Imyororokere Ubuzima

Tumenye umubiri wacu: Igitsina cy’umugabo

Mu nkuru zatambutse twagiye tuvuga ku bice binyuranye by’umubiri wa muntu aho twavuze ku bwonko, amabya, rugongo n’impyiko.

Umwe mu basomye inkuru zacu yaje kutwandikira yifuza ko twazamumara amatsiko tukamugezaho noneho ibyerekeye igitsina cy’umugabo, imboro.

Ni rumwe mu ngingo ziteye amatsiko haba ku bayigira n’abatayigira (abagore) dore ko no kuyivuga mu izina uri mu bantu bitinyitse kuko ari igice cy’ibanga ndetse kera ho umwana wabivugaga mu izina yakubitwaga iz’akabwana nubwo n’ubu hamwe ariko bikimeze. N’ubu wasanga hari uwasomye umutwe w’iyi nkuru akipfuka mu maso cyangwa akatuvumira ku gahera ngo twanditse ibishitani cyangwa ngo twataye umuco, ariko ndacyeka umuntu wese ubasha gusoma iyi nkuru ari mukuru

Natwe ntawe dushishikarije kujya ku gasozi no mu isoko ngo agende abiririmba ariko nanone kubyita andi mazina ngo akanyoni, agapipi, n’andi atandukanye nabwo si ubusirimu kuko ni ukuvanga umwana mu mutwe bityo kuba yayobywa n’abamusobanurira nyuma bikaba byakoroha.

Gusa si icyo hano twari tugendereye ahubwo reka tugaruke tuvuge kuri bimwe mu byo ushobora kuba utazi byerekeye imboro.

    1. Ishinzwe gukora ibintu bibiri by’ingenzi. Icya mbere niyo ikoreshwa mu kunyara dore ko ari ho hanyura umuyoboro uvana inkari mu ruhago (umuvaruhago), icya kabiri niyo ikoreshwa mu gihe cy’imibonano mpuzabitsina, ikananyuramo amasohoro abamo intanga zigamije kuzavamo umuntu.
    2. Wari uzi se ko umuhungu utazaba ikiremba amenyekana akivuka? Umwana w’umuhungu muzima avuka igitsina cye cyafashe umurego (yashyutswe). ndetse niyo wari umuhetse ukamwururutsa usanga cyareze. Rimwe na rimwe no muri echographie igaragaza umwana mu nda yashyutswe.
    3. Nkuko twabivuze dusobanura ibyerekeye rugongo, umwana ugisanwa ntiwamenya igitsina azagira kuko byitandukanya hejuru y’amezi atatu dore ko ari ho no muri echographie bashobora kuba bakubwira igitsina uzabyara. Muri kwa kwisobanura niho bamwe bagira chromosomes za XX bakagira rugongo naho aba XY bakagira imboro.
    4. Twavuze ko umwana avuka yashyutswe, reka hano nanone tuvuge ko mbere yo gupfa naho umugabo ashyukwa bwa nyuma. Aha ni naho kenshi bahera bavuga ko abasaza bakunda kuraga babiterwa nuko baba bamaze igihe badashyukwa nuko bajya kubona bakabona birongeye birabaye bakamenya ko iminsi yabo ku isi irangiye. Uretse bo kandi n’umuntu upfuye yiyahuye, arashwe mu mutwe, arozwe ubutaraza se cyangwa akoze impanuka, nabo bapfa bashyutswe
    5. Mu bihe byashize abagabo bahoranaga ubwoba ko bashobora kwibirwa igitsina n’abarozi, mu Rwanda babyita kwabura. Aha harimo kuba wakibura burundu cyangwa kuba wahinduka ikiremba kubera kurogwa gusa n’ubu hari ababyemeza ko bibaho.
    6. Nubwo ushobora gucyeka ko gushyukwa ari ibintu byoroshye byizana ariko burya si ibintu byoroshye. Bisaba uruhurirane rw’imisemburo yiyongera kandi igakora neza, kuba uri mutaraga ufite amagara mazima, kuba urwungano rw’imyakura ruri kohereza amakuru neza kandi ibitekerezo biri hamwe, utuje. Ibi iyo bihuye hakiyongeraho n’amarangamutima niho gushyukwa bigenda neza
    7. Nubwo nta gufa igira ariko imboro ijya ivunika kandi iyi mvune irababaza cyane. Ni impanuka idakunze kubaho ariko hari uburyo bw’imibonano bwongera ibyago byo kuba yavunika. Muri bwo harimo kuba umugore ari hejuru, aho ashobora kuzamuka vuba vuba ikavamo agahita amanuka n’ingufu akayicarira ishinze ikayobera ku ruhande ikavunika, no kuba umugabo ari inyuma y’umugore, baba baryamye cyangwa bapfukamye (doggy style). Mu gihe ubikora muri ubu buryo jya ugabanya umuvuduko niho uba wirinze iyi mpanuka ishobora kugusigira uburemba. Bisome hano  Wari uzi ko igitsina cy’umugabo gishobora kuvunika?
    8. Burya igice tubona ni hafi kimwe cya kabiri cy’uko yose ireshya kuko uhereye aho itereye mu mubiri imbere harimo ikindi gice cyenda kungana n’ikigaragara inyuma
    9. Imboro zashyirwa mu bice bibiri. Hari abagira ntoya iyo zidashyutswe nuko zashyukwa zikiyongera cyane mu mubyimba n’uburebure, hakabaho n’abagira nini zidashyutswe zashyukwa ntiziyongere ahubwo zigakomera gusa.
    10. Amateka agaragaza ko umwami Fatefehi wa Tonga (aka gace gaherereye mu nyanjya ya Pasifika y’amajyepfo, ahegereye Oceania) ari we mwami waba warabyaje umusaruro igitsina cye kurenza abandi kuko hagati ya 1770 na 1784 yaryamanye n’amasugi 37800, ubwo ni amasugi 7 ku munsi, buri munsi (biratangaje ariko birashoboka, ku mwami).
    11. Kugeza ubu uwabonyweho igitsina kirekire cyane ku isi ni Johan Falcon ugira ikireshya na 34cm naho uwabonyweho ikigufi cyane ntavugwa ariko havugwa ko cyareshyaga na 4cm, aha bikaba byarapimwaga byafashe umurego.
    12. Abagabo bo muri Congo (DRC) nibo bavugwaho ko bashobora kuba bagira ibitsina birebire kurenza abandi ku isi aho muri rusange icyafashe umurego ari 17.93cm (impuzandengo) naho abo mu bihugu bya Korea zombi bakaba ari bo bagira bigufi ku burebure bwa 9.66cm iyo byafashe umurego. Gusa ubu bushakashatsi bwakorewe ku bihugu 88, ibihugu byo muri East Africa nta na kimwe kirimo (wasanga iyo bagera iwacu bari kumirwa). (Ushaka urutonde rwose wabisoma hano https://www.worlddata.info/average-penissize.php)

 

Ngibyo ibyerekeye igitsina cy’umugabo, nawe igice ufitiye amatsiko wakandika muri comment ukitubwira tukazagikoraho inkuru irambuye.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s