Inkuru ndende

Igihe cyanjye kizagera: Agace ka 17

Monique yahise ansubiza ati:

– Joanna ukore icyo umutima wawe ukubwira. Narakubwiye ngo ntuzemerere uwo ari we wese kugufatira umwnzuro. Sinumva ko igitekerezo cyanjye cyagira akamaro kurenza icyo wifuza wowe. Gusa nubwo ntabigutegeka, ari jye nabimubwira. Ni se w’umwana afite uburenganzira bwo kubimenya. Si byiza ko umwana wabyaye yazaguhindukana akubaza papa we ejo.  Kubimubiwra ntibivuze ngo murahita musubirana. Gutwita ni ikintu ukwacyo na Didi ari ukwe. Gusa umwanzuro ni uwawe

 

-Ndumva nzabimubwira. Gusa sinshaka gusubira iwe cyane cyane ko nahavuye amaze kunsuzugurira mu maso y’umuzamu. Nkanongeraho ibyo yakoze mu birori byawe

-Noneho uzamuhamagare umumenyeshe ko wifuza kumubona atari mu rugo ariko

 

Nararetse hashira iminsi micye nuko niyemeza guhamagara Didi. Nahamagaye ubugira gatatu ataranyitaba nuko ageze aho aranyitaba

-Allo

-Mwiriwe Didi

-Mwiriwe

– Hari ikintu nshaka kukubwira ariko nkakikubwira utari mu rugo.

-Uzansange ku kazi

-Ryari

_ejo saa yine

-Sawa ni ah’ejo ubwo

 

Bwarakeye nubahiriza isaha kuko ndamuzi kuri we isaha ni isaha.. gusa yanshuhuje nk’umuntu atigeze amenya

-Wiriwe Didi

-Mwiriwe. Uranshakira iki

-Ese nturanampa intebe ugahita umbaza ikingenza?

Yahise anyereka intebe nuko ndicara ahita akomeza:

– Niba ushaka guhagarika akazi ukagaruka mu rugo warakererewe sinkibikeneye. Niba ari ikindi kikugenza, mbwira ariko ugire vuba mfite akazi kenshi

-Didi nari nje kukumenyesha ko ntwite

Yazamuye umutwe akuramo amadarubindi aranyitegereza

– Subiramo numve

-Didi ndatwite

-Joanna niba ari imitwe yo gushaka kugaruka mu rugo iragupfubanye. Wibagiwe ko utabyara?

-Didi ukuntu wahindutse uri kuntungura. Nje kukubwira ikintu twategereje imyaka none ni uko uri kunsubiza? Uranyita ingumba kandi ubizi ko twajyanye kwa muganga bagasanga twese turi bazima?

-None se koko uratwite?

-Yego Didi ndatwite

-None nta soni ufite zo kuza kubimbwira?

-Isoni z’iki Didi?

-Uri umugore w’umugabo none watwaye inda y’undi mugabo. Urumva bidateye isoni?

-Ariko iyi nda ni iyawe

 

Yahise ahaguruka avuga ameze nk’umoka:

– wagiye mu buraya na murumuna w’inshuti yanjye unajya mu birori bya nyina wigize nk’umwana mu rugo. Kuva ryari ugira marraine simumenye? None aguteye inda arakwigaritse uje kuyinyegekaho? Uriya muryango ni abakire ntibakemera umukene nkawe. Nanjye kugushaka nari nakugiriye impuhwe

-Ariko noneho wasaze. Uravuga iki Didi?

-Imyaka itanu yarashize nta gutwita. Ukiva iwanjye hashize ibyumweru urasamye nkaho ari iy’umwuka wera none ngo ni iyanjye?

Ibi byahise bindenga. Ubanza ari undi muntu mu isura ya Didi. Nabanje gutuza nuko ndakomeza:

 

-Didi uri kundenganya ariko

-Oya Joanna ni wowe mubi. Bella yagiye mu isoko kabiri kose akubona usomana n’umugabo mu muhanda

-Ngo iki? Usigaye wemera inkuru ubwiwe n’umugore ngo akunkureho rero. Kuva wanshaka wigeze byibuze umvumbura nakubeshye rimwe?

– Nabanje nanjye kutabyemera ariko nje muri wa munsi mukuru nkareba uko ubyina mwagwatiranye nahise mbyemera. Rero wiza kuntekaho imitwe.

-Didi, mbisubiremo iyi nda ni iyawe. Kandi niba udashaka gufata inshingano zawe, humura nzabaga nifashe, nari nje kubikumenyesha gusa

-Umva Joanna ntukiri umugore wanjye, wamaze kuryamana n’undi mugabo. Gusa nta gatanya nzaguha. Uzakomeze ube icyomanzi ufatwa n’ugushaka wese. Mvira mu biro ujye gushaka uwaguteye inda

 

– Didi nta byinshi nkubwiye ariko icyo nzi cyo bitinde bitebuke Imana izaca urubanza nyarwo

– indaya gusa. Bella twaryamanye bitarenze ukwezi ahita asama. Iyo Mana yawe ubwo sinzi niba atari iyo nzi. Mvira mu biro vuba

 

Nasohotse mu biro bya Didi amarira yenda gutakara ariko narihanganye ntihatakara n’agatonyanga. Niyemeje ko ntazongera kumuririra imbere. Ubu Didi abaye amateka kuri jye. Ngomba kumujya kure na Bella we nkareba amaherezo.

Naratashye mbwira Monique uko byagenze

– Joanna wikicuza na kimwe. Wakoze uruhande rwawe. Igisigaye noneho hamagara mukuru we na mushiki we bamwe wambwiye mubanye neza. Nabo bazabibwira nyina. Ubabwire ko utwite unababwire uko Didi yakwitwayeho. Ndabizi neza Didi azagupfukama imbere agusaba imbabazi kandi na Bella uhimbahimba inkuru uzareba amaherezo ye. Si ngaha aho ndi.

Nakoze ibyo Monique yansabye. Mpamagara Arnaud na Rita mbibabwiye bagwa mu kantu. Bansabye kumenya aho mba ngo bajye bansura ariko ndahabahisha. Sinshaka kuhabereka batazatuma na mabukwe ahaza

Nyuma y’ibyo nakomeje imyiteguro yo kujya muri Canada. Yego ndacyakunda Didi ariko ngomba kubaho ntari kumwe na we kuko niko abishaka.

Gusa mugani wa Monique reka ntegereze Imana izabyikorera nihagera.

Nkiri muri ibyo bitekerezo terefoni yahise isona.

Ninde se uhamagaye?

 

Ntuzacikwe agace gakurikira.

5 comments

  1. Nari nabivuze ko kiriya kigabo kizamuzengereza kubera iriya nda. Mana we .ubuse koko ninde umuhamagaye ?gusa kabaye kagufi pe.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s