Imibanire Ubuzima

Amakosa ukwiye kwirinda mu gukora imibonano

Benshi tuzi yuko niba ushaka gukora imibonano ukaba ufite uwo muyikorana, haba hakurikiyeho igikorwa. Tukirengagiza yuko iki ari igikorwa ngirana, atari igikorwa ngirira cyangwa ngirisha dore ko iyo bigenze gutyo uruhande rumwe rubihomberamo. Icyakora kuri bamwe cyane cyane ababikorera inyungu, ntibaba bitaye ku munezero n’ibyishimo bakuramo kuko icyo baba bashaka ari ya nyungu gusa.

Nyamara kandi nanone ku bashakanye cyangwa abakundana hari amakosa anyuranye agenda akorwa akaba yatuma igikorwa kigamije umunezero kigenda nabi nk’uko hano twagukusanyirije amwe muri yo.

1. Kudasomana

Nibyo koko usanga bamwe badaha agaciro gusomana bitewe n’impamvu zinyuranye. Kuri bamwe hari igihe uburyo barimo buba butabemerera gusomana, cyangwa se umwe muri bo akaba atinya ko byatuma arangiza n’igikorwa kitarabaho ndetse hari n’ababa bifitiye ikibazo cy’uko mu kanwa habo hatameze neza. Gusa uko byamera kose, gusomana ni bimwe mu bikorwa byiza byo gutegura imibonano no kuyiryoshya. Rero niba hari inzitizi mwayikuraho ariko nabyo bigakorwa

2. Gutangira mutaritegura mwese

Ibi bireba abagabo. Kuko we ntiyakora imibonano atiteguye neza kuko igitsina nticyakinjira gusa habaho no kuba umubiri waba ufite ubushake ariko mu mutwe utiteguye naho biba ikibazo. Ariko se wa mugabo we, wibutse gutegura umugore ku buryo igikorwa mwese mucyinjiranamo? Ibuka ko gutangira ataritegura ari bimwe bibyara kumupfubya dore ko urangiza we ahubwo ari bwo atangiye kubishaka. Banza umutegure bihagije kandi nawe agufashe agutegure mwinjirire rimwe mu gikorwa

3. Kwirengagiza ibice bimwe

Nibyo koko ku mugore, amabere, igitsina ni ibice by’ingenzi bituma agira ubushake, nkuko n’umugabo igitsina cye ari cyo kiza ku isonga. Nyamara kandi nanone si byo gusa burya uba ukwiye kwibandaho kuko hari n’ibindi bice bigira uruhare mu kugira ubushake. Imisaya, ibibero, mu ntege, umugongo, inda, mu mutwe, mu gutwi nabyo ni ibice burya utagakwiye kwibagirwa mu gutegurana.

4. Kumurambararaho

Nibyo nyine mu gutegurana no mu gikorwa umwe ashobora kujya hejuru y’undi. Ariko kumujya hejuru ntibivuze kumurambararaho ngo umumarireho ibiro byawe byose. Ese niba yifitiye ibiro 50 ukaba ufite 80 urumva koko kumurambararaho Atari ukumuheza umwuka? Iyoroshye, wishingikirize amavi cyangwa ibiganza ku buryo ibiro byawe byose bitamujyaho, maze mwiryohererwe

5. Kurangiza vuba cyane cyangwa utinze cyane

Ahari ibi kubyita ikosa biragoye ariko ni uruhare rwawe kuba wabikosora. Cyane cyane ku bagabo, kuko we iyo arangije kongera gutangira bitwara iminota cyangwa amasaha. Mugabo niba uziko urangiza vuba, ibyiza ni ugutegurana umwanya munini ku buryo bifasha umugore nawe kuza kurangiza mu gihe kimwe cyangwa cyegereye icyawe. Niba urangiza utinze nabwo kandi washyiramo akaruhuko hagati niba umugore arangije mbere yawe, kuko ushobora kumubabaza dore ko bamwe iyo barangije bahita buma.

6. Kudateguza ugiye kurangiza

Niba uri hafi kurangiza, waba umugabo cyangwa umugore, uba ubyumva. Kutabivuga ni bibi kuko iyo umubwiye burya bishoboragutuma murangiriza rimwe cyangwa se akagufasha ukarangiza neza (ku mugabo, umugore ashobora kwegeranya amaguru, kunyonga ku buryo wumva umunezero urenze)

7. Gukora nk’ibyo ubona muri filimi

Filimi z’imibonano (pornography) zifite uko ziba zikinnye ku buryo kwigana ibyo bakora ushobora kubangamira uwo mukorana imibonano. Ntuzabone bonka cyangwa barigata ibitsina ngo uhite nawe utegeka uwawe kubikora, ntuzabone bakoze position runaka ngo uhite uyigana mutabiganiriyeho. Mbere ya buri gikorwa ni byiza kubiganiraho.

8. Kutavuga

Ubushakashatsi bugaragaza ko gukora imibonano muganira bifasha umugabo gutinda kurangiza naho umugore bikamufasha kurangiza vuba kandi neza. Impamvu nuko iyo muganira ibitekerezo byanyu nta handi bijya ngo bibe byayoba ahubwo biguma ku gikorwa murimo. Irekure, nuryoherwa ubivuge, mbere kibe igikorwa cy’ibyishimo.

9. Gusokagura

Aha harabwirwa abagabo. Rwose kujya hejuru y’umugore ukamera nk’uri guhaga igare nawe akoresha ibigufu byinshi si byo. Koresha uburyo bunyuranye kandi wibuke ko kuryoshya atari ugukoresha ingufu ahubwo uburyo ubikoramo, uko umushimira ahamurya, nibyo bituma agera mu munezero yifuza.

Si ibi gusa nawe hari ibindi wakongeraho biba bidakwiye mu mibonano.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s