka, Charles afata ijambo

 

-Mama, Hawa yazize gushaka gukira atavunitse nuko abura umujyanama mwiza. Gusa icyiza ni uko yicujije amazi atararenga inkombe. Mumubabarire. Yabonye isomo ntazasubira

 

-Uri umuhanga mwana wanjye. Aba ni abana banjye sinabatererana. Gusa bagomba kubibwira Housna na John. Sinabashyigikira ngo ni uko ari abana banjye ngo duhishe iryo banga. Bagomba kwatura nibwo bazabohoka mu mutima

 

Assia yarahagurutse aranyegera

 

-Ibyo Hawa na Paul bakoze byandenze ariko ni abavandimwe banjye. Uko byamera kose nzaba mu ruhande rwanyu. Nzabafasha kuvugana na Housna kandi tuzamwinginga atange imbabazi

-Urakoze Assia, uri umuvandimwe mwiza

Charles ati: “Assia, uri mwiza nk’ururabo” nuko Assia ati: “Nawe uri izahabu y’igiciro. Ibyo wakoreye murumuna wanjye ni ubupfura buruta ubundi. Nzabikubahira iteka”

 

Byabaye umwanya w’amarira no kwicuza, kuganira no kunga ubumwe nk’umuryango.

 

Ubu rero hasigaye urugamba rukomeye: kubibwira Housna na John

 

 

Ese azahera hehe abibabwira?

 

Ntuzacikwe.

1 comment

  1. hawa ntibyoroshye ariko kugirango ukire ikibi ubitse kumutima ningombwa wature uvuge kandi nizeyeko bazaguha imbabazi kuko ntamuntu udakosa icyangombwa nukwicuza ntunasubire ikosa. lmana ubwo igukijije Fatima nrabashe kukwica nuko igukunda kandi igufiteho umugambi mwiza

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s