Ubuzima

Uko wakoresha mask y’inyanya mu kugira isura nziza

Bumwe mu buryo bukoreshwa mu gusukura isura, kuyiha ubwiza no kurwanya unavura ibiheri byo mu maso ni ugukoresha mask.

Iyo havuzwe mask haba havuzwe uburyo bwo gukora igipondo runaka ukacyisiga mu maso, bikamaraho igihe runaka biterwe n’ubwoko bw’igipondo bwakoreshejwe nuko ukabyoga nyuma.

Muri iyi nkuru tugiye kurebera hamwe ibyiza bya mask y’urunyanya, uko ikoreshwa gutandukanye dore ko waba ufite uruhu rukanyaraye cyangwa uruyaga iyi mask uyikoresha, gusa uburyo ikoreshwamo nibwo bugenda butandukana.

 

Ibyiza bya mask y’urunyanya.

    1. Kubera harimo aside, bifasha mu gutuma uruhu rudahanda ahubwo rukanyerera kandi bigafasha uturemangingo kwisana hanakorwa udushya
    2. Ni nziza mu kurwanya no kurinda iminkanyari ikunze kuza mu maso
    3. Ituma utwengehu tunini twegerana ibi bigatuma mu maso habasha gucya
    4. Mu nyanya habamo salicylic acid, iyi tuyisanga mu miti myinshi yagenewe kuvura ibiheri (nka Entezma). Iyi salicylic acid ifasha ituma uturemangingo twapfuye dusohoka ntidukomeze kuziba utwengehu dore ko kuziba kwatwo ari byo bituma urwara uduheri
    5. Habonekamo kandi lycopene yo ikaba izwiho kurwanya ibitera iminkanyari n’ibindi byangiza isura bizanwa no gusaza uruhu
    6. Bikaba kandi bifasha mu gutuma uruhu rwo mu maso rushashagirana kandi runyerera nta minkanyari n’uduheri

 

 

 

 

 

 

 

 

 

 

Uburyo bunyuranye bukoreshwa

Nkuko tubivuze hejuru, hakoreshwa uburyo bunyuranye bwa mask y’inyanya hagendewe ku buryo isura yawe iteye

 

I. Inyanya gusa

Aha uruhu rwose waba ufite rwaba urusanzwe, uruyaga cyangwa rurimo hagati iyi mask urayikoresha.

Ntibigoye icyo usabwa ni ugukata urunyanya mo kabiri, ukarukuba mu maso hose ukageza no ku ijosi.

Ubirekeraho iminota 15 gusa ubundi ugakaraba amazi ashyushye yonyine nta sabune, ukihanagura ukisiga amavuta asanzwe, byaba akarusho ukoresheje almond oil cyangwa argan oil.

Ubikora bitarenze kabiri mu cyumwru, ni ukuvuga nyuma ya buri minsi 3.

II. Inyanya n’isukari

Aha ukoresha urunyanya rukase, ukarusigaho isukari iseye cyane. Ukoresha agace k’akayiko gato ku gisate cy’urunyanya.

Iyi mask ikoreshwa ku bafite uruhu ruyaga kandi rufite uduheri.

Isukari ibamo AHA (alpha hydroxyl acids) izwiho gutuma uruhu rusa n’urwiyuburura rukongera kuba rushya. Iyo ivanze n’urunyanya rero bituma uruhu rushaje ruvaho (ariko ntushishuka) nuko ibyangizaga uruhu rugasa nabi bikavaho mabyo

Mu kubikora usiga isukari ku runyanya, ukareka igasa n’iyengeramo ubundi ukagenda ukuba mu maso uzengurutsa, hose kugeza ku ijosi.

Birekereho iminota 15 ubundi ukarabe amazi ashyushye

Bikoreshwa gusa rimwe mu cyumweru

 

III. Inyanya na concombre

Ibi bikoreshwa ku ruhu rworohereye kandi rudafite ibiheri.

Concombre ibamo silica izwiho gutuma uruhu rwongera gusa n’urukomera (iri mu bituma amabere atagwa) kandi ruagumana umwimerere warwo.

Ikindi kandi zirinda uruhu kuryaryatwa no kuribwa.

Iyi mask rero ituma uruhu rugumana umwimerere ariko ntirube rworohereye cyane dore ko byorohera iminkanyari kuza mu maso.

Aha ukoresha igisate cy’urunyanya na 1/4 cya concombre ukabisya bikaba igipondo. Iyo usanzwe ufite uruhu rwumye wongeramo akayiko ka almond oil (huile d’amande douce), ariko niba rutumye aya amavuta si ngombwa.

Ubisiga nka massage mu maso ugenda uzengurutsa, ukabirekeraho iminota 20 nyuma ukoga amazi ashyushye.

Ubikora bitarenze kabiri mu cyumweru

IV. Inyanya n’ibumba

Iyi mask ikoreshwa ku bantu bafite ibiheri, uruhu ruyaga cyangwa se mu gihe ushaka kuvugurura isura yawe.

Igice cy’urunyanya uragishya, ukavangamo ikiyiko kinini cy’ibumba (iryo ari ryo ryose). washaka ukongeramo ikiyiko cy’igipondo cya concombre, ariko yo si itegeko.

Akamaro k’ibumba ni ugukurura imyanda iri mu ruhu imbere ikavamo uruhu rugasigara rutemba itoto.

Urwo ruvange urarwisiga rukamaraho iminota 15 ukabyoga n’amazi.

Bikore rimwe cyangwa kabiri mu cyumweru.

2 comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s