Inkuru ndende

Igihe cyanjye kizagera: Agace ka 24

Mu gihe nari ntegereje abo bashyitsi numvaga mfite amashyushyu yo gukikira abana banjye. Numvaga ndi mu nzozi ntaremera koko ko nabyaye. Hashize imyaka itandatu yose mbategereje kandi ndahamya ko ahasigaye h’ubuzima bwanjye ari bo ngiye gukorera.

Nakomeje kwibaza amazina nzabita gusa nibuka ko uwa gatatu namwise Yabo bisobanura mu rurimi rwa Yoruba ngo “Mama aragarutse”. narimwise kuko natekereje nti ubusanzwe benshi babyara impanga byo ntibitangaje, kuba rero jye mbyaye batatu, umwe aje gusimbura mama.

Nkuko bisanzwe iwacu buri mwana agira amazina byibuze abiri, nkuko hari n’abagira atatu aho kenshi usanga irya gatatu ari izina ry’umuryango. Ubwo rero nkeneye amazina asigaye atanu.

Kuko nahisemo rimwe andi azashakwa na Lyne, Monique, Marc, Joel na Nicole. Bambaye hafi bishoboka bambera umuryango, nanjye ngomba kubibitura.

Nkiri muri izo ntekerezo abashyitsi babnjye barinjiye. Nkibabona nazenze amarira mu maso kuko abo nacyekaga kubona sibo binjiye.

Ikiniga cyaramfashe kubera ibyishimo nkumva nasimbuka nkabahobera ariko sindabona akabaraga.

-Mukuru wanjye nkunda nishimiye kukubona

-Lyen, Lyne!!!ubu se sindi kurota?

-Ntabwo uri kurota ni jyewe. Ushimire Joel na Monique bifuje ko tugutungura muri ubu buryo

Monique nawe yari ahari nuko nawe ndamusuhuza

-Ukomeje kuntungura kuko ibi sinumvaga ko wabinkorera. Uri umubyeyi mwiza pee

-Joanna, abana batatu ni benshi ntiwabifasha. Niyo mpamvu twaje, numara gufata agatege tuzafata indege dusubireyo.

Joel nawe yari ahari nuko ampereza indabo ati “Felicitations”

Ibyishimo byahise bituma nsa nk’uguye igihumure nuko Nicole ahita ahamagara Simon wahise azana n’abaganga bakora ibyabo nuko ngaruka mu buzima. Simon yasobanuye ko ari ukubera nagize imbamutima nyinshi.

Natekereje ukuntu itike y’indege ihenze ariko Monique akaba yateze agategera na Lyne, birandenga.

-Ese Lyne, wa mwana mwiganye papa we yapfiriye ino? Ko wari wambwiye ngo uzajya gushyingura

Bose bahise baseka nuko ndakomeza

-Aha rwose mwanshoboye. Mwabipanze mu ibanga byose, kugeza uyu munsi nta kintu na kimwe nzi. Lyne mwaje ryari?

-Hashize iminsi ibiri twari turi kwa Joel dutegereje ko ubyara ngo tugutungure. Kuva mwaza hano Nicole yahise atubwira

Monique yahise amuca mu ijambo

-Nihashira icyumweru tuzasubira Montreal kwa Joel. Ntabwo umwana akwiye kuzajya arara asakuriza umugabo wa Nicole.

Hashize iminsi itatu ndi kwa muganga nuko mbona umugore uri mu myaka ya za 60 yinjiye mu cyumba ndyamyemo

-Waramutse Joanna nitwa Pauline

-Waramutse Pauline

– Numvise ko duturuka hamwe kandi ukaba wabyaye abana batatu. Niyo nkuru iri kuvugwa hano. Nibwo bwa mbere bibayeho muri iri vuriro. Niwonkwe

-Urakoze Pauline

-Nari nje kugusuhuza kuko numvise uri umuvandimwe. Nkora hano nshinzwe igikoni mpamaze imyaka 20. buriya tuzagenda turushaho kumenyana.

Twaganiriye akanya nuko duhana nimero.

Hashize iminsi ine abana babakura muri couveuse. Nasabwe n’ibyishimo ubwo nabateruraga. Nasohotse mu bitaro, mara iminsi itatu kwa Nicole nuko nyuma tujya kwa Joel nkuko Monique yari yarabinsabye.

Konsa abana batatu byarananizaga gusa Monique yari yarambujije. Kubaha amata yo mu bikopo cyangwa se andi yose. Yambwiye ko nta kintu na kimwe gikwiye gusimbura amashereka kuko ariyo yuzuye intungamubiri za ngombwa umwana akenera byibuze mu gihe cy’amezi atandatu, akabona guhabwa ifashabere

 

Gusa numvaga nkeneye amakuru menshi y’iwacu nuko negera Lyne dore ko ari we kabarankuru nizera.

– Lyne ngaho rero mpa amakuru atariho ivumbi

-Wavuze ko ushaka amakuru ya Didi se ko ariyo ushaka mbizi

-Wowe mbwira ibyo wumva nkwiye kumenya byose. Kuva cya gihe se mwongeye kubonana?

– Sha twarabonanye nubwo nari naramubwiye ko iyo amvugishije bintera impatwe.

-Ngaho mbwira byose

-Urabona hasigaye iminsi 10 ngo tuze nagiye iwe

-Iwe gukora yo iki?

