Imibanire Imyororokere Ubuzima

Zimwe mu mpamvu zituma umugore adashaka imibonano

Mu buzima bwo mu rugo hagati y’abashakanye habamo ingingo yo gukora imibonano mpuzabitsina. Iyi ngingo niyo pfundo ry’ubuzima bwo mu rugo dore ko iyo mu buriri byapfuye n’ahandi bigenda nabi.

Nyamara usanga igitsinagore rimwe na rimwe bagaragaza kutagira ubushake bwo gukora iyo mibonano ndetse ugasanga niyo bayikoze ni ukubura uko bagira cyangwa se kuba ba nyirandarwemeye.
Kutagira ubushake bwo gukora imibonano biterwa n impamvu zinyuranye gusa hano twaguteguriye Impamvu nyamukuru eshanu.

1. Kunanirwa

Mu bagore babura ubushake usanga abagera kuri 25% biterwa nuko igihe cyo kuyikora baba bananiwe. Akenshi usanga imibonano ikorwa abantu bagiye kuryama aha rero abagore kubera imirimo inyuranye baba biriwemo baba bananiwe nuko bwa bushake bukabura.
Ikimenyetso cy’uko umugore yananiwe cya mbere ni uko azaryama mbere y’umugabo. Niba mumaze gufungura ukabona agiye kuryama atakwakuye nushaka uzamureke yiruhukire muze kubikora mu rucyerera cyangwa mubyimurire ikindi gihe.

2. Kutakwiyumvamo

Kuba mwarashakanye ntibihagije ngo bitume akwiyumvamo ahubwo ubuzima bwanyu bwa minsi yose gutuma ahora akwiyumvamo. Ushobora Kuba waramuciye inyuma akabimenya agaceceka, ushobora Kuba waramubabaje mu bundi buryo bigatuma yumva atakigufitiye urukundo. Wa mugani w imvugo y’ubu byose ni mu mutwe.
Ubushakashatsi bwerekana ko 10% by abagore babura ubushake biterwa nuko baba batagikunda abagabo babo. Niba rero mugabo hari icyo wishinja nicyo gihe ngo wihane uhindukire ubundi mwongere muryoherwe

3. Imibonano iramubabaza

Hari abagabo bakora imibonano nk’abari mu ntambara cyangwa se mu ipiganwa ugasanga ni piku piku timburi timburi. Abagore bagera kuri 11% bagaragaza ko kutishimira imibonano biterwa nuko iyo ikorwa bababara. Bishobora guturuka ku miterere yabo, iy umugabo, uko bateguwe cyangwa se uko biyumvamo uwo bayikorana.
Niba ikibazo ari ukubabara ni ngombwa gushaka uko byakosoka. Mu gukosorwa harimo kubanza kumutegura mu mubiri no mu mutwe, mbese mukinjira mu gikorwa mwese mufite ubushake koko.

4. Arahangayitse

Abagore 13% batagira ubushake babiterwa no kuba bahangayitse kandi badatuje. Ibi bituruka mu mpamvu nyinshi. Ubukungu bwo mu rugo, umwana urwaye se, mbese ikintu cyose gituma yumva adatuje gishobora gutuma atagira ubushake. N abagabo burya uhangayitse gushyukwa byaba biri Kure.
Ibi umuti wabyo ni ugukuraho ibiteje za mpagarara.

5. Umugabo ntashyukwa neza

Hari abagabo bitewe n imiterere yabo, uburwayi nka diyabete igitsina cyabo kitajya gifata umurego ku rwego nyarwo cyangwa cyaba kicyijira kigahita kigwa. Ibi iyo bibaho kenshi bituma umugore azinukwa kuko nta byishimo akuramo. Usanga abagore 6% batagira ubushake babiterwa nuko abagabo babo bafite iki kibazo.
Rero bisaba ko umugabo ashaka ibyatuma igitsina cye kigira umurego nyawo.

 

Si ibi gusa kuko umubyibuho udasanzwe, imiti iboneza urubyaro imwe n’imwe, kubyara no kwita ku Bana, nabyo ni Ibindi byatera umugore kubura ubushake.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s