Ubuzima

Gushimira

Tariki 20/07/2019, tariki 20/10/2019. amezi atatu arashize ubutumwa n’inyigisho dutanga bitangiye kunyuzwa kuri blog yacu kandi twishimira ko muyisura.

 

Nubwo umubare ukiri muto, ariko uko iminsi ihita abantu barusura bagenda biyongera kandi twizera ko uko mugenda mutabyihererana mubibwira n’abandi bizarushaho kugenda neza.

 

Ubu twandika iyi nkuru, urubuga rumaze gusurwa inshuro 109639, ugereranyije wasanga ubwo rusurwa inshuro 1218 ku munsi.

 

Ni umubare muto ugereranyije n’abo twifuza kugezaho ubutumwa dutanga kandi impamvu nyamukuru ni uko kuri ubu iyi blog itaraba website. Kuba website biba bivuzeko no mu ishakiro rya Google biba byoroshye kubona inkuru zo ku rubuga rwacu. Website rero kuyikora bisaba amafaranga, turacyari kwisuganya ngo aboneke ibashe gukorwa na yo.

 

Tugarutse kuri blog yacu, kugeza ubu inkuru twandika ziri mu byiciro umunani ari byo: Imibanire, Imirire, Imiti, Indwara, Inkuru ndende, Ubuzima n’Utuntu n’utundi. Kugeza ubu icyiciro cyerekeye imiti nicyo kirimo inkuru nkeya (7) naho icyiciro cy’ubuzima ni cyo kirimo inkuru nyinshi (197) kuko ari cyo cyiciro gikubiyemo byinshi.

 

Muri rusange hamaze kwandikwa inkuru 286 kandi nubwo imirimo dukora ya buri munsi ijya ituzitira ariko tugerageza kwandika byibuze inkuru buri munsi, iyo bidakunze akandi kazi kaba kabaye kenshi.

 

Ibi byose rero kuba tubyandika mukabisoma, mugatangaho ibitekerezo n’inama bitwongerera imbaraga zo kurushaho kwandika inkuru nziza kandi zifitiye akamaro buri wese wumva ikinyarwanda dore ko ari rwo rurimi rukumbi twandikamo ndetse tuzakomeza kwandikamo inkuru zacu.

 

Urubuga Ubujyanama nkuko intego yacu ibivuga rugamije ko urusura amenya byinshi ku buzima, ndetse na bimwe atabashije kwiga mu ishuri, twe twabashije kubyiga tukamuvunguriraho akarushaho kunguka ubumenyi.

 

Gusa nta byera ngo de, bagenzi bacu bo mu bihugu bituranyi batubwira ko batajya babasha gusura urubuga rwacu, ariko twaje gusanga akenshi biterwa nuko baba baguze internet packs zo kujya kuri social media gusa (facebook na whatsapp) bityo babona links kuzifungura bikabananaira. Aha rero ni uruhare rwabo niba bakeneye kwiyungura ubumenyi bizabasaba no kwigomwa ku mafaranga kugirango bajye babasha gufungura izo link.

 

Muri kwa gushaka gukora website hari abasabye kuba batera inkunga icyo gikorwa, icyakora sinahise mbyemera bitari uko nanze igitekerezo cyabo ahubwo byari uburyo bwo kubanza kwishakamo ubushobozi n’ibisubizo, no gushaka uburyo bwiza byanyuzwamo.

Nifuzaga ibitekerezo bitandukanye ku buryo ibintu byakorwamo n’abifuza gutanga iyo nkunga uburyo bayitangamo maze uru rubuga rukarushaho gutungana no kujya ku rwego twifuza.

 

Nsoze mpa ikaze ibitekerezo byanyu ndetse nanongera kubashimira. Ku bakunzi b’inkuru ndende mu kanya namwe iraba ibagezeho, muhumure Hawa ntiyapfuye yari ari muri koma.

 

 

BIRAMAHIRE Francois

+250788553260

1 comment

  1. Be blessed kbs, nge uru rubuga ruramfasha mu kunguka ubumenyi, ndetse na story, buri gihe mfungura facebook nshaka inkuru yanyu, rero nanjye igitekerezo cyo kwagura urubuga ndagishyigikiye, mutubwire ibisabwa mu buryo bwose kubwanjye contribution nzayitangaMurakoze

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s