Ubuzima

Hawa: Agace ka 12

Nari maze kumva ko amafaranga atarimo uwo nkunda atazanzanira umunezero.

Housna nawe mu biganiro bye yakomezaga kugaruka kuri John.

 

-Hawa uko byamera kose akiri no mu Bubirigi yancaga inyuma

-Nibyo nanjye ndumva yarabikoraga rwose

-Ndicuza impamvu nemeye ko Fatuma ajya kubabera umukozi

-Ahubwo byishimire kuko byagufashije kumenya neza uwo mwari mugiye kubana. Ibaze kugeza aho amwishyurira inzu. Nanjye byanyeretse ko John atari umuntu mwiza

-Ikimbabaza cyane ni uko kugeza n’ubu ataraza kunsaba imbabazi

-Niyo mpamvu ugomba gushimira Imana. Iyo mubana yari kuzakwiyereka neza noneho ugasara

 

Twakomeje kujya dusohoka ahantu hanyuranye. Mu mazu ndangamurage, muri sinema, mu tubyiniro, ku mucanga, n’ahandi. Papa wa Housna buri gihe yaranshimiraga kuko nafashije Housna kuva mu bwigunge no gukira ibikomere byo guhemukirwa. Ndetse na Fatina yari asigaye anyishimira. Iyaba bari bazi ko ari jye nyirabayazana.

 

Nkuko byari muri gahunda natangiye kujya musigana kenshi na Paul ngo babone uko baganira bonyine. Paul nawe yitwaye neza mu gakino ndetse ntiyatinze kwigarurira umutima we. Ubusanzwe iyo umugore ari mu bihe byo gushwana n’uwo bakundanaga hari ikintu kimwe muri bibiri akora.

Kimwe ashobora gukora ni ukwakira na yombi umugabo uje amugaragariza urukundo akamufasha kuva muri ako gahinda. Uyu mugabo iyo aje azi neza icyo uyu mugore yapfuye n’umugabo wa mbere bimubera iturufu yo kwigarurira umutima wa wa mugore.

 

Ikindi gishoboka ni uguhita azinukwa icyitwa umugabo cyose. Aha uko waza umeze kose aba yumva ko nawe amaherezo uzaba nk’uwa mbere.

 

Kuri Housna rero icya mbere nicyo yakoze kuko yakiriye atazuyaje urukundo Paul yamwerekaga. Paul yamweretse urukundo, amuha umwanya uhagije, amuba hafi, amubera inyangamugayo. Kandi erega Paul ni musaza wanjye, nanjye nkaba inshuti y’akadasohoka ya Housna. Byose byabaye impamvu zo gufatisha Housna vuba.

 

Gusa nubwo byakomeje kugenda neza ikibazo cyanjye na Ibrahima nticyabashije gucyemuka. Noneho nari nsigaye muhamagara nimero ye nticemo. Ubanza yarayihinduye. Ndacyeka ko na nyina yamugiriye inama yo kunyirinda no kungendera kure. Ubu se nkore iki? Nafashe umwanzuro wo kujya aho mushiki we yiga nkamuha urwandiko akazarumumpera. Ibrahim ni uwanjye ntawe ugomba kumukoraho. Sinifuza kumubura rwose. Nkiri kubitekerezaho terefoni yanjye irasona. Yari Fatuma

 

-Waramutse Hawa. Amakuru?

-Fatuma meze neza. Wowe se bite?

-Jyewe nta kigenda. Nawe wamaze kubona icyo washakaga none ntukinyikoza

-Ariko nawe Fatuma. None se ko uba uri kumwe na John wawe uba ushaka mbavangire koko. Kandi ngomba kwigira nk’aho nakurakariye nkirinda guhura nawe kenshi, Housna atazankeka

-Icyakora ngukuriye ingofero. Akantu kose uba waragateguye neza

-None se ni iki kitagenda neza iwawe?

-Mbwira niba uri mu rugo nze nkubwire

-Ndahari ngwino

 

Yabaye agikupa Paul ahita yinjira yambaye neza yifunze rwose

-Hum. Paul ko warunzemo se usohokeye hehe?

-Housna yantumiye ngo dusangire tunaganire

-Agutumira atanambwiye koko

-Wasanga yaravumbuye ko byose ari wowe ubiri inyuma

-Wivuga ayo mangamure se nyine

-Ejo natashye waryamye none n’ubu ndabona ubyutse nabi. Ufite ikihe kibazo?

-Sha Ibrahim ndumva mukumbuye pee. None ari kumbabaza

-Gute se kandi

 

Nasobanuriye Paul byose

-Oya wimwandikira. Bindekere nzagufasha. Jyewe nta kibazo mfitanye na we ndetse nyina ntazanyirukana kuko si jye wahemutse

-Urakoze Paul. Ndakwizeye. Bijyemo neza kuko numara kubana na Housna uzahita umfasha kujya mu Burayi jyewe na Ibrahim.

-Ariko Hawa urikunda. Utandukanyije Housna na John none wowe ntushaka guhomba Ibrahim?

-John w’umuhemu? Ahubwo nafashije Housna atabizi

-Reka ngende rero Housna arantegereje

 

Nasigaye nibaza impamvu Housna atambwiye iyo gahunda afitanye na Paul. Ariko ntacyo wasanga yibagiwe, icya ngombwa ni uko akundana na Paul, niho nzungukira.

Narabyutse ndonga ndangije nsanga Fatuma yaje arantegereje

 

-Ese Hawa wari uri koza iki aya masaha yose?

-Wahageze kare se?

-Maze iminota mpageze. Nizere ko nyoko na mukuru wawe badahari

-Assia ari ku kabari naho mama yagiye kudoda. Urumva ko nta bwoba

-Hawa ni ibyanjye na John

-Mbwira ndakumva

 

 

None se byagenze bite hagati ya Fatuma na John? Paul we se na Housna biri bugende gute uyu muhuro wabo?

 

Ntuzacikwe ubutaha.

1 comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s