Imibanire Imirire Imyororokere Ubuzima

Amwe mu mafunguro yafasha umugabo gutinda kurangiza

Mu buzima bwacu bwa buri munsi habaho ibyo tuba twumva byakihuta bikarangira vuba, hakabaho nibyo tuba twifuza ko byatinda. Ntawishimira gutinda ku murongo ategereje imodoka cyangwa ategereje ko bamugeraho agiye guhembwa, aha rwose tuba twifuza ko byihuta. Iyo uri kwa muganga uba ushaka ko ari wowe wavurwa mbere cyangwa se ukifuza ko kuvurwa birangira vuba. Nyamara iyo bigeze mu buriri ho biba ikinyuranyo, kuko nta mugabo wasanga yishimiye ko yarangije vuba noneho bikaba hora bakobwa iyo arangiza vuba umugore atararangiza.

Gusa mbere yo kwirukira imiti hari amafunguro yagufasha kuba watinda kurangiza, ndetse uretse no gutinda akagufasha kongera amasohoro no kugira igitsina gifata umurego neza.
Ariko wibukeko nubwo ntawishimira kubipa nkuko babihaye akabyiniriro ariko nanone kumara amasaha n’amasaha mu gikorwa nabyo byatuma uwo mugikorana akurambirwa akaba yanabihirwa.

Reka hano turebere hamwe amwe mu mafunguro yagufasha kongera iminota umara mu gikorwa.

1. Watermelon

Uru rubuto ruri mu mbuto zikungahaye kuri L-citrulline, iyi ikaba izwiho gufasha igitsina kugumana umurego. Impamvu bamwe bayihimba Viagra y’umwimerere ni uko ya L-citrulline iyo igeze mu mubiri ihindukamo L-arginine nuko nayo igatuma hakorwa nitric oxide nyinshi (niko na Viagra ikora), iyi rero ituma amaraso atembera mu gitsina yiyongera, imitsi yaho ikaguka nuko kigafata umurego kandi bigatinda. Aha ushaka uvangamo n’indimu, ukaba ukoze Viagra nyayo y’umwimerere

2. Urusenda

Urusenda benshi baruvugaho ko rutera ubushake ariko uburyo babisobanuramo ugasanga sibwo neza. Mu rusenda habamo capsaicin ariyo ituma wumva rwokera. Rero kururya bifasha iki? Hari igihe igitsina gifata umurego, ariko bidakabije naho mu bitekerezo bitakurimo. Aha rero niho urusenda rugutabara kuko rutuma no mu bwonko bikuzamo, nuko umubiri ugafatanya n’ibitekerezo. Rutuma amaraso ashyuha, akongera umuvuduko, ndetse rufasha mu kugira imbaraga mu gikorwa no kubasha kurangiza neza.

3. Pome

Ntabwo pome imwe ku munsi yagufasha kutajya kwa muganga ahubwo inafasha mu kukongerera akagufu mu buriri. Muri pome habonekamo quercetin, iyi ikaba izwiho gufasha mu gukomera no kwihangana. Nka kwa kundi uba uri muri siporo igufasha gukomeza ntunanirwe, niko inabikora mu gihe cyo gukora imibonano. Ituma umutima ukorana ingufu, imikaya igakora n’ingufu, ibi byose bigatuma utinda kurangiza kandi bibuza ikorwa rya cortisone izwiho gutera imikaya gutentebuka, ukaba wananirwa vuba.

4. Tangawizi

Tangawizi iri mu birungo bikoreshwa kenshi mu byo kunywa, nyamara burya iranatekwa nk’uko duteka ibindi birungo. Ikaba nayo ifasha umutima mu mikorere yawo aho ituma amaraso atembera ku buryo nyabwo, igafasha gusukura no kwagura imiyoboro y’amaraso bityo bigatuma utananirwa mu gikorwa hagati ndetse bikanafasha mu gutinda kurangiza.

5. Amafi

Amafi avugwa hano gusa si ya mafi bavuga ngo ni ayaterwa (ubwo ahari twayita amatuburano) ahubwo ni yayandi turoba mu mazi, amwe ya gakondo. Aya mafi akungahaye kuri omega-3 kurenza ayo mu byuzi, kandi iyi omega-3 ikaba izwiho gufasha umubiri gukora nitric oxide ihagije, iyi nkuko twabibonye ikaba ariyo ituma igitsina gifata umurego igihe kinini.

6. Imineke

Imineke yo benshi bayitangira ubuhamya ndetse no mu nkuru zacu nyinshi tugenda tuyigarukaho. Imineke ni isoko nziza ya potassium ikaba itera umubiri akanyabugabo bityo igikorwa cyo mu buriri kigatinda kandi kikagenda neza. Imineke ibiri minini amasaha abiri mbere y’igikorwa, yagukorera umuti neza.

7. Ubunyobwa

Ubunyobwa mu moko yabwo yose bubonekamo L-arginine iyi ikaba ibuye fatizo ry’ikorwa rya nitric oxide izwiho gutera igitsina gufata umurego. Si ibi gusa kuko bunafasha mu kongera ingano y’amasohoro, kandi bukarwanya cholesterol mbi. Habonekamo kandi magnesium izwiho kongera ingufu no gutera kwihangana. Byose bigafatanya mu gutuma igikorwa cyo mu buriri kigenda neza.

8. Beterave

Twakomeje kubivuga ko nitric oxide ariyo ifasha igitsina kugira umurego. Beterave zikungahaye kuri nitrates iyi ikaba imyunyu ihindukamo nitric oxide iyo igeze mu mubiri by’umwihariko igatuma amaraso yiyongera haba mu bwonko ndetse no mu gitsina bigatera kugira umurego umara igihe. Ushobora kuzirya salade, kunywa umutobe wazo,…

9. Epinari

Epinari ziri mu mboga zikungahaye kuri arginine iyi ikaba yabonyweho ko iyo igeze mu mubiri ihinduka nitric oxide iyi nayo igafasha igitsina gufata umurego. Si ibi byiza gusa bya epinari kuko zinafasha mu gusana imikaya no gutuma ikomera.

10. Inzuzi z’ibihaza

Izi twazikozeho inkuru ukwazo, aho twerekanye akamaro gatandukanye zifitiye umubiri. Muri zo habonekamo rero zinc na magnesium iyi ikaba imyunyu ngugu izwiho kuzamura igipimo cyumusemburo wa testosterone. Uyu musemburo ugira uruhare mu gushyukwa, kandi ubwinshi bwawo ni ingenzi mu gutinda kurangiza. Wazihekenya, warya isosi yazo, ibi byiza bikugeraho.

Soma hano  Mu kamaro ko kurya inzuzi z’ibihaza harimo no kongera amasohoro

Mu gusoza reka twibutseko aya Atari yo mafunguro yonyine yagufasha gutinda kurangiza, kuko hari n’andi yagufasha cyane cyane iyo kurangiza vuba bifitanye isano na stress ubamo cyangwa kuba udatuje. Aha twavugamo avoka, chocolat yirabura, utubuto twa chia na tungurusumu. Gusa muri rusange kurangiza vuba wabikosoza imirire, byakanga ukagana abaganga bakaba bagufasha gusuzuma ikibazo kibitera bakagicyemura.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s