– Cya gihe twabanaga hari ibyangombwa byanjye nasize iwanyu ubwo najyaga kuba kwa Marc. Harimo n’ibitabo bibiri umwana yari yarantije kandi yari yaje kubimbaza. Ubwo nagiyeyo ari byo binjyanye. Nabanje kwandikira Didi mbimusaba ngo nzajye kubifata, mbona arashubije ngo nzaze gusa nacyekaga ko ashaka kuzanshushubikana nkihagera nuko mbwira Monique ngo azabe yiteguye guhita ahamagara polisi. Gusa ubwo nari ngezeyo, ahaa. Naratunguwe. Banza wicare kuko inkuru ni ndende yewe ntiwayumva yose uhagaze

– Byagenze bite

-Nyokobukwe na baramukazi bawe bari bahari. Bella yarabyaye

-Ni byiza. Yabyaye iki se?

– sinabajije gusa yakubise igihwereye (yabyaye umwana upfuye). kandi ngo yari amaze igihe atumvikana na nyirabukwe nuko avuga ko yamuroze!

-Ngo umwana yavutse apfuye?

-Yego Joanna. Bella na nyokobukwe bari barimo gucyocyorana no gushinjanya hanazamo gutukana. Ntibanambonye gusa nakomeje kubakurikirana. Nako reka mpaguruke nziguhe nkora na geste uko bari bameze

Nyokobukwe : nicujije icyatumye nkuzana muri uyu muryango Bella. Joanna ntiyigeze antuka, yararezwe kandi imbere y’abamuruta araceceka. None wowe waransuzuguye unatuma Didi atakinyumva

Bella: genda sinamugiye mu matwi nawe arabizi ko uri umurozi. Niyo mpamvu asigaye akugendera kure. None mu gushaka kwihorera watwiciye umwana.

Nyokobukwe: iyo udatwita uwo mwana ntuba waraje hano wa nshinzi we. Urumva namwica ngo nunguke iki? Imana niyo iri kuguhanira agasuzuguro kawe no kudashima. Kandi umvire mu rugo rw’umwana wanjye kuko nta kikihakwicaje

Bella :eheee! Ndagushinyitse. Umva mukecu, hano sinahaje nk’indaya narasabwe ndakobwa. Ahubwo nshatse ni wowe utakongera gukandagira muri iyi nzu wa murozi we.

Avuze atyo Rita na Chantal bahise basumira Bella nuko Didi araza amubakura mu biganza.

Dieudonné: mumvire mu rugo mwa barozi mwe mwese. Zamu, rekura izo mbwa niba badashaka kumvira mu rugo

Nyokobukwe: muntabare muntabare umuhungu wanjye yararozwe

Yarasakuzaga cyane nuko Didi arabasunika bose abasohora mu gipangu arakinga.

Mu gusohoka nibwo nyokobukwe na Bella bambonye nuko Bella ambaza ikingenza Didi aramusobanurira.

– Bella: gira vuba nawe umvire mu rugo vuba

– Lyne : we jyewe sindi Joanna wibeshye ukabizana wabona akakubaho

– Dieudonné : Lyne, fata ibyawe ugende niko amadame avuze

Nafashe ibyanjye ndasohoka nsanga nyokobukwe na baramukazi bawe bakiri hafi aho

– Nyokobukwe : Lyne, waba uzi amakuru ya Joanna?

– Lyne : urumva ari gute nayoberwa koko amakuru ya mukuru wanjye

– Nyokobukwe: yagiye yaranyemereye ko azampamagara. Ameze ate? Ese ntarabyara?

– Lyne : ihangane mukecu. Nta makuru ya Joanna naguha rwose

– Rita : mbabarira umpe nimero ye nzamuhamagare

– Lyne : oya nawe ntayo naguha rwose

– Nyokobukwe : maze kubibona ko koko nahemukiye Joanna. Sinabashije gutegereza gahunda y’Imana none Imana yaraduhannye ituma umwana wa Bella apfa. Ngomba kwicungura. Joanna agomba kugaruka mu rugo rwe. Mbabarira nimuvugana uzamumbwirire ko nicuza. Bella yanciye burundu ku mwana wanjye Didi

– Lyne : mama Didi ndakubaha ariko reka nkubwire umugani “gusonza ntibizatume ugurisha amenyo”

– Rita : Lyne, ndakwinginze nugera yo uzabwire Joanna aduhamagare. Cyane cyane namara kubyara.

-Sawa nzabikora

Ni uko twatandukanye. Reka nduhuke gato nze nguhe izindi nkuru rero

 

 

Biracyaza…

6 comments

  1. 😂😂😂😂😂😂😂😂😂😂😂😂😂😂😂😂😂😂😂😂😂mbashije guseka nibumve sha!!!!hhhjhhhhhhhhh

    Like

  2. 😂😂😂😂😂😂 inkuru igiye yagera aho iryoshye koko!!! Ni kwa kundi ngo uhemukira agasozi kagatuma ku kandi ngo uramporere!!! Komeza izo nkuru twiyumvire amatsiko ni yose!

    Like

  3. Lyne aransetsa nagashinzi ark disi yararezwe, ni isomo kbs, gutegereza igikwiye ni byiza mu buzima, inkuru iraryoshye muzane nutundi duce vuba

    Like

  4. Lyne rwose ndamukundaaaaaaaa.ababwiriyemo kbsa.oya nibahame hamwe babone gukora Ku Imana. Joanna nawe nibwo yitonda azambabarire atinde kubababarira.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s